Romanos 6:3 - Kaqchikel Santo Domingo (Xenacoj)

³ ¿Ma iwetaman ta kꞌa chi qonojel ri xojbꞌan yan bautizar, xe jun qabꞌanun rikꞌin ri Cristo Jesús? Riꞌ ndubꞌij tzij chi achel junan xojken yan rikꞌin rijaꞌ.

နောက်ထပ်ဗားရှင်းများ

Kaqchikel Santa Maria de Jesus

³ ¿Man ivataꞌn ta cꞌa chi ri bautismo jareꞌ ratal chi ojreꞌ can xojcon yan junan riqꞌuin ri Cristo Jesús, y chi joꞌc jun kabꞌanun riqꞌuin?

Kaqchiquel Bible

³ ¿Man iwetaman ta k'a chi ri qasan-ya' jari' ri retal chi roj kan xojken yan rik'in ri Cristo, roma jun qabanon rik'in?

Kaqchikel Central Guatemala

³ ¿Man ivetaman ta c'a chi ri bautismo jari' ri retal chi roj xa can xojquen (xojcom) junan riq'uin ri Cristo Jesús, roma jun kabanon riq'uin?

Re C'ac'a Testamento pa Kach'abal

³ Roma yoj kataman che re bautismo jare' re seña che yoj can xojcom junan riq'uin re Jesucristo, roma jun kabanon riq'uin.

Kaqchikel Western Solola

³ ¿La ma iwetaman ta c'a chi ri bautismo yari' jun retal chi riyoj junan kawech xkaben riq'ui ri Cristo Jesús, y achi'el chi xa ta can junan xojcom riq'ui?

Romanos 6:3 ပူးပေါင်းရင်းမြစ်များ

Gálatas 3:27

Porque roj qonojel ri qabꞌanun bautizar qiꞌ pa rubꞌiꞌ ri Cristo, xe jun qabꞌanun rikꞌin. Y kin ndiqꞌalajin ri Cristo pa qakꞌaslen, achel qaweqon ta qiꞌ rikꞌin ri rukꞌaslen rijaꞌ.

Romanos 6:8

Y si ri itzel kꞌaslen xqakꞌuaj rubꞌanun kan xken rikꞌin ri Cristo cho cruz, kin kuqul qakꞌuꞌx chi ndikꞌojeꞌ qakꞌaslen rikꞌin rijaꞌ chin jumul.

1 Corintios 12:13

Porque roj qonojel xojbꞌan bautizar rikꞌin ri Espíritu Santo ri kin xe wi jun, chin xojok jun cuerpo rikꞌin ri Cristo, y ma jun ndubꞌen si roj israelitas o naq, si roj loqꞌon teq samajelaꞌ o naq. Qonojel xyoꞌox jun mismo Espíritu chaqe.

1 Pedro 3:21

Y achel xkibꞌen ri wineq ojer ri xkikal kiꞌ chupan ri yaꞌ, roj wokami ndiqabꞌen bautizar qiꞌ, chin ndiqakꞌut chi xojkolotej yan chuwech ri castigo nduyaꞌ ri Dios. Ri bautismo ma chin ta nduchꞌajchꞌojrisaj ri qa-cuerpo. Ri bautismo ndukꞌut chi ndiqajoꞌ chi jumul utz rubꞌanun ri qánima chuwech ri Dios, y chi rijaꞌ roj rukolon roma ri Jesucristo xkꞌastej pe chikikajal ri animaꞌiꞌ.

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

San Mateo 28:19

Romariꞌ kixbꞌiyin, y keꞌitijoj nojel kiwech wineq chochꞌulew chin ngeꞌok nu-discípulos. Keꞌibꞌanaꞌ bautizar pa rubꞌiꞌ ri Tataꞌaj Dios, pa nubꞌiꞌ riyin ri Rukꞌajol, y pa rubꞌiꞌ ri Espíritu Santo.

Santiago 4:4

¡Rix ma xe ta chare ri Dios iyoꞌon ri iwánima! ¿La ma iwetaman ta kꞌa si ndibꞌa iwánima chirij ri ndusuj ri rochꞌulew, rix yakatajneq chirij ri Dios? Romariꞌ konojel ri ndibꞌa kánima chirij ri ndusuj ri rochꞌulew, kin eyakatajneq chirij ri Dios.

1 Corintios 9:13

Rix iwetaman chi ri samajelaꞌ pa rachoch ri Dios ngetzuq roma ri samaj ndikibꞌen, y ri ngebꞌanun ri samaj chuwech ri altar ndikikꞌen kan jubꞌaꞌ chare ruchꞌakul ri chikap y ri chꞌaqa chik sipanik chin ndikikꞌux.

