Romanos 7:4 - Kaqchikel Santo Domingo (Xenacoj)

⁴ Keriꞌ chuqaꞌ ibꞌanun rix, nu-hermanos, xixken yan chuwech ri ley roma rukamik ri Cristo, y riꞌ ndubꞌij tzij chi xixelesex yan chuxeꞌ ruchuqꞌaꞌ ri ley, chin keriꞌ xixok yan chik richin rijaꞌ ri xkꞌastajbꞌex pe chikikajal ri animaꞌiꞌ. Y keriꞌ bꞌanatajneq qikꞌin roj qonojel ri qataqin, chin keriꞌ ndiwachin ri qakꞌaslen y ndukꞌen pe runimrisaxik rubꞌiꞌ ri Dios.

နောက်ထပ်ဗားရှင်းများ

Kaqchikel Santa Maria de Jesus

⁴ Hermanos, quireꞌ jeꞌ kabꞌanun ojreꞌ. Incheꞌl can xojcon choch ri ru-ley ri Moisés antok ri Cristo xcon. Y rumareꞌ man ojcꞌo ta chic chuxieꞌ ri ley reꞌ, vacame oj richin chic ri Cristo, ri xcꞌastaj-pa chiquicajol ri quiminakiꞌ. Y ruma oj richin chic ri Cristo, kucꞌuaj jun otz kacꞌaslien; incheꞌl nrajoꞌ ri Dios.

Kaqchiquel Bible

⁴ Wach'alal, kan keri' chuqa' nibanatej qik'in roj. Achi'el ta kan xojken rik'in ri Cristo, toq rija' xken. Y roma ri' man ojk'o ta chik chuxe' ri pixa'; xa kan oj richin chik ri Cristo, ri xk'astej-pe. Y roma oj richin chik ri Cristo, yojtikir yojk'ase' achi'el nrajo' ri Dios.

Kaqchikel Central Guatemala

⁴ Vach'alal, can queri' kabanon roj chuka'. Achi'el ta can xojquen (xojcom) riq'uin ri Cristo, tok rija' xquen (xcom). Y romari' man ojc'o ta chic chuxe' ri ley, xa can oj richin chic ri Cristo, ri xc'astej-pe chiquicojol ri caminaki'. Y roma oj richin chic ri Cristo, nivachin ri kac'aslen; can achi'el ri nrajo' ri Dios.

Re C'ac'a Testamento pa Kach'abal

⁴ Hermanos, yoj chuka' quire' kabanon. Roma tak re Jesucristo xcom, yoj chuka' can ancha'l che xojcom riq'uin. Y mare' man yojc'o-ta chic chuxe' re ley, xa can yoj richin chic re Jesucristo, re xc'astaj-pa chiquicojol re anama'i'. Y roma yoj richin chic re Jesucristo, nivachin re kac'aslen, can ancha'l nrajo' re Dios chaka.

Kaqchikel Western Solola

⁴ Wach'alal, can queri' chuka' kabanon riyoj. Riyoj can xojcom chuwech ri ley tek xcom ri Cristo. Y rumari' ma yojc'o ta chic chuxe' ri ley, xa can yoj riche (rixin) chic ri Cristo, ri xc'astej pe chiquicojol ri caminaki'. Y ruma yoj riche (rixin) chic ri Cristo, can tiwachin c'a ri kac'aslen; can achi'el ri nrajo' ri Dios.

Romanos 7:4 ပူးပေါင်းရင်းမြစ်များ

1 Pedro 2:24

Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

Romanos 8:2

Porque ukꞌuan qakꞌaslen roma ri Espíritu Santo ri ndiyoꞌon kꞌaslen, y ja rijaꞌ kꞌisiyon ruqꞌij ruchuqꞌaꞌ ri mak ri xa kamik ndukꞌen pe chaqe. Y riꞌ roma xe jun qabꞌanun rikꞌin ri Cristo Jesús.

Efesios 2:15

Xubꞌen chuqaꞌ chi maneq chik kuchuqꞌaꞌ pa qawiꞌ roj israelitas ri mandamientos y ri jalajaj teq achike ndubꞌij chupan ri ley ri xyoꞌox chare ri Moisés chi tiqabꞌanaꞌ. Xubꞌen jun kꞌakꞌakꞌ tinamit chaqe roj chi israelitas y ma israelitas ta ri xe jun qabꞌanun rikꞌin, y xuyaꞌ uxlanen chiqakajal.

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.

Gálatas 5:18

Pero si ja ri Espíritu Santo ukꞌuayon ri ikꞌaslen, riꞌ ndubꞌij tzij chi ma rixkꞌo chi ta chuxeꞌ ruchuqꞌaꞌ ri ley.

