Romanos 5:5 - Kaqchikel Santo Domingo (Xenacoj)

⁵ Y kin ma xqojkꞌixbꞌisex ta rikꞌin ri keriꞌ qoyobꞌen, porque ri Dios rikꞌin ri Espíritu Santo ri ruyoꞌon pa qánima, rukꞌutun chiqawech chi santienta ngojrajoꞌ.

နောက်ထပ်ဗားရှင်းများ

Kaqchikel Santa Maria de Jesus

⁵ Y ketzij xtiyoꞌx chika ri kayoꞌien. Y xa jareꞌ kayoꞌien, manak xkuqꞌuix, ruma ri Dios altíra nkojrajoꞌ. Y kataꞌn chi nkojrajoꞌ, ruma ruyoꞌn ri Espíritu Santo pa tak kánima.

Kaqchiquel Bible

⁵ Y wi k'o qik'in re' man niqamalij ta qak'u'x. Y ronojel re' nibanatej roma ri Dios ruya'on ri Loq'olej Espíritu qik'in richin runojisan ri qánima chi ajowabel.

Kaqchikel Central Guatemala

⁵ Y can kitzij vi xtikac'ul ri koyoben, roma ri Dios janíla yojrajo'. Y ketaman c'a chi yojrajo', roma ja ri Lok'olej Espíritu ri ruyo'on pa tak kánima ri nibin chike.

Re C'ac'a Testamento pa Kach'abal

⁵ Y can katzij-va xtakac'ul re kayaben, roma re Dios camas yojrajo'. Y yoj yojtiquir nakatamaj che camas yojrajo', roma ja re Espíritu Santo re ruyi'on pa tak kánma jare' re nibin chaka.

Kaqchikel Western Solola

⁵ Y ronojel ri koyoben chi nuya' ri Dios chake, can xtuya' na wi chake riche (rixin) chi ma xkojq'uixbitej ta. Riyoj ketaman chi can yojrajo' wi ri Dios ruma ruya'on chic ri Lok'olaj Espíritu pa tak kánima.

Romanos 5:5 ပူးပေါင်းရင်းမြစ်များ

Gálatas 4:6

Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.

Filipenses 1:20

kin achel nurayin pe, y nukuqubꞌan nukꞌuꞌx chi ma jun achoq roma xkikꞌixbꞌisex, xa kin nibꞌen achel nubꞌanun pe xe jampeꞌ pa nabꞌey, chi ma jun xibꞌriꞌil pa wánima ninimrisaj ruqꞌij ri Cristo rikꞌin ri nu-cuerpo, si kꞌa ngikꞌaseꞌ na o ngikamisex.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

2 Corintios 1:22

Ja chuqaꞌ rijaꞌ xyoꞌon qetal chi roj richin. Ruyoꞌon ri Espíritu Santo pa qánima, retal chi qetzij chi kꞌo más nduyaꞌ chaqe.

1 Juan 4:19

Roj ngojojowan, porque ri Dios xojrajoꞌ nabꞌey.

Efesios 1:13

Keriꞌ chuqaꞌ rix ri ma israelitas ta, atoq xiwakꞌaxaj rutzijol ri qetzij, ri utzulej teq tzij ri rukꞌamon pe kolotajik chiwa, xitaqij ri Cristo, y xe jun xibꞌen rikꞌin, romariꞌ ri Dios xuyaꞌ pe ri Espíritu Santo pa iwánima, achel rubꞌiꞌin kan chi nduyaꞌ. Y ri Espíritu Santo, ja rijaꞌ ri etal chi rix richin ri Dios.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

Efesios 4:30

Y ma tibꞌen chare ri Espíritu Santo chin ri Dios chi ndibꞌison qa, porque ja ri Espíritu riꞌ, ri etal ruyoꞌon ri Dios pa iwánima chi atoq nduqaqa chik ri Cristo, kin xkixkolotej wi e.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Hechos 2:17

Kereꞌ rubꞌiꞌin ri Dios pa ruwiꞌ ri ndibꞌanatej pa rukꞌisibꞌel teq qꞌij: Niteq pe ri Espíritu Santo pa kiwiꞌ konojel wineq, Y ri iwalkꞌuaꞌl y ri imiꞌal Kin xtikiqꞌalajrisaj ri nibꞌij pe riyin pa kánima. Ri kꞌajolaꞌ kin kꞌo xtikitzꞌet pa achel teq achikꞌ, Keriꞌ chuqaꞌ ri rijilej teq achiꞌaꞌ kin xtikachikꞌaj ri niqꞌalajrisaj chikiwech.

2 Tesalonicenses 2:16

Y ri Qajaw Jesucristo y ri Qatataꞌ Dios ri xojowan qichin, ri ruyoꞌon ruchuqꞌaꞌ qánima chin jumul, y rubꞌanun chuqaꞌ chaqe chi qoyobꞌen ri kꞌaslen ma ndikꞌis ta ri nduyaꞌ rijaꞌ roma ri ru-favor,

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Romanos 8:28

Y roj ri ndiqajoꞌ ri Dios, qetaman chi nojel ri ngebꞌanatej pa qakꞌaslen, rijaꞌ ndubꞌen chare chi kꞌo utz ndukꞌen pe chaqe. Keriꞌ ndubꞌen chaqe roj ri roj royon, porque keriꞌ wi rubꞌanun pe ruwech pa qawiꞌ.

1 Corintios 8:3

Pero si jun ndojowan, ri jun riꞌ etaman ruwech roma ri Dios.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

Hechos 10:45

Y ri israelitas ri kitaqin ri Ajaw ri kachibꞌilan e ri Pedro, xsach kikꞌuꞌx atoq xkitzꞌet chi jajun chake ri ma israelitas ta xyoꞌox ri Espíritu Santo.

Romanos 1:7

Nitzꞌibꞌaj e re wuj reꞌ chiwa rix iwonojel hermanos ri rixkꞌo pa tinamit Roma, ri tzꞌan ngixojowex roma ri Dios, y rix oyon chin ngixok loqꞌolej teq ralkꞌuaꞌl. Ri Qatataꞌ Dios y ri Qajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

Romanos 9:33

Achel tzꞌibꞌan kan chupan ri rutzij ri Dios, ri kereꞌ ndubꞌij: Tiyaꞌ cuenta chare, pa tinamit Sión riyin niyaꞌ jun nusamajel ri nijunumaj rikꞌin jun abꞌej Ri achoq chuwech ndikipajkꞌij kaqen ri wineq, jun abꞌej ri ndubꞌen chake chi ngetzaq. Y ri nditaqin richin rijaꞌ, ma jumbꞌey xtikꞌixbꞌisex, porque kin ndiyoꞌox wi chare ri sujun kan.

1 Tesalonicenses 4:8

Romariꞌ, si kꞌo jun ri ma ndirajoꞌ ta ndunimaj re tijonik reꞌ, ma chikiwech ta wineq nduyaꞌ kan roracheq, xa kin chuwech ri Dios ri yoyon pe ri Espíritu Santo pa iwánima.