Santiago 1:9 - Kaqchikel Santo Domingo (Xenacoj)

⁹ Ri hermano ri maneq ok ruchajin, tikikot, porque bꞌanun chare roma ri Dios chi kin kꞌo ruqꞌij.

နောက်ထပ်ဗားရှင်းများ

Kaqchikel Santa Maria de Jesus

⁹ Y ri hermano ri manak-oc rakalien nunaꞌ, xa tiquicuot cꞌa ri ránima, ruma choch ri Dios can rakalien, ruma runiman chic jajaꞌ.

Kaqchiquel Bible

⁹ Y ri qach'alal ri maneq ok k'o kik'in chuwech re ruwach'ulew, xa tikikot k'a ri kánima, roma chuwech ri Dios rije' kan k'o-wi janila kiq'ij.

Kaqchikel Central Guatemala

⁹ Y ri kach'alal ri manek quik'ij chuvech re ruvach'ulef, xa tiquicot c'a ri cánima, roma chuvech ri Dios can c'o-vi quik'ij, roma quiniman chic rija'.

Re C'ac'a Testamento pa Kach'abal

⁹ Y re hermanos re manak quik'ij chach re ruch'ulef, xa tiqui'cot cánma, roma chach re Dios can c'o-va quik'ij, roma quiniman chic reja'.

Kaqchikel Western Solola

⁹ Y ri kach'alal ri majun quik'ij chuwech re ruwach'ulef, xa tiquicot c'a ri cánima ruma can c'o wi quik'ij chuwech ri Dios ruma can quiniman chic Riya'.

Santiago 1:9 ပူးပေါင်းရင်းမြစ်များ

2 Corintios 6:10

Roj yoꞌon chi bꞌis, pero jumul ngojkikot, maneq ok qachajin, pero qabꞌanun chake ekꞌiy chi xbꞌeyomer kikꞌaslen rikꞌin ri rutzij ri Dios, y achel maneq ndutzꞌen qaqꞌaꞌ, pero nojel qichin roj.

Apocalipsis 2:9

Riyin wetaman ri kꞌayew ndaqꞌasaj y chi maneq ok achajin, pero pa nuwech riyin kin rat bꞌeyon. Wetaman chuqaꞌ chi ri ngebꞌiꞌin chi e-israelitas pero xa kiqꞌabꞌan kiꞌ, tzꞌan itzel teq tzij ndikibꞌilaꞌ chawij. Rejeꞌ xa jun bꞌotzaj wineq ri koqan rutijonik ri itzel.

San Lucas 1:52

Xrelesaj e ri uchuqꞌaꞌ pa kiqꞌaꞌ ri reyes, Y xunimrisaj kiqꞌij ri maneq ok kiqꞌij.

Filipenses 3:14

Y roma ri xubꞌen ri Cristo Jesús woma, ri Dios yin royon chin newilaꞌ ri ndusuj rijaꞌ chikaj. Kin nixikꞌ wiꞌ chin newilaꞌ, achel ndubꞌen jun ri ndok pa jun maratón, kin nduxikꞌ riꞌ chin nderukꞌisaꞌ ri janipeꞌ bꞌey qꞌaton chin nduchꞌek ri premio sujun.

Filipenses 3:3

Porque ri circuncisión ri kꞌo reqalen chuwech ri Dios, ja ri bꞌanun pa qánima roj ri rikꞌin rutoꞌik ri Espíritu Santo ndiqayaꞌ ruqꞌij ri Dios, y yalan ngojkikot chi xe jun qabꞌanun rikꞌin ri Cristo Jesús, y ma kuqul ta qakꞌuꞌx chi ngojkolotej roma ri circuncisión bꞌanun chare ri qa-cuerpo.

Romanos 8:17

Y roma roj ralkꞌuaꞌl chik ri Dios, kin nduyaꞌ chaqe ri rusujun kan, y kꞌo ri ruyoꞌon chik chare ri Cristo ri ndiyoꞌox chuqaꞌ chaqe roj. Pero ndikꞌatzin ndiqaqꞌasaj kꞌayew achel rijaꞌ, chin keriꞌ ndikꞌojeꞌ qaqꞌij rikꞌin, chupan ri nimalej ruqꞌij rijaꞌ.

San Lucas 10:20

Pero rix ma kixkikot roma ri itzel teq espíritu ndikinimaj ri itzij, rix kixkikot porque tzꞌibꞌan chik ri ibꞌiꞌ chikaj.

San Lucas 9:48

y kereꞌ xubꞌij chake: Ri xtikꞌamo apu ruwech jun akꞌual achel reꞌ pa nubꞌiꞌ, kin achel ja ta riyin ri ndukꞌen apu nuwech keriꞌ, y ri ndukꞌen apu nuwech riyin, kin achel ja ta ri taqayon pe wichin ri ndukꞌen apu ruwech. Porque ri más maneq ok ruqꞌij chiꞌikajal, jariꞌ ri más nim ruqꞌij.

1 Pedro 2:9

Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

San Lucas 14:11

Porque si jun ruyon chuwech ndunimrisaj riꞌ, kin xtiqasex ruqꞌij, pero ri nduqasaj riꞌ, kin xtinimrisex ruqꞌij.