Romanos 4:11 - Kaqchikel Santo Domingo (Xenacoj)

¹¹ Ri circuncisión xbꞌan chare ri Abraham, jun etal ri ndiqꞌalajrisan chi nixta jun rumak xreqalej, porque xutaqij ri xubꞌij ri Dios chare, y keriꞌ ri Abraham xok tataꞌatz pa kiwiꞌ konojel ri ndikitaqij ri ndubꞌij ri Dios, maske ma bꞌanun ta ri circuncisión chake. Jajun chake rejeꞌ ndibꞌan chi nixta jun kimak ndikeqalej chuwech ri Dios.

နောက်ထပ်ဗားရှင်းများ

Kaqchikel Santa Maria de Jesus

¹¹ Y ri circuncisión ri xꞌan cha, xa ratal chi jajaꞌ manak chic ru-pecado choch ri Dios ruma xucukubꞌaꞌ rucꞌuꞌx riqꞌuin. Pero jajaꞌ manak chic ru-pecado choch ri Dios antok cꞌa majaꞌ tiꞌan ri circuncisión cha, y rumareꞌ jajaꞌ xuoc quitataꞌ quinojiel ri niquinimaj ri Dios, mesque man bꞌanun ta ri circuncisión chica y niꞌan chica chi manak chic qui-pecado choch ri Dios.

Kaqchiquel Bible

¹¹ Rija' xuk'ul ri etal ri' richin niq'alajin chi rija' kan xukuquba' ruk'u'x, stape' rija' man jani ya'on retal. Roma ri' nibix chi rija' kitata' konojel ri kikuquban kik'u'x rik'in ri Dios, y niban chike chi man jun kimak yek'ulun chuwech, stape' man banon ta ri etal ri' chike.

Kaqchikel Central Guatemala

¹¹ Y ri circuncisión ri xban chire, retal richin chi tik'alajin chi kitzij chi man jun vi rumac xc'ulun chuvech ri Dios roma xunimaj. Pero rija' can man jun vi c'a rumac chuvech ri Dios tok c'a man jani banon ta ri circuncisión chire, y romari' nibix chi rija' quitata' conojel ri yeniman richin ri Dios y niban chique chi man jun quimac yec'ulun chuvech, stape' man banon ta ri circuncisión chique.

Re C'ac'a Testamento pa Kach'abal

¹¹ Y re circuncisión re xban cha, xa jun seña chin nik'alajin che man jun rumac xel chach re Dios roma xunimaj. Roma reja' camanak-va rumac elinak chach re Dios tak c'amaje-na tiban re circuncisión cha, y mare' nibex che reja' quirta' conojel re ye'niman richin re Dios y niban chique che man jun quimac ndel chach, astapa' man banon-ta re circuncisión chique.

Kaqchikel Western Solola

¹¹ Y ri circuncisión ri xban chare, retal chi xtz'etetej ruma ri Dios chi majun rumac ruma xucukuba' ruc'u'x riq'ui ri Dios. Pero riya' xtz'etetej yan ruma ri Dios chi majun rumac tek c'a ma jane banon ta ri circuncisión chare, y rumari' nibix chi riya' quitata' quinojel ri niquicukuba' quic'u'x riq'ui ri Dios y yetz'etetej ruma ri Dios chi majun quimac, astape' ma banon ta ri circuncisión chique.

Romanos 4:11 ပူးပေါင်းရင်းမြစ်များ

Romanos 3:22

Y ri modo riꞌ ndubꞌij chi ja ri Dios ndibꞌanun chake ri wineq ri ndikitaqij ri Jesucristo chi nixta jun kimak ndikeqalej, y riꞌ chake konojel ri ngetaqin, porque ri Dios junan kiwech ngerutzꞌet konojel,

San Lucas 19:9

Ri Jesús xubꞌij chare: Wokami xuqaqa ri kolotajik chake ri ekꞌo chupan re achoch reꞌ, porque xakꞌut chi ataqin ri Dios achel xubꞌen ri ojer awatit-amamaꞌ Abraham.

Hebreos 11:7

Ri Noé roma kuqul rukꞌuꞌx rikꞌin ri Dios, xniman chuwech, atoq xbꞌix chare roma ri Dios chi ndibꞌanatej jun nim qatataꞌ ri ma jumbꞌey bꞌanatajneq, y rijaꞌ rikꞌin xibꞌriꞌil pa ránima chuwech ri Dios, xubꞌen jun nimalej barco chin xukal riꞌ rijaꞌ y ri aj pa rachoch. Y ma jun rumak xreqalej chuwech ri Dios roma xukuqubꞌaꞌ rukꞌuꞌx rikꞌin ri Dios, y roma chuqaꞌ riꞌ, kin xtzꞌetetej chi pa rubꞌeyal xbꞌanatej chi xqaqa castigo pa kiwiꞌ ri wineq.

2 Corintios 1:22

Ja chuqaꞌ rijaꞌ xyoꞌon qetal chi roj richin. Ruyoꞌon ri Espíritu Santo pa qánima, retal chi qetzij chi kꞌo más nduyaꞌ chaqe.

