Romanos 7:2 - Kaqchikel Santo Domingo (Xenacoj)

² Jun ejemplo chin reꞌ niyaꞌ pa ruwiꞌ jun ixaq kꞌulan. Ri ixaq maneq cheꞌel ndujech riꞌ rikꞌin ri rachijil atoq kꞌa kꞌes ri rachijil, pero si ri achi ndiken e, ri ixaq ma kꞌo chi ta chuxeꞌ ruchuqꞌaꞌ ri ley ri ximiyon richin rikꞌin ri rachijil.

နောက်ထပ်ဗားရှင်းများ

Kaqchikel Santa Maria de Jesus

² Incheꞌl nuꞌej chupan ri ley, chi jun ixok cꞌulan manak modo nujach-riꞌ riqꞌuin ri rachajil, antok ri ache xa cꞌa cꞌas. Pero xa nicon-el ri rachajil, ri ixok nicꞌujieꞌ can libre choch ri ru-ley ri cꞌulubꞌic.

Kaqchiquel Bible

² Achi'el nubij re jun k'ambel-tzij re', chi jun ixoq kan ximon-wi rik'in ri rachijil y man nitikir ta nujech-ri' rik'in toq k'a k'es na. Jak'a wi niken-el ri rachijil, rija' xtitotej kan chire ri ruk'ulanik.

Kaqchikel Central Guatemala

² Achi'el ri nubij chupan ri ley, chi jun ixok can ximon-vi riq'uin ri rachijil y man nitiquir ta nujech-ri' riq'uin, tok c'a q'ues na. Pero vi niquen-el (nicom-el) ri rachijil, c'ari' c'a xtujech-ri' riq'uin.

Re C'ac'a Testamento pa Kach'abal

² Ancha'l nubij chupan re ley, tak jun ixok c'ulan, can ximon riq'uin re ruchijil y man nitiquir-ta nujach-ri' riq'uin, tak c'a c'as che'. Pero vo xa nicom-a re ruchijil, c'ajare' tak xtujach-ri' riq'uin.

Kaqchikel Western Solola

² Achi'el ri nubij chupan ri ley ri', chi jun ixok can ximil wi riq'ui ri rachijil y ma utz ta chi niquijech qui' riq'ui, tek xa c'a q'ues na ri rachijil. Pero wi nicom el ri rachijil, ri ixok nicanaj ca libre chuwech ri ley riche (rixin) ri c'ulanen.

Romanos 7:2 ပူးပေါင်းရင်းမြစ်များ

1 Corintios 7:39

Ri ixaq kꞌo rachijil, ximil rikꞌin atoq kꞌa kꞌes na, pero si ri achi ndiken, ri ixaq kꞌo cheꞌel ndikꞌuleꞌ rikꞌin jun chik achi si keriꞌ ndirajoꞌ. Pero ndikꞌatzin chi ri achi achoq ikꞌin ndikꞌuleꞌ rutaqin ri Ajaw.

1 Corintios 7:4

Ri ixaq kꞌo rachijil ma tubꞌen chi ri ru-cuerpo ruyon ta richin rijaꞌ, tubꞌanaꞌ chi kin richin chuqaꞌ ri rachijil. Keriꞌ chuqaꞌ ri achi kꞌo rixjayil ma tubꞌen chi ruyon ta richin rijaꞌ ri ru-cuerpo, tubꞌanaꞌ chi kin richin chuqaꞌ ri rixjayil.

Romanos 7:3

Romariꞌ, si jun ixaq kꞌa kꞌes ri rachijil, y ndibꞌa chik rikꞌin jun achi, ndibꞌix chirij chi xa kanoy rukꞌexel rachijil. Pero si ri rachijil kamineq chik, ri ixaq ma kꞌo chi ta chuxeꞌ ruchuqꞌaꞌ ri ley ri ximiyon richin rikꞌin ri rachijil, y si ndikꞌuleꞌ chik jumbꞌey, ma kanoy ta rukꞌexel rachijil.

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.