Romanos 7:23 - Kaqchikel Santo Domingo (Xenacoj)

²³ pero nitzꞌet chi pa nu-cuerpo kꞌo chik jun ley ri ngerutaqchiꞌij ri jalajaj ruwachinel nuqꞌa-waqen, y ri ley riꞌ ndiyakatej chirij ri utz nirayij nibꞌen. Xa yin ruximon chuxeꞌ ruchuqꞌaꞌ ri itzel teq rayinik kꞌo pa wánima y ngerukusaj ri ruwachinel ruqꞌa-raqen ri nu-cuerpo chin nibꞌen mak.

နောက်ထပ်ဗားရှင်းများ

Kaqchikel Santa Maria de Jesus

²³ Pero vataꞌn chi cꞌo chic jun ley ri cꞌuayuon vichin. Y ri jun ley reꞌ man nrajoꞌ ta nuꞌon ri nurayij ri vánima. Ri ley reꞌ ja ri pecado. Can incꞌo pa rukꞌaꞌ y in-ximil.

Kaqchiquel Bible

²³ Jak'a yin wetaman chi k'o chik jun pixa' ri uk'uayon wichin; ri kan yirukusaj richin yimakun. Y re jun re' nuben oyowal rik'in ri nurayij ri wánima. Kan ink'o-wi k'a pa ruq'a' y chuxe' rutzij ri mak.

Kaqchikel Central Guatemala

²³ Pero vetaman chi c'o chic jun ley ri uc'uayon vichin; ri can yerucusaj ri nuk'a-vaken. Y re jun re' nuben oyoval riq'uin ri nurayij ri vánima. Can inc'o-vi c'a pa ruk'a' y chuxe' rutzij ri mac, ri ye'ucusan richin re nuk'a-vaken.

Re C'ac'a Testamento pa Kach'abal

²³ Pero ntaman che c'o chic jun ley re ec'uayon vichin, y re ley re' ja re mac re can ye'rucusaj re nuk'a-vakan, y re ley re' nuban ayoval riq'uin re otz re nurayij re vánma. Can yinc'o-va c'a pa ruk'a' y chuxe' rutzij re ley chin re mac.

Kaqchikel Western Solola

²³ Pero wetaman chi c'o jun chic ley ri uc'uayon wuche (wixin); ri can yerucusaj ri nuk'a' waken. Y re jun ley re', ley riche (rixin) ri mac y nuben ch'a'oj riq'ui ri utz ri nurayij ri wánima. Y can yin ximil pa ruk'a'.

Romanos 7:23 ပူးပေါင်းရင်းမြစ်များ

Gálatas 5:17

Porque ri itzel teq rayinik chin ri cuerpo, ma ndikajoꞌ ta ndikiyaꞌ qꞌij chare ri Espíritu Santo chi ndukꞌuaj ri ikꞌaslen y ri Espíritu Santo ma ndirajoꞌ ta nduyaꞌ qꞌij chare ri itzel teq rayinik chi ndikikꞌuaj ri ikꞌaslen. Ri ekaꞌiꞌ riꞌ ma ndikikꞌuaj ta kiꞌ, y romariꞌ rix ma ngixtiker ta ndibꞌen nojel ri ndirayij ndibꞌen.

Santiago 4:1

¿Achike kꞌa ri ndibꞌanun chiwa chi itzel nditzꞌet iwiꞌ chiwech chin ngeꞌibꞌen kakaj y nimaꞌq teq oyowal? Ri ndibꞌanun keriꞌ chiwa, ja ri itzel teq rayinik kꞌo pa iwánima, ri ndikajoꞌ ngixkiyaꞌ chuxeꞌ ri kuchuqꞌaꞌ.

Romanos 8:2

Porque ukꞌuan qakꞌaslen roma ri Espíritu Santo ri ndiyoꞌon kꞌaslen, y ja rijaꞌ kꞌisiyon ruqꞌij ruchuqꞌaꞌ ri mak ri xa kamik ndukꞌen pe chaqe. Y riꞌ roma xe jun qabꞌanun rikꞌin ri Cristo Jesús.