Colosenses 1:22

Maske keriꞌ xeꞌibꞌanalaꞌ jumbꞌey kan, wokami elesan ri mak jachayon iwech rikꞌin ri Dios, y kꞌamon apu iwech roma rijaꞌ, y riꞌ roma ri kamik xuqꞌasaj ri Cristo pa ru-cuerpo atoq xkꞌojeꞌ chochꞌulew. Keriꞌ xubꞌen rijaꞌ chin ndubꞌen loqꞌolej y chꞌajchꞌaj chare ri ikꞌaslen, y chin chuqaꞌ ma jun itzel achike ndilitej chiwij atoq ngixbꞌerujachaꞌ chuwech ri Dios.

Romanos 6:22

Pero wokami, xixelesex yan pe chuxeꞌ ruchuqꞌaꞌ ri mak y xixok rusamajelaꞌ ri Dios, y riꞌ kꞌo utz ndukꞌen pe chiwa porque ndubꞌen chare ri ikꞌaslen chi ndok loqꞌolej y pa rukꞌisibꞌel ndok iwichin ri kꞌaslen ma ndikꞌis ta.

Gálatas 3:13

Ri Cristo xojrulaqꞌ atoq kꞌa rojkꞌo pa ruqꞌaꞌ ri castigo ruqꞌaton ri ley pa qawiꞌ, roma ja rijaꞌ xkꞌojeꞌ chuxeꞌ ri castigo riꞌ pa qakꞌexel roj ri roj aj mak. Kin qꞌalej chi xkꞌojeꞌ chuxeꞌ ri castigo porque chupan ri rutzij ri Dios tzꞌibꞌan kan ndubꞌij: Xa achike na jun ri nditzeqebꞌex chuwech jun cheꞌ, ri castigo ri nduyaꞌ ri Dios kin qꞌalej chi qajneq pa ruwiꞌ.

Romanos 6:14

Porque ri mak ma utz ta chi ndikꞌojeꞌ ruchuqꞌaꞌ pa iwiꞌ, porque ma rixkꞌo ta chuxeꞌ ri ley xyoꞌox chare ri Moisés chin ndibꞌen ri ndubꞌij, xa kin rixkꞌo chuxeꞌ ri ru-favor ri Dios.

Colosenses 2:14

Roj ma xojtiker ta xqabꞌen nojel ri ndubꞌij chupan ri ley xyoꞌox chare ri Moisés, pero ri Dios xrelesaj e ri castigo qꞌaton kan pa qawiꞌ y xojrukal rikꞌin rukamik ri Cristo cho cruz.

Colosenses 1:10

Chin keriꞌ ndikꞌuaj jun kꞌaslen achel ndirajoꞌ ri Ajaw, y nojel ri ndibꞌen kin ta ndiqaꞌ chuwech, kin ta kꞌiy utz ngeꞌibꞌanalaꞌ chake chꞌaqa chik, kin achel jun cheꞌ ri yalan ndiwachin, y kin ta más ngixkꞌiy pa ikꞌaslen roma ndiwetamaj ri utzulej runoꞌoj ri Dios.

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

Apocalipsis 19:7

Y qojkikot, Tiqabꞌanaꞌ nimaqꞌij y tiqayaꞌ ruqꞌij ri Dios, Porque ja xuqaqa ri qꞌij Chin ndikꞌuleꞌ ri Alaj Karneꞌl, Y ri xten ri ndok rixjayil rubꞌanun chik rukꞌojlen riꞌ.

Romanos 6:2

¡Ma utz ta! Porque roj xqayaꞌ yan kan ri mak, y achel roj kamineq chik chuwech, romariꞌ ma utz ta chi kꞌa ndiqabꞌen mak.

Colosenses 2:20

Rix ri xixken yan rikꞌin ri Cristo, xixken yan chuwech ri aj rochꞌulew costumbres, y maneq chik kiqꞌaꞌ chiwa. Y roma keriꞌ, ¿achike roma rix kꞌa ndibꞌen ri aj rochꞌulew costumbres kichin ri wineq?

Colosenses 1:6

Ri utzulej teq tzij chin kolotajik xbꞌeqaqa rutzijol chiꞌikajal, y jabꞌel ndikꞌiy y ndiwachin achel jun tikoꞌ. Ri utzulej teq tzij riꞌ kꞌiyineq nojel apeꞌ chuwech ri rochꞌulew y kꞌiyineq chuqaꞌ chiꞌikajal rix, xe jampeꞌ xiwetamaj y qetzij xikꞌoxomaj pe ri ru-favor ri Dios.

Filipenses 4:17

Pero riyin ma nitzꞌibꞌaj ta e reꞌ chiwa chin ta nditeq pe más nutoꞌik. Ri niwojoꞌ riyin, ja ta chi ndikꞌiyer ruwech ri jarupeꞌ rajel-rukꞌexel nduyaꞌ ri Dios chiwa.

San Juan 3:29

Pa jun kꞌulubꞌik ri kꞌajol ndikꞌuleꞌ jariꞌ ri ndok rachijil ri xten, y ri kꞌajol peyon chin ndikꞌojeꞌ pa ruwiꞌ ri nimaqꞌij chin ri kꞌulubꞌik, santienta ndikikot atoq ndirakꞌaxaj chi ri aj kꞌulubꞌel ngetzeyaj chikiwech. Keriꞌ kꞌa chuqaꞌ riyin santienta ngikikot roma niwakꞌaxaj chi wokami santienta wineq ngebꞌa apu apeꞌ kꞌo ri Jun taqon pe roma ri Dios chukolik ri rutinamit.

