Romanos 9:1 - Kaqchikel Santo Domingo (Xenacoj)

¹ Riyin ri xe jun nubꞌanun rikꞌin ri Cristo, ma aqꞌ ta ri nibꞌij chiwa, xa kin qetzij, y ri wánima ukꞌuan roma ri Espíritu Santo retaman chi re nibꞌij chiwa wokami kin qetzij wi:

နောက်ထပ်ဗားရှင်းများ

Kaqchikel Santa Maria de Jesus

¹ Inreꞌ, ruma nuniman ri Cristo, can ketzij niꞌej y man nitzꞌak ta tzij chivach. Ri nujaluon y ri vánima quireꞌ niquiꞌej chuva, chi can ketzij, ruma ri Espíritu Santo quireꞌ jeꞌ nuꞌej, chi ri niꞌej chiva can ketzij.

Kaqchiquel Bible

¹ Yin, roma nuniman ri Cristo, man nintz'uk ta tzij. Y ri Loq'olej Espíritu retaman ri k'o pa wánima; y roma ri' rija' nubij chi kan qitzij wi

Kaqchikel Central Guatemala

¹ Yin, roma nuniman ri Cristo, man nintz'uc ta tzij. Ri ninvajo' ninbij chive can kitzij vi. Ri vánima queri' ri nubij chuve, chi can kitzij vi. Ri Lok'olej Espíritu que chuka' ri' nubij, chi re ninbij chive can kitzij vi,

Re C'ac'a Testamento pa Kach'abal

¹ Roma yen niniman re Jesucristo, mare' man nintz'uc-ta tzij. Re ninjo' nimbij chiva can katzij-va. Re vánma quire' nubij chua, che can katzij-va. Y quire' chuka' nubij re Espíritu Santo, che re nimbij chiva can katzij-va,

Kaqchikel Western Solola

¹ Ri nwajo' nbij chiwe can kitzij wi, ruma nuniman ri Cristo y ma ntz'uc ta tzij. Ri wánima can nuna' wi chi kitzij ri nbij, ruma queri' chuka' nuk'alajsaj ri Lok'olaj Espíritu chuwe.

Romanos 9:1 ပူးပေါင်းရင်းမြစ်များ

1 Timoteo 2:7

Y ri Dios xiruchaꞌ chin niyaꞌ utzulej rutzijol chi rijaꞌ ndirajoꞌ chi ri wineq ngekolotej, y xiruchaꞌ chuqaꞌ chin xinok apóstol. Kin qetzij ri nibꞌij, y ma ngireqꞌon ta. Xiruchaꞌ chin ngentijoj ri wineq ma israelitas ta chin ndikitaqij ri Cristo Jesús y ndikinimaj ri qetzij.

Romanos 1:9

Nimatioxij porque ri Dios ri nojel wánima nibꞌen rusamaj chutzijoxik ri utzulej teq tzij ri ndichꞌaꞌa pa ruwiꞌ ri kolotajik nduyaꞌ ri Rukꞌajol, rijaꞌ kin retaman chi ngixinkꞌuxlaꞌaj pa nu-oración chi chaqꞌaꞌ chi paqꞌij.

Gálatas 1:20

Y chuwech ri Dios nibꞌij chi re nitzꞌibꞌaj e chiwa kin qetzij wi y ma ngireqꞌon ta.

Filipenses 1:8

Ri Dios kin retaman chi ma ngireqꞌon ta atoq nibꞌij chi tzꞌan ngixinwojoꞌ rix iwonojel, achel ngixrajoꞌ ri Cristo Jesús.

2 Corintios 11:10

Rikꞌin ri qetzij chin ri Cristo kꞌo pa wánima, nibꞌij chi nixta jun hermano aj irochꞌulew Acaya xtubꞌen chuwa chi man ta nim ninaꞌ chare chi nixta jun nutoꞌik nukꞌutun chiwa.

Romanos 8:16

Y ja ri Espíritu Santo ri ndiyoꞌon pa qánima chi ndiqanaꞌ chi qetzij roj ralkꞌuaꞌl ri Dios.

1 Timoteo 1:5

Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

1 Tesalonicenses 2:5

Porque rix iwetaman, chi atoq xbꞌeqatzijoj ri rutzij ri Dios chiwa, ma xqayaꞌ ta iqꞌij rikꞌin jabꞌel teq tzij chin ta xqaqasaj ijolon, nixta xixqachꞌakatij chin ta xqelesaj méra chiꞌiqꞌaꞌ. Ri Dios kin retaman wi chi qetzij nojel ri ngojtajin chubꞌixik.

2 Corintios 12:19

Rikꞌin jubꞌaꞌ rix ndinojij chi qabꞌiꞌin nojel reꞌ roma ndiqajoꞌ ndiqatoꞌ qiꞌ chiwech, pero ma ke ta riꞌ. Xa kin qetzij ri ndiqabꞌij roma xe jun qabꞌanun rikꞌin ri Cristo y kin chuwech ri Dios ngojchꞌaꞌa wi. Y nojel ri ngojtajin chubꞌixik chiwa rix ri tzꞌan ngixqajoꞌ, xa kin chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

1 Timoteo 5:21

Y chuwech ri Dios y ri Cristo Jesús y chikiwech ri ángeles echaꞌon, nibꞌij chawa chi tabꞌanaꞌ nojel ri nubꞌiꞌin e chawa, ma nabꞌey tanojij jun achike chirij jun si ma awetaman ta chaj ri bꞌanatajneq, y junan kiwech kaꞌatzꞌetaꞌ konojel.

2 Corintios 11:31

Ri ru-Dios y Rutataꞌ ri Ajaw Jesús ri kin rukꞌulun wi chi jumul ndiyoꞌox ruqꞌij, retaman chi kin qetzij re nibꞌij chiwa.

2 Corintios 1:23

Pero ma yin bꞌaneq ta chiꞌitzꞌetik pa tinamit Corinto achel nunojin roma nipoqonaj iwech, y kin ja ta ri Dios xtok testigo chuwij y xtirelesaj ri nukꞌaslen, si ma qetzij ta ri nibꞌij.

Romanos 2:15

Rejeꞌ kin achel tzꞌibꞌan ri ley pa kánima porque ndikibꞌen ri ndubꞌij ri ley riꞌ. Ja ri kánima ndinaꞌon ri achike ngetajin, y ja chuqaꞌ ri ndikinojij chikijununal ri ndibꞌiꞌin si utz o ma utz ta ri ngetajin rikꞌin.

Romanos 9:2

Riyin santienta bꞌis y kꞌayew ninaꞌ koma ri nuwinaqul.