Filipenses 3:9

Riyin niwojoꞌ nginilitej chi xe jun nubꞌanun rikꞌin rijaꞌ. Niwojoꞌ chuqaꞌ chi nixta jun mak weqalen chuwech ri Dios, pero ma roma ta nibꞌen ri ndubꞌij ri ley xyoꞌox chare ri Moisés, xa kin roma nutaqin ri Cristo. Porque roma ndiqataqij ri Cristo nixta jun qamak ndiqeqalej chuwech ri Dios.

Efesios 4:30

Y ma tibꞌen chare ri Espíritu Santo chin ri Dios chi ndibꞌison qa, porque ja ri Espíritu riꞌ, ri etal ruyoꞌon ri Dios pa iwánima chi atoq nduqaqa chik ri Cristo, kin xkixkolotej wi e.

Efesios 1:13

Keriꞌ chuqaꞌ rix ri ma israelitas ta, atoq xiwakꞌaxaj rutzijol ri qetzij, ri utzulej teq tzij ri rukꞌamon pe kolotajik chiwa, xitaqij ri Cristo, y xe jun xibꞌen rikꞌin, romariꞌ ri Dios xuyaꞌ pe ri Espíritu Santo pa iwánima, achel rubꞌiꞌin kan chi nduyaꞌ. Y ri Espíritu Santo, ja rijaꞌ ri etal chi rix richin ri Dios.

Gálatas 6:16

Rix ri ikꞌuan ikꞌaslen achel ndirajoꞌ ri kꞌakꞌakꞌ kꞌaslen riꞌ, kin ta xtikꞌojeꞌ pa iwánima ri uxlanen y ri rujoyowaxik iwech nduyaꞌ pe ri Dios, junan kikꞌin ri eqetzij israelitas pa ruwech ri Dios.

Gálatas 5:5

Pero roj roma qataqin ri Cristo, y roma chuqaꞌ kꞌo ri Espíritu Santo pa qánima, kuqul qakꞌuꞌx qoyobꞌen chi ri Dios ndubꞌen chaqe chi nixta jun qamak ndiqeqalej chuwech.

Gálatas 3:29

Y si rix richin chik ri Cristo, kin rix riy-rumam kan ri Abraham, y ndok iwichin chuqaꞌ ri bendición sujun chare ri Abraham ojer.

Gálatas 3:22

Pero ri rutzij ri Dios ri tzꞌibꞌan kan ndubꞌij chi konojel wineq eꞌaj mak, chin keriꞌ ndiqꞌalajin chuqaꞌ achike roma ndikꞌatzin chi konojel ndikitaqij ri Jesucristo chin ndiyoꞌox chake ri rusujun kan ri Dios.

Gálatas 3:7

Romariꞌ, tiwetamaj chi ri qetzij eralkꞌuaꞌl ri Abraham, ja ri ngetaqin chi ri Dios nduyaꞌ ri rusujun.

Romanos 10:11

Achel ndubꞌij chupan ri rutzij ri Dios: Konojel ri ngetaqin richin rijaꞌ ma jumbꞌey xkekꞌixbꞌisex, porque kin ndiyoꞌox wi chake ri sujun kan. Keriꞌ tzꞌibꞌan kan.

Romanos 10:6

Pero chupan chuqaꞌ ri ley, ndukꞌut ri kꞌakꞌakꞌ rubꞌeyal chin nixta jun mak ndireqalej jun wineq chuwech ri Dios, y riꞌ roma ndutaqij ri Jesucristo. Porque ri ley tzꞌibꞌan kan ndubꞌij chuqaꞌ: Ma tabꞌij pa awánima: ¿Achike jun wineq xtibꞌa e chikaj? Keriꞌ ndubꞌij chupan ri ley chi ma tiqabꞌij. Porque ri keriꞌ ndabꞌij, ndubꞌij tzij chi ndawojoꞌ ndabꞌen ri xe ri Dios nditiker ndubꞌen, porque ndawojoꞌ ndabꞌen chi ndiqaqa chi pe ri Cristo chochꞌulew.

Romanos 10:4

Porque rikꞌin ri xubꞌen ri Cristo, xbꞌanatej nojel ri achike roma ri Dios xuyaꞌ pe ri ley, porque ri Cristo kin xubꞌen nojel ri ndubꞌij ri ley, y keriꞌ konojel ri xtikitaqij rijaꞌ, nixta jun kimak ndikeqalej chuwech ri Dios.

San Juan 6:35

Y ri Jesús xubꞌij chake: Ja riyin ri kaxlan wey ri ngiyoꞌon kꞌaslen. Ri ndipuꞌun wikꞌin y nduyaꞌ ránima wikꞌin, ma jumbꞌey chik xtichꞌumu rupan nixta xtichaqiꞌj chik ruchiꞌ.

Apocalipsis 9:4

Y xbꞌix chake chi ma tikibꞌen chꞌaꞌoj chake ri qꞌayis, ri tikoꞌ y ri cheꞌ ekꞌo chochꞌulew, xaxe tikiyaꞌ kꞌayew pa kiwiꞌ ri wineq maneq retal ru-sello ri Dios pa runikꞌajal kiwech.