San Mateo 26:26

Y atoq ngewaꞌ, ri Jesús xutzꞌen ri kaxlan wey y atoq rumatioxin chik chare ri Dios, xuper, xuyaꞌ chake ri ru-discípulos, y xubꞌij: Titzꞌamaꞌ, tikꞌuxuꞌ, jareꞌ ri nu-cuerpo.

Apocalipsis 21:9

Y ri apeꞌ yinkꞌo, xjel pe jun chikiwech ri wuquꞌ ángeles ri xeqꞌijo ri wuquꞌ rukꞌisibꞌel teq kꞌayew pa ruwiꞌ ri rochꞌulew, kꞌayew ri ekikꞌuan pa teq copas, y ri ángel riꞌ xubꞌij chuwa: ¡Katámpe! Nikꞌut chawech ri xten ndok rixjayil ri Alaj Karneꞌl.

Hebreos 10:10

Ri Dios xubꞌen chꞌajchꞌaj chaqe roma ri Jesucristo xubꞌen ri rurayibꞌel ri Dios, atoq xusuj ri ru-cuerpo pa kamik xe jumbꞌey y chin jumul.

2 Corintios 11:2

Porque ri santienta ngixinbꞌen cuenta, riꞌ rikꞌin ri Dios pataneq wi. Riyin nuyoꞌon nutzij chare ri Ajaw achel jun tataꞌatz nduyaꞌ rutzij chare jun kꞌajol chi ndikꞌuleꞌ ri rumiꞌal rikꞌin. Yin xinyaꞌ nutzij chare ri Jun ri ndok iwachijil chi ngixkꞌuleꞌ rikꞌin, y ri jun riꞌ ja ri Cristo. Niwojoꞌ chi chꞌajchꞌaj ngixbꞌenjachaꞌ pa ruqꞌaꞌ, achel jun qꞌopoj ri kꞌajani tikꞌojeꞌ rikꞌin achi.

1 Corintios 10:16

Chupan ri waꞌin kꞌuxlabꞌel rukamik ri Ajaw, atoq ndiqatij ri vino chin matioxinik chare ri Dios, ri rutijik ri vino riꞌ ndukꞌuxlaꞌaj chaqe chi xe jun qabꞌanun rikꞌin ri Cristo roma ri rukikꞌel ri xbꞌiyin cho cruz qoma. Y atoq ndiqaper ri kaxlan wey chin junan ndiqakꞌux, ri rukꞌuxik ri kaxlan wey riꞌ ndukꞌuxlaꞌaj chaqe chi xe jun qabꞌanun chiqawech roj ri roj ru-cuerpo ri Cristo.

San Juan 15:8

Rikꞌin ri santienta ndiwachin ikꞌaslen, ri Nataꞌ ndiyoꞌox nimalej ruqꞌij, y keriꞌ nditzꞌetetej chi rix nu-discípulos.

San Juan 6:51

Ja riyin ri kꞌaslik kaxlan wey ri qajneq pe chikaj. Ri ndikꞌuxu re kaxlan wey reꞌ, ndikꞌojeꞌ rukꞌaslen chin jumul. Y ri kaxlan wey ri nibꞌij chiwa, ja ri nu-cuerpo, ri nijech pa kamik chin ndukꞌen pe kꞌaslen ma ndikꞌis ta chake ri wineq.

Marcos 4:20

Pero ekꞌo wineq eꞌachel ri utzulej ulew apeꞌ xeqaqa jujun chik semilla. Rejeꞌ ndikakꞌaxaj rutzij ri Dios y ndikiyaꞌ qꞌij chare chi ndubꞌen qa ruxeꞌ pa kánima y ndiwachin ri kikꞌaslen, achel ri tikoꞌ, ekꞌo ndikiyaꞌ a 30, ekꞌo ndikiyaꞌ a 60 y ekꞌo ndikiyaꞌ a 100 kiwech.

Romanos 6:11

Keriꞌ chuqaꞌ rix, jumul tiyaꞌ pa iwánima chi rix kamineq chik chuwech ri mak, pero rix kꞌes chin ndinimrisaj rubꞌiꞌ ri Dios, porque xe jun ibꞌanun rikꞌin ri Cristo Jesús.

Romanos 7:3

Romariꞌ, si jun ixaq kꞌa kꞌes ri rachijil, y ndibꞌa chik rikꞌin jun achi, ndibꞌix chirij chi xa kanoy rukꞌexel rachijil. Pero si ri rachijil kamineq chik, ri ixaq ma kꞌo chi ta chuxeꞌ ruchuqꞌaꞌ ri ley ri ximiyon richin rikꞌin ri rachijil, y si ndikꞌuleꞌ chik jumbꞌey, ma kanoy ta rukꞌexel rachijil.