Romanos 9:3 - Kaqchikel Santo Domingo (Xenacoj)

³ Y hasta wojowan chi tiqaqa royowal ri Dios pa nuwiꞌ y kinelesex e pa ruqꞌaꞌ ri Cristo, si rikꞌin ta riꞌ ngekolotej konojel ri nuwinaqul woxpochel.

နောက်ထပ်ဗားရှင်းများ

Kaqchikel Santa Maria de Jesus

³ Ruma inreꞌ nivajoꞌ chi quinojiel ta nuvanakil israelitas niquinimaj ri Cristo. Xa ta inreꞌ nquilasas-el riqꞌuin ri Cristo y nika ri castigo panoꞌ, y xa riqꞌuin reꞌ ncaꞌcolotaj ri nuvanakil, niyaꞌ nutzij chi quireꞌ niꞌan chuva.

Kaqchiquel Bible

³ Yin kan ninya-wi' richin yinelesex-el rik'in ri Cristo y niqa' ruk'ayewal pa nuwi' richin ta yento'.

Kaqchikel Central Guatemala

³ Roma yin janíla ninvajo' chi conojel ta ri kavinak israelitas niquinimaj ta ri Cristo, y vi ta riq'uin ri yinelesex-el riq'uin ri Cristo y nika' ruc'ayeval pa nuvi' yin, riq'uin ta ri' yecolotej ri ch'aka' chic kavinak, ninya' ta k'ij chi queri' niban chuve.

Re C'ac'a Testamento pa Kach'abal

³ mare' can ninjo' che yinlisas-ta-a riq'uin re Jesucristo, y pa nue-ta yen nika-va re castigo re nuya' re Dios. Xe-ta can riq'uin re' re kavinak israelitas can-ta niquinimaj re Jesucristo y ye'colotaj-ta chach re castigo, yen can-ta ninya' k'ij che nika re castigo pa nue' re nuya' re Dios.

Kaqchikel Western Solola

³ Rumari' riyin nbij, wi xa ta riq'ui chi yinelesex el riyin riq'ui ri Cristo y nika ruc'ayewal pa nuwi' y wi ta riq'ui ri' yecolotej ri nic'aj chic wech aj Israel, riyin can nya' k'ij chi que ta ri' niban chuwe.

Romanos 9:3 ပူးပေါင်းရင်းမြစ်များ

Romanos 11:14

Keriꞌ nibꞌen chin rikꞌin ta riꞌ, ri nuwinaqul israelitas ndikirayij ri ruyoꞌon ri Dios chiwa rix, y ekꞌo ta jujun chikikajal ngekolotej.

Gálatas 3:10

Keriꞌ nibꞌij chiwa porque konojel ri ndikajoꞌ chi ma jun kimak ndikeqalej chuwech ri Dios xaxe rikꞌin ndikibꞌen ri ndubꞌij ri ley ri xyoꞌox chare ri Moisés, qꞌaton chik castigo pa kiwiꞌ. Porque chupan ri rutzij ri Dios, kereꞌ ndubꞌij: Ri ma ndubꞌen ta nojel ri ndubꞌij ri ley, kin ndiqaqa pa ruwiꞌ ri castigo nduyaꞌ ri Dios.

1 Corintios 16:22

Si kꞌo jun wineq chiꞌikajal ri ma ndirajoꞌ ta ri Ajaw Jesucristo, tiqaqa nojel ri castigo nduyaꞌ ri Dios pa ruwiꞌ. ¡Ajaw, katuqaqa paqiꞌ!

Gálatas 3:13

Ri Cristo xojrulaqꞌ atoq kꞌa rojkꞌo pa ruqꞌaꞌ ri castigo ruqꞌaton ri ley pa qawiꞌ, roma ja rijaꞌ xkꞌojeꞌ chuxeꞌ ri castigo riꞌ pa qakꞌexel roj ri roj aj mak. Kin qꞌalej chi xkꞌojeꞌ chuxeꞌ ri castigo porque chupan ri rutzij ri Dios tzꞌibꞌan kan ndubꞌij: Xa achike na jun ri nditzeqebꞌex chuwech jun cheꞌ, ri castigo ri nduyaꞌ ri Dios kin qꞌalej chi qajneq pa ruwiꞌ.

Gálatas 1:8

Pero si riyin, o jun ta chikiwech ri hermanos ri ekꞌo wikꞌin o jun ta ángel chin chikaj ndiqatzijoj chiwa jun chik rubꞌeyal ri utzulej teq tzij ri ndukꞌen pe kolotajik chiwa, y ma junan ta rubꞌeyal rikꞌin ri qakꞌutun kan chiwech, kin tiqaqa pa ruwiꞌ ri castigo nduyaꞌ ri Dios.

1 Corintios 12:3

Romariꞌ nibꞌij chiwa: Nixta jun wineq ri ukꞌuan roma ri Espíritu chin ri Dios ndubꞌij itzel teq tzij chirij ri Jesús y keriꞌ chuqaꞌ, nixta jun wineq ndubꞌij Ajaw chare ri Jesús, si ma ja ta ri Espíritu Santo ukꞌuayon richin chin ndubꞌij.

