Santiago 1:12 - Kaqchikel Santo Domingo (Xenacoj)

¹² Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

နောက်ထပ်ဗားရှင်းများ

Kaqchikel Santa Maria de Jesus

¹² Can altíra tiquicuot ri rucukubꞌan rucꞌuꞌx riqꞌuin ri Dios y nucochꞌ ri sufrimientos ri nipa chirij. Ruma antok rucachꞌuon chic nojiel, ri Dios xtuyaꞌ incheꞌl jun ru-corona; ri corona ri xtuyaꞌ cha, ja ri utzulaj cꞌaslien ri man xtiqꞌuis ta. Ja cꞌaslien reꞌ ri ranun prometer ri Dios chi xtuyaꞌ chica ri ncaꞌjoꞌn richin.

Kaqchiquel Bible

¹² Ri wineq ri nukoch' ri tijoj-poqonal, kan jebel ruwa-ruq'ij, roma ri Dios xtuya' chire ri wineq ri' ri sipanik richin ri utzilej k'aslen ri man jun bey xtik'is. Ja sipanik ri' ri rubin chi xtuya' chire ri najowan richin.

Kaqchikel Central Guatemala

¹² Pero roj ri kacukuban kac'u'x riq'uin ri Dios, vi xtikacoch' ri tijoj-pokonal ri nipe chikij, jebel c'a ruva-kak'ij. Roma tok kacoch'on chic ronojel, ri Dios xtuya' ri lok'olej sipanic chike, ri utzilej c'aslen ri man jun bey xtiq'uis ta. Ja lok'olej sipanic ri' ri rubin can ri Dios chi xtuya' chike ri yojajovan richin.

Re C'ac'a Testamento pa Kach'abal

¹² Pero yoj re can kayi'on kánma cha re Dios, vo xa xtakacoch' re tijoj-pokonal re nipa chakij, jabal yojqui'cot. Roma tak kacoch'on chic ronojel, re Dios xtuya' re corona re rusujun chaka, jare' re utzulaj c'aslen re man xtiq'uis-ta. Ja corona re' re rubin can re Dios che xtuya' chaka yoj re yojovan richin.

Kaqchikel Western Solola

¹² Jabel c'a ruwaruk'ij ri winek ri can rucukuban ruc'u'x riq'ui ri Dios y nucoch' ri tijoj pokonal ri nipe chrij. Ruma tek rucoch'on chic ronojel, ri Dios xtuya' ri lok'olaj sipanic chare, ri utzilaj c'aslen ri majun bey xtiq'uis ta. Ya lok'olaj sipanic ri' ri rubin ca ri Dios chi xtuya' chake ri yojajowan riche (rixin).

Santiago 1:12 ပူးပေါင်းရင်းမြစ်များ

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.

Apocalipsis 2:10

Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Santiago 5:11

Tiyaꞌ cuenta chare chi roj jabꞌel rokiqꞌij ndiqatzꞌet ri xkikachꞌ ri kꞌayew xkiqꞌasaj ojer kan. Rix iwakꞌaxan ri kꞌayew xukachꞌ ri Job, y iwetaman chuqaꞌ ri utz ri xubꞌen ri Ajaw chare pa rukꞌisibꞌel. Porque ri Ajaw kin utzulej runoꞌoj y kin ndujoyowaj kiwech ri wineq.

Romanos 8:28

Y roj ri ndiqajoꞌ ri Dios, qetaman chi nojel ri ngebꞌanatej pa qakꞌaslen, rijaꞌ ndubꞌen chare chi kꞌo utz ndukꞌen pe chaqe. Keriꞌ ndubꞌen chaqe roj ri roj royon, porque keriꞌ wi rubꞌanun pe ruwech pa qawiꞌ.

San Mateo 10:22

Y roma yin itaqin, kin itzel xkixtzꞌat koma konojel wineq, pero ri jumul ndukachꞌ ruwech hasta pa rukꞌisibꞌel, kin ndikolotej.

1 Corintios 9:25

Konojel ri ndikitijlaꞌ kanin pa jun etzꞌanin, ndikijekꞌ kiꞌ chuwech ri ma utz ta ndubꞌen chare ri ki-cuerpo. Keriꞌ ndikibꞌen chin ndikichꞌek jun premio ri xa ndikꞌis, jakꞌa roj ndiqatij qaqꞌij chi ndiqachꞌek jun nimalej rajel-rukꞌexel ri ma ndikꞌis ta.

1 Pedro 3:14

Pero si roma ndikꞌuaj jun chojmilej kꞌaslen ndibꞌan chiwa chi ndiqꞌasaj kꞌayew, ¡kin jabꞌel roꞌiqꞌij! Ma tixibꞌij iwiꞌ chikiwech ri keriꞌ ngebꞌanun chiwa, nixta tichꞌujrisaj iwiꞌ chunojixik.

2 Timoteo 4:8

Y wokami yakel apu jun nimalej rajel-rukꞌexel ri ndiyoꞌox chuwa roma nukꞌuan jun chojmilej kꞌaslen, y ja ri Ajaw ri utzulej Qꞌatoy tzij ri xtiyoꞌon chuwa chupan ri qꞌij atoq nduqꞌet tzij. Y ri rajel-rukꞌexel riꞌ ma xe ta chuwa riyin nduyaꞌ wi, xa kin ndiyoꞌox chuqaꞌ chake konojel ri bꞌaneq kánima chiroyobꞌexik chi nduqaqa chik jumbꞌey ri Ajaw.

