Romanos 4:5 - Kaqchikel Santo Domingo (Xenacoj)

⁵ Jakꞌa jun wineq ri ndutaqij ri Dios, kin ndibꞌan chare chi nixta jun rumak ndireqalej chuwech, maske ma jun utz rubꞌanun chin ta rukꞌulun chi ndibꞌan keriꞌ chare. Y keriꞌ ndibꞌan chare, porque ri Dios hasta chake ri wineq maneq Dios pa kiwech, ndubꞌen chi nixta jun kimak ndikeqalej chuwech atoq ndikitaqij rijaꞌ.

နောက်ထပ်ဗားရှင်းများ

Kaqchikel Santa Maria de Jesus

⁵ Pero man jun nicolotaj ruma altíra nisamaj. Mesque nuꞌon kax man otz ta, pero xa nunimaj ri Dios, ri Dios can nuꞌon cha chi man jun chic ru-pecado choch ruma nucukubꞌaꞌ rucꞌuꞌx riqꞌuin.

Kaqchiquel Bible

⁵ Jak'a ri kolotajik choj nisipex, y man jun k'a ri roma ta ri janila nisamej nril ta kolotajik. Stape' jun wineq man choj ta ruk'aslen, jak'a wi nukuquba' ruk'u'x rik'in ri Jesucristo, ri Dios kan nuben k'a chire chi man jun rumak nik'ulun chuwech rija'.

Kaqchikel Central Guatemala

⁵ Jac'a ri colotajic choj nisipex, y man jun c'a ri roma ta ri janíla nisamej nril ta colotajic. Stape' jun vinek man choj ta ruc'aslen, pero vi nunimaj ri Dios, ri Dios can nuben c'a chire chi man jun rumac nic'ulun chuvech rija'.

Re C'ac'a Testamento pa Kach'abal

⁵ Jac'a re yacolotaj, re' sí xaxe tal choj quire' nisipas, y man jun vinak re can xtitiquir xtucol-ka-ri' rion, roma camas nisamaj. Astapa' jun vinak man choj-ta re ruc'aslen, pero vo xa nunimaj re Dios, re Dios can nuban cha che man jun rumac ndel chach reja'.

Kaqchikel Western Solola

⁵ Yac'a ri colotajic xa nisipex, y majun winek ri xtril ta ri colotajic ruma xsamej. Astape' jun winek can aj il aj mac, pero wi nunimaj ri Dios, ri Dios can nuben c'a chare ri winek ri' chi majun rumac ruma nucukuba' ruc'u'x riq'ui ri Dios.

Romanos 4:5 ပူးပေါင်းရင်းမြစ်များ

Filipenses 3:9

Riyin niwojoꞌ nginilitej chi xe jun nubꞌanun rikꞌin rijaꞌ. Niwojoꞌ chuqaꞌ chi nixta jun mak weqalen chuwech ri Dios, pero ma roma ta nibꞌen ri ndubꞌij ri ley xyoꞌox chare ri Moisés, xa kin roma nutaqin ri Cristo. Porque roma ndiqataqij ri Cristo nixta jun qamak ndiqeqalej chuwech ri Dios.

Romanos 3:22

Y ri modo riꞌ ndubꞌij chi ja ri Dios ndibꞌanun chake ri wineq ri ndikitaqij ri Jesucristo chi nixta jun kimak ndikeqalej, y riꞌ chake konojel ri ngetaqin, porque ri Dios junan kiwech ngerutzꞌet konojel,

Romanos 10:3

Porque rejeꞌ ma kikꞌoxoman ta chi ja ri Dios ndibꞌanun chi nixta jun rumak ndireqalej jun wineq, y romariꞌ xa kiyon chikiwech kikanon qa jun chik rubꞌeyal chin ta ma jun kimak ndikeqalej, y kiyoꞌon kan rokacheq chuwech ri rubꞌeyal ri rukꞌutun kan ri Dios.

Romanos 4:24

xa kin jajun roj ndiqakochij ri xtzꞌibꞌex kan, porque roj ri qataqin ri Jun ri xkꞌastajbꞌan pe ri Qajaw Jesús chikikajal ri animaꞌiꞌ, ndibꞌan chuqaꞌ chaqe chi nixta jun qamak ndiqeqalej chuwech.

Romanos 4:3

Porque chupan ri rutzij ri Dios kereꞌ tzꞌibꞌan kan: Ri Abraham xutaqij ri xubꞌij ri Dios chare, romariꞌ ri Dios xubꞌen chare chi nixta jun rumak xreqalej.

San Juan 6:29

Ri Jesús xubꞌij chake: Ri ndirajoꞌ ri Dios chi rix ndibꞌen, ja ri nginitaqij riyin ri yin taqon pe roma rijaꞌ.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

Marcos 9:23

Y ri Jesús xubꞌij chare: ¿Si ngitiker nikꞌachojrisaj ndabꞌij rat? Xa achike na jun ri ndukuqubꞌaꞌ rukꞌuꞌx rikꞌin ri Dios, retaman chi ri Dios nojel nditiker ndubꞌen.

Romanos 4:6

Keriꞌ chuqaꞌ rubꞌiꞌin kan ri David, atoq xchꞌaꞌa pa ruwiꞌ jun wineq ri jabꞌel roruqꞌij, roma ndibꞌan chare chi nixta jun rumak ndireqalej chuwech ri Dios, kꞌo man kꞌo utz erubꞌanaloꞌon pa rukꞌaslen.