Romanos 11:1

Romariꞌ nikꞌutuj razón, ¿la xerumalij kami kan ri Dios ri rutinamit Israel? ¡Ma ke ta riꞌ! Tiyaꞌ cuenta chare chi riyin, yin israelita, chin ru-tribu ri Benjamín, jun riy-rumam kan ri Abraham, y kꞌamon nuwech roma ri Dios.

Hechos 13:26

Y ri Pablo xubꞌij chik: Achiꞌaꞌ teq nuwinaqul riy-rumam kan ri Abraham, y rix chuqaꞌ ma israelitas ta ri ndiyaꞌ ruqꞌij ri Dios, re tzij chin kolotajik reꞌ chaqe roj qonojel taqon pe.

Hechos 22:5

Jajun ri más nimalej ruqꞌij sacerdote y konojel ri achiꞌaꞌ israelitas ri kꞌo uchuqꞌaꞌ pa kiqꞌaꞌ pa ruwiꞌ ri tinamit enu-testigos, chi qetzij ri ngitajin chubꞌixik. Ja rejeꞌ xeyoꞌon wuj pa nuqꞌaꞌ chin nijech pa kiqꞌaꞌ ri qawinaqul ekꞌo pa tinamit Damasco, ri achoq chupan ndubꞌij chi kiyoꞌon uchuqꞌaꞌ pa nuqꞌaꞌ chin ngentzꞌen ri kitaqin ri Ajaw y ngenkꞌen pe pa tinamit Jerusalén chin ndiyoꞌox castigo chake.

Hechos 28:21

Ja atoq riꞌ ri israelitas ri kimolon kiꞌ chiriꞌ kereꞌ xkibꞌij chare ri Pablo: Ma jun wuj taqon pe chaqe ri pataneq pa rochꞌulew Judea, ri ndichꞌaꞌa chawij y nixta jun qawinaqul rat rusujun waweꞌ, o rubꞌiꞌin chi kꞌo ta jun itzel achike abꞌanun.

Romanos 1:3

Ri utzulej teq tzij chin kolotajik riꞌ, ndichꞌaꞌa pa ruwiꞌ ri Rukꞌajol ri Dios. Rijaꞌ atoq xalex chochꞌulew, xuꞌok riy-rumam ri rey David.

Romanos 9:2

Riyin santienta bꞌis y kꞌayew ninaꞌ koma ri nuwinaqul.

Romanos 16:7

Tiyaꞌ ruxunaqil ruwech ri Andrónico y ri Junias, ri enuwinaqul ri junan xqachibꞌilaj qiꞌ pa cheꞌ kikꞌin. Rejeꞌ kin kꞌo kiqꞌij chikikajal ri apóstoles, y nabꞌey xkitaqij ri Jesucristo ke chinuwech riyin.

Romanos 16:11

Tiyaꞌ ruxunaqil ruwech ri Herodión, jun nuwinaqul. Tiyaꞌ ruxunaqil kiwech ri ekꞌo pa rachoch ri Narciso, rejeꞌ xe jun kibꞌanun rikꞌin ri Ajaw.

Romanos 16:21

Ri Timoteo nduteq ruxunaqil iwech. Rijaꞌ junan ngojsamej rikꞌin pa rusamaj ri Ajaw. Keriꞌ chuqaꞌ ndikiteq ruxunaqil iwech ri nuwinaqul Lucio, ri Jasón y ri Sosípatro.

2 Corintios 12:15

Riyin rikꞌin nojel wánima nikusaj ri nuchajin y hasta niyaꞌ wiꞌ pa samaj chin kꞌo utz ndukꞌen pe chare ri iwánima. Si riyin qꞌij-qꞌij más ndikꞌiy pa wánima chi ngixinwojoꞌ, ¿pa ruchojmil kami ndibꞌen chi qꞌij-qꞌij más ndikꞌis qa pa iwánima chi nginiwojoꞌ?

Gálatas 1:9

Roj qabꞌiꞌin chi kan chiwa y wokami nikamuluj rubꞌixik: Si kꞌo jun xtitzijon chiwa jun chik rubꞌeyal ri utzulej teq tzij ri ndukꞌen pe kolotajik, y ma junan ta rikꞌin ri itaqin, kin tiqaqa pa ruwiꞌ ri castigo nduyaꞌ ri Dios.

Efesios 6:5

Rix loqꞌon teq samajelaꞌ, tinimaj kitzij ri iwajaw. Rikꞌin nojel iwánima tibꞌanaꞌ ri ndikibꞌij chiwa chi ndibꞌen, y tiyaꞌ pa iwánima chi kin kꞌo kiqꞌij chiwech. Titijaꞌ iqꞌij chin ndibꞌen utz chare ri samaj, kin achel ta rusamaj ri Cristo ri ndibꞌen keriꞌ.