Santiago 2:5

Nu-hermanos ri tzꞌan ngixinwojoꞌ, tiwakꞌaxaj re nibꞌij chiwa: Ri Dios eruchaꞌon ri maneq ok kichajin chochꞌulew chin ndikitaqij rijaꞌ, y riꞌ kin nimalej bꞌeyomal, y eruchaꞌon chuqaꞌ chin ngeꞌok pa ru-reino ri Dios, reino ri sujun chake konojel ri ngeꞌojowan richin.

1 Pedro 5:4

Y keriꞌ, atoq nduruqꞌalajrisaj chik riꞌ jumbꞌey ri Cristo ri nimalej Yuqꞌunel kichin ri yuqꞌunelaꞌ, kin xtiyoꞌox chiwa jun nimalej rajel-rukꞌexel, y riꞌ, ja ri xtikꞌojeꞌ iqꞌij chin jumul.

1 Corintios 2:9

Kin achel tzꞌibꞌan kan chupan ri rutzij ri Dios ri ndubꞌij: Nixta jun tzꞌeteyon, nixta jun akꞌaxayon, Nixta jun wineq qꞌaxneq pa ránima, Ri runabꞌan ri Dios chin nduyaꞌ chake ri ngeꞌojowan richin. Keriꞌ tzꞌibꞌan kan.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

1 Pedro 4:13

Pa rukꞌexel chi ndisach ikꞌuꞌx, xa kixkikot chi jajun rix ndiqꞌasaj jubꞌaꞌ kꞌayew achel xuqꞌasaj ri Cristo iwoma, chin keriꞌ atoq nduruqꞌalajrisaj riꞌ chupan ri nimalej ruqꞌij, rix chuqaꞌ kin santienta xkixkikot rikꞌin.

1 Corintios 8:3

Pero si jun ndojowan, ri jun riꞌ etaman ruwech roma ri Dios.

Apocalipsis 3:19

Riyin nikꞌajisaj kiwech y nichojmirisaj kikꞌaslen konojel ri ngenwojoꞌ. Roma kꞌa riꞌ, ma kakanej lilaj, xa kin tatijaꞌ aqꞌij chi ndayaꞌ kan ri itzel teq achike ngaꞌabꞌanalaꞌ y titzolij pe awánima rikꞌin ri Dios.

Hebreos 10:32

Rix tikꞌuxlaꞌaj ri qꞌij xeꞌeqꞌax yan, atoq kꞌa jubꞌaꞌ tiyikꞌex ri ikꞌaslen roma ri Ajaw y xikachꞌ ri santienta kꞌayew xbꞌan chiwa.

Hebreos 6:15

Y keriꞌ ri Abraham ma xkꞌo ta rukꞌuꞌx chiroyobꞌexik ri xsuj chare, y kin xyoꞌox wi chare.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

Hebreos 11:17

Ri Dios xutojtobꞌej ránima ri Abraham chin xutzꞌet si ndiniman, romariꞌ xubꞌij chare chi tusujuꞌ ri Isaac ri junayon rukꞌajol pa kamik chuwech. Y roma kuqul rukꞌuꞌx rikꞌin ri Dios, ri Abraham kin xniman y xuyaꞌ ri Isaac pariꞌ jun altar chin ta xusuj chuwech ri Dios. Keriꞌ xubꞌen ri Abraham ri achoq chare kꞌo achike esujun roma ri Dios.

1 Juan 4:19

Roj ngojojowan, porque ri Dios xojrajoꞌ nabꞌey.

Hebreos 12:5

Y xa imestan ri pixabꞌanik ruyoꞌon ri Dios chupan ri rutzij, pixabꞌanik ri achel nduyaꞌ jun tataꞌatz chare jun ralkꞌuaꞌl. Ri Dios kereꞌ xubꞌij: Walkꞌuaꞌl, ma tabꞌen chi maneq reqalen Ri rukꞌajisaxik awech nibꞌen yin ri Awajaw, Ma tipoꞌ akꞌuꞌx atoq nibꞌij chawa chi ma utz ta ri ngatajin rikꞌin.

San Lucas 6:22

Kin jabꞌel roꞌiqꞌij rix, atoq ri wineq itzel ndikitzꞌet iwech, y ngixkoqotaj pe chikikajal, ngixkichapalaꞌ y ndikibꞌilaꞌ chi xa rix itzel teq wineq, roma rix oqey wichin riyin ri aj chikaj ri xinuꞌalex chiꞌikajal.

Romanos 5:4

Ri ngojkochꞌon ndubꞌen chi ndiqꞌalajin chuwech ri Dios chi kuqul qakꞌuꞌx rikꞌin, y roma kuqul qakꞌuꞌx rikꞌin ri Dios, riꞌ ndubꞌen chaqe chi más ndiqoyobꞌej chi ndekꞌojeꞌ qaqꞌij chupan ri nimalej ruqꞌij rijaꞌ.

2 Timoteo 2:15

Tatijaꞌ aqꞌij chi jumul rat jun utzulej samajel ngatzꞌetetej roma ri Dios, chi maneq roma ngakꞌix roma utz abꞌanun chare ri samaj, y chi pa rubꞌeyal ndayaꞌ ri tijonik pa ruwiꞌ ri qetzij.

1 Pedro 4:14

Jabꞌel roꞌiqꞌij atoq ndibꞌix itzel teq tzij chiwa roma itaqin ri Cristo, porque ri Espíritu chin ri Dios ri kꞌo nimalej ruqꞌij kin kꞌo wi pa iwiꞌ rix.