Romanos 6:19

Re nutzꞌibꞌan e, xa jun relik ejemplo nukusan, porque kꞌa cuesta chiwa ndikꞌoxomaj ruchojmil ri niwojoꞌ nibꞌij. Jumbꞌey kan, rix xeꞌikusaj ri iqꞌa-iwaqen chin xeꞌibꞌanalaꞌ ri itzel y ri seqꞌ teq nojibꞌel ri xixkikꞌuaj chupan ri itzel kꞌaslen. Wokami, tikusaj kꞌa ri iqꞌa-iwaqen chin ndibꞌen ri chaj wi chin ndibꞌan, porque riꞌ ndubꞌen loqꞌolej chare ri ikꞌaslen chuwech ri Dios.

Romanos 7:25

Ri ngikolo chuwech nojel reꞌ, xa kin xe ri Dios, romariꞌ nimatioxij chare roma ri Qajaw Jesucristo. Ri rukꞌuꞌx ri nubꞌiꞌin pe jareꞌ: Ri wánima ndurayij ndubꞌen ri utz ri ndubꞌij ri ley xuyaꞌ ri Dios, pero pa nu-cuerpo kꞌa kꞌo ri itzel teq rayinik, ri ndubꞌen chuwa chi kꞌa yinkꞌo chuxeꞌ ruchuqꞌaꞌ ri mak ri nditaqchiꞌin pa nu-cuerpo.

1 Pedro 2:11

Hermanos, riyin tzꞌan ngixinwojoꞌ. Y roma ma chochꞌulew ta kꞌo ri qetzij iwachoch, y xaxe jubꞌaꞌ ngixkꞌojeꞌ e chuwech ri rochꞌulew, nikꞌutuj kamelal chiwa chi tiqꞌataꞌ iwiꞌ chuwech ri itzel teq achike ndurayij ri i-cuerpo, ri ndikajoꞌ ndikiyaꞌ ri iwánima chuxeꞌ ri kuchuqꞌaꞌ.

Hebreos 12:4

Kin qetzij chi rix nditij iqꞌij chi ma ngixtzaq pa ruqꞌaꞌ ri mak, y romariꞌ iqꞌasan kꞌayew. Pero kꞌa ma iqꞌasan ta jun kꞌayew ri rix rukꞌuan pa kamik.

Romanos 7:21

Y riyin niyaꞌ cuenta chare chi ri jumul keriꞌ ndibꞌanatej, xa kin achel chik ley keriꞌ, porque atoq niwojoꞌ nibꞌen ri utz, ja paqiꞌ ndiqꞌalajin pe ri ma utz ta kꞌo pa wánima.

Romanos 7:5

Atoq kꞌa rojkꞌo chuxeꞌ ruchuqꞌaꞌ ri itzel teq rurayinik ri qa-cuerpo, ri ley xukꞌasoj ri itzel teq rayinik riꞌ chin xukusaj ri jalajaj ruwachinel ruqꞌa-raqen ri qa-cuerpo chin xqabꞌen mak, y riꞌ xojrukꞌuaj chupan ri bꞌey chin ri kamik.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

Romanos 7:14

Qetaman chi ri ley rikꞌin ri Dios pataneq wi, jakꞌa riyin xa yin ok aj rochꞌulew, ri yin ximil chuxeꞌ ruchuqꞌaꞌ ri mak chin nibꞌen ri rurayibꞌel.

Santiago 3:2

Porque roj qonojel kꞌiy mul ma ja ta ri ndiqabꞌen, y ngeqabꞌij tzij ri ndubꞌen chake chꞌaqa chi ma utz ta ndikinaꞌ chare, pero si kꞌo jun ri ma ndisach ta rikꞌin ri tzij ngerubꞌilaꞌ, ri rukꞌaslen ri jun riꞌ kin ja achel ri ndirajoꞌ ri Dios, y nditiker chuqaꞌ nduqꞌet riꞌ chikiwech ri itzel teq achike.