Romanos 7:1

Hermanos, rix ri iwetaman ri ndubꞌij ri ley, ¿la ma iwetaman ta kꞌa chi jun wineq kꞌo chuxeꞌ ruchuqꞌaꞌ ri ley, xe atoq kꞌa kꞌes?

Romanos 6:16

¿Ma iwetaman ta kꞌa chi atoq rix ndiyaꞌ iwiꞌ chuxeꞌ rutzij jun chin ndinimaj, kin ja ri achoq chare ngixniman ri okuneq ajaw pa iwiꞌ? Si rix ndichaꞌ ndiyaꞌ iwiꞌ chuxeꞌ ruchuqꞌaꞌ ri mak chin ndibꞌen ri ndirajoꞌ, riꞌ ngixrukꞌuaj pa kamik, pero si ndichaꞌ ndiyaꞌ iwiꞌ pa ruqꞌaꞌ ri Dios chin ndinimaj rutzij, riꞌ ngixrukꞌuaj chin ndibꞌen ri chaj wi chin ndibꞌan.

Hechos 19:5

Atoq ri wineq riꞌ xkakꞌaxaj keriꞌ, xebꞌan bautizar pa rubꞌiꞌ ri Ajaw Jesús.

1 Corintios 6:9

Y rix iwetaman chi ri ngebꞌanun itzel teq achike, ma ngeꞌok ta pa ru-reino ri Dios. ¡Ma kixsach rikꞌin ri ndinojij! Porque ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri ngeyoꞌon kiqꞌij tiox, ri ndikikanoj rukꞌexel ri achoq ikꞌin ekꞌulan, ri achiꞌaꞌ ri ndikibꞌen chi eꞌachel ixoqiꞌ keriꞌ, ri achiꞌaꞌ ri ndikikꞌamalaꞌ qa kiꞌ chi achiꞌaꞌ chin ndikibꞌen mak,

1 Corintios 5:6

Ma utz ta chi rix ndinimrisalaꞌ iwiꞌ xu ndajin ri mak riꞌ chiꞌikajal. Rix iwetaman si ndiyaꞌ qꞌij chare ri mak chiꞌikajal, xa ndoqan chikij konojel, achel ndubꞌen jubꞌaꞌ levadura ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen.

Hechos 8:16

Porque nixta jun chikikajal ri xkitaqij ri Ajaw pa rochꞌulew Samaria qajneq pe ri Espíritu Santo pa ruwiꞌ, xaxe ebꞌanun bautizar pa rubꞌiꞌ ri Ajaw Jesús.

2 Corintios 13:5

Tinikꞌoj utz-utz ri ikꞌaslen chin nditzꞌet si qetzij itaqin ri Jesucristo. ¿Ma ndiyaꞌ ta kꞌa cuenta chare chi rijaꞌ kꞌo pa iwánima? O rikꞌin jubꞌaꞌ atoq ndinikꞌoj ri ikꞌaslen, xa ndinaꞌ qa iwiꞌ chi ma itaqin ta rijaꞌ.

1 Corintios 15:29

Pero si ri animaꞌiꞌ ma ngekꞌastajbꞌex ta pe, achel ndikibꞌij jujun chiꞌikajal, ¿achike ndikꞌatzin chi ekꞌo jujun ri ndikibꞌen bautizar kiꞌ pa kikꞌexel ri animaꞌiꞌ? ¿Achike roma keriꞌ ndikibꞌen, si xa ta qetzij chi ri animaꞌiꞌ ma ngekꞌastajbꞌex ta pe?

1 Corintios 3:16

¿Ma iwetaman ta kꞌa chi rix ri itaqin ri Cristo, rix rachoch ri Dios y ri Espíritu chin ri Dios kꞌo pa iwánima?

1 Corintios 6:19

Tikꞌuxlaꞌaj kꞌa chi ri i-cuerpo rachoch ri Espíritu Santo, y ja ri Dios yoyon pe ri Espíritu Santo pa iwánima. Y romariꞌ, rix ma rix rajaw chi ta ri i-cuerpo,

1 Corintios 9:24

Rix iwetaman chi pa jun maratón, konojel ndikitij kiqꞌij chin ndikichꞌek ri premio ndiyoꞌox, pero xaxe jun ri ndichꞌakon richin. Keriꞌ kꞌa chuqaꞌ rix, titijaꞌ iqꞌij chi pa ruchojmil tikꞌuaj ri ikꞌaslen, chin keriꞌ ndichꞌek ri nduyaꞌ ri Dios chiwa chikaj.

1 Corintios 10:2

Atoq konojel rejeꞌ xekꞌojeꞌ chuxeꞌ ri nube ri xukꞌuan kibꞌey y xeꞌeqꞌax chupan ri mar, kin achel ta pa rubꞌiꞌ ri Moisés xebꞌan bautizar keriꞌ, porque xkijech kiꞌ chin ndikinimaj ri ndubꞌij rijaꞌ chake.