Romanos 5:2 - Kaqchikel Santo Domingo (Xenacoj)

² Y roma qataqin ri Qajaw Jesucristo, xuyaꞌ qꞌij chaqe chi xojok chupan ri favor nduyaꞌ ri Dios, ri achoq chupan qꞌij-qꞌij kaw roj peꞌel y ngojkikot qoyobꞌen ri qꞌij atoq ndikꞌojeꞌ qaqꞌij chupan ri nimalej ruqꞌij ri Dios.

နောက်ထပ်ဗားရှင်းများ

Kaqchikel Santa Maria de Jesus

² Y joꞌc ruma xkacukubꞌaꞌ kacꞌuꞌx riqꞌuin ri Jesucristo, ri Dios xuꞌon ri favor chika chi vacame cof ojcꞌo. Y nkojquicuot ruma kayoꞌien ri kꞌij antok junan xkojbꞌacꞌujieꞌ riqꞌuin ri Dios ri cꞌo namalaj rukꞌij.

Kaqchiquel Bible

² Roma ri Jesucristo y ri kuqubabel qak'u'x toq roj yojtikir yojkikot rik'in ri rutzil ri Dios y rik'in ri' oj jikil-wi. Kan yojkikot k'a roma qoyoben ri q'ij toq xqojok achi'el rija'.

Kaqchikel Central Guatemala

² Roma xkanimaj ri Jesucristo xkac'ul ri rutzil ri Dios. Riq'uin c'a rija' cukul-vi kac'u'x y ja rija' chuka' yojucusan-apo riq'uin ri Dios. Can yojquicot roma koyoben ri k'ij tok junan xkojc'oje' riq'uin ri Dios. Y rija' can c'o ruk'ij-ruc'ojlen.

Re C'ac'a Testamento pa Kach'abal

² Roma xkanimaj reja', mare' xkac'ul re utzil pitinak riq'uin re Dios. Riq'uin re Jesucristo kabanon-va confiar-ki' y ja reja' chuka' yojcusan-apo riq'uin re Dios. Can yojqui'cot roma kayaben re k'ij tak junan xkoje'c'ue' riq'uin re Dios. Y reja' can c'o ruk'ij.

Kaqchikel Western Solola

² Y ruma chi xkacukuba' kac'u'x riq'ui ri Jesucristo, rumari' tek Riya' yoj rucusan apo chupan ri rutzil ri Dios y wacami cof yojc'o chupan. Y can yojquicot ruma koyoben chic ri k'ij tek junan xkojc'oje' riq'ui ri Dios ri c'o ruk'ij ruc'ojlen.

Romanos 5:2 ပူးပေါင်းရင်းမြစ်များ

Efesios 2:18

Y roma rukamik ri Cristo cho cruz, kꞌo cheꞌel ngojjel apu chuwech ri Qatataꞌ Dios chi israelitas y ma israelitas ta, y xe jun mismo Espíritu Santo ukꞌuayon qichin roj qonojel chin ngojjel apu chuwech.

Efesios 3:12

Y roj roma xe jun qabꞌanun rikꞌin ri Cristo Jesús, kuqul qakꞌuꞌx ngojjel apu chuwech ri Dios y ma ndiqaxibꞌij ta qiꞌ ngojchꞌaꞌa chare roma qataqin rijaꞌ.

1 Corintios 15:1

Wokami hermanos, riyin niwojoꞌ nikꞌuxlaꞌaj chiwa rubꞌeyal ri utzulej teq tzij chin kolotajik ri xintzijoj yan chiwa y rix itaqin chik. Ja tzij reꞌ ri ndiyoꞌon ruchuqꞌaꞌ ri iwánima rikꞌin ri Ajaw.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

Romanos 12:12

Tzꞌan kixkikot chiroyobꞌexik ri favor nduyaꞌ ri Dios. Tikochꞌoꞌ ri kꞌayew ndiqꞌasaj pa ikꞌaslen, y jumul tibꞌanaꞌ orar.

Hebreos 3:6

Jakꞌa ri Cristo ma relik ta ok rusamajel ri Dios achel ri Moisés. Ri Cristo kin Rukꞌajol wi ri Dios, y jumul ndubꞌen nojel ri ndikꞌatzin pa ruwiꞌ rutinamit ri Dios, y ri tinamit riꞌ ja roj, si qetzij ma ndiqayaꞌ ta kan chi kuqul qakꞌuꞌx rikꞌin y ngojkikot ndiqoyobꞌej ri rusujun kan.

2 Tesalonicenses 2:16

Y ri Qajaw Jesucristo y ri Qatataꞌ Dios ri xojowan qichin, ri ruyoꞌon ruchuqꞌaꞌ qánima chin jumul, y rubꞌanun chuqaꞌ chaqe chi qoyobꞌen ri kꞌaslen ma ndikꞌis ta ri nduyaꞌ rijaꞌ roma ri ru-favor,

San Juan 10:9

Ja riyin ri tzꞌapiꞌ chin kikoral ri enukarneꞌl, y ri ndok pe chupan re tzꞌapiꞌ reꞌ, kin ndikolotej wi. Y achel ri karneꞌl ma ndikixibꞌij ta kiꞌ chin ngeꞌel-ngeꞌok pa koral y ndikil kiway, keriꞌ kikꞌaslen ri nginikitaqij.

