Romanos 7:9 - Kaqchikel Santo Domingo (Xenacoj)

⁹ Rubꞌanun kan atoq kꞌajani tinwetamaj utz-utz rubꞌeyal ri ley, riyin xinnaꞌ chi kin chaj wi ri nukꞌaslen chuwech ri Dios, pero atoq xinkꞌoxomaj utz-utz achike ndubꞌij tzij chi ma tinrayij ri ruchajin jun chik achel ndubꞌij ri mandamiento, kin xkꞌastej pe ri mak pa wánima y xinyaꞌ cuenta chare chi chuwech ri Dios xa yin kamineq chupan ri numak.

နောက်ထပ်ဗားရှင်းများ

Kaqchikel Santa Maria de Jesus

⁹ Antok cꞌa majaꞌ nubꞌanun entender otz ri ley, xinꞌan pensar chi cꞌo nucꞌaslien. Pero ri kꞌij antok xiꞌka panoꞌ (xinꞌan entender) ri nuꞌej ri ley, xcꞌastaj-pa ri pecado ri cꞌo pa vánima, y cꞌajareꞌ xinnaꞌiej chi xa in-quiminak ruma ri pecado.

Kaqchiquel Bible

⁹ Ri ojer kan, toq man jani q'axineq chinuwech ri pixa' ri', yin xinna' chi k'o nuk'aslen rik'in ri Dios. Jak'a ri q'ij toq xq'ax chinuwech ri nubij ri pixa', jari' toq xq'ax chinuwech chi k'o ri mak pa wánima,

Kaqchikel Central Guatemala

⁹ Ri ojer can, tok man jani k'axinek ta ri ley chinuvech, xinch'ob chi c'o nuc'aslen. Jac'a ri k'ij tok xk'ax chinuvech ri nubij ri ley, xc'astej-pe ri mac ri c'o pa vánima, y c'ari' xinnabej chi manek ajc'a nuc'aslen.

Re C'ac'a Testamento pa Kach'abal

⁹ Re ajuer can, tak c'amaje-na tak'ax pa nue' re ley, yen xinojij che c'o nuc'aslen. Jac'a re k'ij tak xk'ax pa nue' re nubij re ley, xc'astaj-pa re mac re c'o pa vánma, y c'are' xinabej che camanak-va nuc'aslen, xa can yin quiminak chach re Dios.

Kaqchikel Western Solola

⁹ Ri ojer ca, tek ma jane k'axnek ta chinuwech ri nubij ri ley, riyin xinch'ob chi c'o nuc'aslen. Yac'a ri k'ij tek xk'ax chinuwech ri nubij ri ley, yac'ari' tek xpe más ruchuk'a' ri mac ri xa can c'o wi pa wánima, y c'ac'ari' xinnabej chi xa yin caminek ajc'a chuwech ri Dios.

Romanos 7:9 ပူးပေါင်းရင်းမြစ်များ

Gálatas 3:10

Keriꞌ nibꞌij chiwa porque konojel ri ndikajoꞌ chi ma jun kimak ndikeqalej chuwech ri Dios xaxe rikꞌin ndikibꞌen ri ndubꞌij ri ley ri xyoꞌox chare ri Moisés, qꞌaton chik castigo pa kiwiꞌ. Porque chupan ri rutzij ri Dios, kereꞌ ndubꞌij: Ri ma ndubꞌen ta nojel ri ndubꞌij ri ley, kin ndiqaqa pa ruwiꞌ ri castigo nduyaꞌ ri Dios.

Romanos 8:7

Porque ri bꞌaneq kánima chirij ri itzel teq rayinik chin ri ki-cuerpo, eyakatajneq chirij ri Dios, porque ma ndikibꞌen ta ri ndubꞌij ri ley ruyoꞌon pe ri Dios, nixta ngetiker ndikinimaj ri ley riꞌ.

Gálatas 2:19

Riyin rikꞌin ri ndubꞌij chupan ri ley xinkꞌoxomaj chi ri ley ma nditiker ta ngirukal, romariꞌ ma xinkuqubꞌaꞌ chi ta nukꞌuꞌx rikꞌin, porque xinkꞌoxomaj chi ndikꞌatzin nitaqij ri Cristo chin nibꞌen pa nukꞌaslen ri ndirajoꞌ ri Dios. Riyin kin achel ta xikamisex junan rikꞌin ri Cristo cho cruz.

Romanos 10:5

Porque ri Moisés pa ruwiꞌ ri achike ndikꞌatzin ndubꞌen jun wineq chin nixta jun mak ndireqalej chuwech ri Dios, kereꞌ rutzꞌibꞌan kan chupan ri ley: Ri ndibꞌanun nojel ri ndubꞌij re ley reꞌ, kin ndiril ri qetzij kꞌaslen ri nduyaꞌ ri Dios. Keriꞌ rutzꞌibꞌan kan.

Romanos 7:11

Porque ri mak ri rewan riꞌ pa wánima xukusaj ri mandamiento riꞌ chin xiruchꞌakatij, porque xinnaꞌ chi ngitiker niqꞌet wiꞌ chuwech ri mak, y roma keriꞌ xinnaꞌ, ri mak xukusaj ri mandamiento chin xirukamisaj.

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.

Romanos 7:4

Keriꞌ chuqaꞌ ibꞌanun rix, nu-hermanos, xixken yan chuwech ri ley roma rukamik ri Cristo, y riꞌ ndubꞌij tzij chi xixelesex yan chuxeꞌ ruchuqꞌaꞌ ri ley, chin keriꞌ xixok yan chik richin rijaꞌ ri xkꞌastajbꞌex pe chikikajal ri animaꞌiꞌ. Y keriꞌ bꞌanatajneq qikꞌin roj qonojel ri qataqin, chin keriꞌ ndiwachin ri qakꞌaslen y ndukꞌen pe runimrisaxik rubꞌiꞌ ri Dios.

San Lucas 18:21

Ri achi xubꞌij chare: Nojel ri mandamientos riꞌ, xe jampeꞌ kꞌa yin kꞌajol, jumul enuniman pe.

San Lucas 15:29

Ri kꞌajol nimalaꞌtz xubꞌij chare ri rutataꞌ: Rat awetaman chi santienta junaꞌ nubꞌanun pe asamaj y nixta jumbꞌey nuqꞌajon ruwiꞌ atzij, y rat nixta jun chꞌuti cabra ayoꞌon chuwa chin ta nubꞌanun jun nimaqꞌij kikꞌin wachibꞌil.

San Mateo 19:20

Y ri kꞌajol kereꞌ xubꞌij chare: Nojel ri mandamientos riꞌ enuniman pe. ¿Achike más ndikꞌatzin nibꞌen?

Romanos 7:8

Pero ri mak xukusaj ri mandamiento riꞌ y xukꞌasoj pa wánima chi nirayij nojel teq achike ri kichajin chꞌaqa chik. Porque si man ta kꞌo ri ley, ri mak ma jun ta ruchuqꞌaꞌ y xa achel kamineq keriꞌ.

Romanos 7:10

Y xinyaꞌ chuqaꞌ cuenta chare chi ri mandamiento riꞌ, ri kin chin wi ndilitej kꞌaslen rikꞌin ri Dios, xa kamik xukꞌen pe chuwa.