2 Corintios 4:17

Porque ri jubꞌaꞌ kꞌayew ndiqaqꞌasaj wokami, ndubꞌen chaqe chi nim qaqꞌij ndeqilaꞌ rikꞌin ri Dios, nim qaqꞌij ri ma jumbꞌey xtikꞌis. Y atoq ndiqakꞌoxomaj reꞌ, ndiqanaꞌ chi xa jubꞌaꞌ ok ri kꞌayew ngeqaqꞌasaj y xa chaꞌanin ngeꞌeqꞌax.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

Apocalipsis 21:23

Y ma ndikꞌatzin chi ta chi ri qꞌij y ri raqen ikꞌ ngeyikꞌan richin ri tinamit. Porque ja ri nimalej ruqꞌij ri Dios ndiyikꞌan richin, y ri Alaj Karneꞌl ndiyikꞌan chuqaꞌ richin ri tinamit.

Apocalipsis 21:3

Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq. Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal.

Romanos 5:5

Y kin ma xqojkꞌixbꞌisex ta rikꞌin ri keriꞌ qoyobꞌen, porque ri Dios rikꞌin ri Espíritu Santo ri ruyoꞌon pa qánima, rukꞌutun chiqawech chi santienta ngojrajoꞌ.

Romanos 3:23

porque konojel kibꞌanun mak, y riꞌ rubꞌanun chake chi ma ngeꞌok ta achel ndirajoꞌ ri nimalej ruqꞌij Dios chi ngeꞌok.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 10:7

Ri Jesús xubꞌij chuqaꞌ: Kin qetzij nibꞌij chiwa: Ja riyin ri tzꞌapiꞌ chin ri koral apeꞌ ngeꞌel-ngeꞌok ri karneꞌl.

Apocalipsis 21:11

Ri tinamit riꞌ roma ri nimalej ruqꞌij ri Dios nditzꞌintzꞌot achel jun abꞌej santienta rajel, achel ri abꞌej ndibꞌix jaspe chare, ri achel vidrio ri kꞌo cheꞌel ngatzuꞌun apu chupan.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

Hebreos 6:18

Y rikꞌin ri kꞌo xusuj y ri xubꞌen jurar, ndiqꞌalajin chi ri Dios ma ndireqꞌon ta y ma ndujel ta ruwech rutzij. Keriꞌ xubꞌen chin ndubꞌochiꞌij qánima roj ri qakanon qatoꞌik rikꞌin chin ngojrukal, chin keriꞌ kaw kuqul qakꞌuꞌx chi rijaꞌ kin nduyaꞌ wi ri qoyobꞌen chi nduyaꞌ.

Romanos 8:24

Y roj rukolon chin ndiqoyobꞌej ri qꞌij riꞌ, pero xa ta kꞌo chik qikꞌin ri qoyobꞌen, ¿achike ndikꞌatzin chi ndiqoyobꞌej? Y, ¿achike kꞌa jun ri ndiroyobꞌej ri kꞌo chik rikꞌin? Ma jun.

Romanos 8:1

Wokami, roj ri xe jun qabꞌanun rikꞌin ri Cristo Jesús, ma jun castigo ndiqaqa pa qawiꞌ.

Hechos 14:27

Atoq xebꞌeqaqa, xekimal ri hermanos ekꞌo chiriꞌ, y xkitzijoj ri samaj xubꞌen ri Dios chikiqꞌaꞌ, y xkitzijoj chuqaꞌ chi jajun chake ri ma israelitas ta, ri Dios ruyoꞌon qꞌij chi ngekolotej roma ndikitaqij rijaꞌ.

San Mateo 25:21

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

Efesios 6:13

Roma kꞌa riꞌ, tikusaj nojel ri ruyoꞌon ri Dios chiwa chin nditoꞌ iwiꞌ, chin keriꞌ atoq ri espíritus riꞌ ndikitij kiqꞌij chiwij chin ngixkitzeq pa mak, ma ngixtzaq ta y kaw ngixpeꞌeꞌ kan.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

Romanos 14:4

Jakꞌa rat, ¿achike kꞌa rat chin ndabꞌij si utz o ma utz ta ndajin rikꞌin rusamajel jun chik? Xaxe ri rajaw kꞌo ruqꞌaꞌ chi ndubꞌij si utz o ma utz ta ndajin rikꞌin. Y jun rusamajel ri Ajaw kin xtitzꞌetetej chi utz ndajin rikꞌin, porque ri Ajaw rikꞌin ri ruchuqꞌaꞌ nditiker ndubꞌen chi ri samajel utz ndubꞌen chuwech.

Romanos 11:20

Qetzij wi. Pero rejeꞌ xejoqꞌ e roma ma xkitaqij ta ri Jesucristo, y rat xakꞌojeꞌ kan pa kikꞌexel, roma xataqij ri Jesucristo. Romariꞌ, ma tanimrisaj awiꞌ, xa kin taxibꞌij awiꞌ chuwech ri Dios.