2 Pedro 1:1

Riyin Simón Pedro, samajel y apóstol chin ri Jesucristo, niteq e ruxunaqil iwech rix ri ikuqubꞌan ikꞌuꞌx rikꞌin rijaꞌ achel qabꞌanun roj chuqaꞌ. Ri qakuqubꞌan qakꞌuꞌx kin achel jun nimalej bꞌeyomal ri yoꞌon chaqe roma ri chojmilej samaj xubꞌen ri qa-Dios y Qakolonel Jesucristo.

Romanos 9:30

¿Achike ndiqabꞌij pa ruwiꞌ nojel reꞌ? Nojel reꞌ ndukꞌut chiqawech chi ri ma israelitas ta, maske ma ndikitij ta kiqꞌij chi nixta jun kimak ndikeqalej chuwech ri Dios, kin ja yan chik rejeꞌ xkil chi nixta jun kimak ndikeqalej chuwech, y riꞌ roma xkitaqij ri Jesucristo.

Romanos 9:6

Pero ma roma ta ejubꞌaꞌ ok nuwinaqul kitaqin ri Cristo, ma ndubꞌij ta tzij chi ri rutzij ri Dios ma xel ta achel runojin rijaꞌ pa kiwiꞌ, porque ma konojel ta ri eriy-rumam kan ri Israel eqetzij israelitas pa ruwech ri Dios.

Romanos 3:26

Y keriꞌ xuqꞌalajrisaj chupan re tiempo reꞌ chi rijaꞌ kin chojmilej wi rikꞌin nojel ri ngerubꞌanalaꞌ, y chi ja rijaꞌ ri ndibꞌanun chake ri wineq chi nixta jun kimak ndikeqalej chuwech roma ndikitaqij ri Jesús.

San Juan 8:33

Y rejeꞌ xkibꞌij: Roj, roj riy-rumam kan ri ojer qamamaꞌ Abraham, y ma jumbꞌey roj okuneq loqꞌon samajelaꞌ. ¿Achike roma ndabꞌij chi ngojel libre?

San Juan 6:47

Kin qetzij nibꞌij chiwa: Ri ngirutaqij, kin kꞌo ri kꞌaslen ma ndikꞌis ta rikꞌin.

San Juan 6:40

Porque ri rurayibꞌel ri Nataꞌ ri taqayon pe wichin, jareꞌ: Konojel ri ndiketamaj achike riyin y nginikitaqij, ndikil ri kꞌaslen ma ndikꞌis ta, y riyin ngenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

San Juan 3:36

Ri nditaqin chi ja ri Rukꞌajol ri Dios ri Kolonel, kꞌo ri kꞌaslen ma ndikꞌis ta rikꞌin. Pero jun ri ma ndunimaj ta ri ndubꞌij ri Rukꞌajol ri Dios, ma ndikꞌojeꞌ ta ri kꞌaslen ma ndikꞌis ta rikꞌin, xa kꞌa keriꞌ kꞌo chuxeꞌ ri nimalej royowal ri Dios.

San Mateo 16:16

Y ri Simón Pedro xubꞌij: Ja rat ri Rukꞌajol ri Kꞌaslik Dios, ri Jun taqon pe roma ri Dios chukolik ri rutinamit.

San Mateo 8:11

Y nibꞌij chiwa chi pa ru-reino ri aj chikaj Dios, ngebꞌeqaqa santienta wineq epataneq pa teq rochꞌulew kelaꞌ apeꞌ ndel pe ri qꞌij y wineq epataneq kelaꞌ apeꞌ ndiqaqa wi y ngebꞌetzꞌuyeꞌ chuchiꞌ mesa junan kikꞌin ri Abraham, ri Isaac, y ri Jacob.

Romanos 9:33

Achel tzꞌibꞌan kan chupan ri rutzij ri Dios, ri kereꞌ ndubꞌij: Tiyaꞌ cuenta chare, pa tinamit Sión riyin niyaꞌ jun nusamajel ri nijunumaj rikꞌin jun abꞌej Ri achoq chuwech ndikipajkꞌij kaqen ri wineq, jun abꞌej ri ndubꞌen chake chi ngetzaq. Y ri nditaqin richin rijaꞌ, ma jumbꞌey xtikꞌixbꞌisex, porque kin ndiyoꞌox wi chare ri sujun kan.

San Juan 3:33

Jakꞌa atoq jun wineq ndutaqij ri nojibꞌel ndutzijoj ri Jun ri qajneq pe chikaj, rikꞌin riꞌ ndiqꞌalajin chi ri Dios jumul ndubꞌij ri qetzij.

Romanos 3:30

Porque xe jun Dios kꞌo, y ja rijaꞌ ri ndibꞌanun chi nixta jun kimak ndikeqalej konojel ri ndikitaqij ri Jesucristo. Keriꞌ ndubꞌen chake ri israelitas, y keriꞌ chuqaꞌ ndubꞌen chake ri ma israelitas ta.

Romanos 4:10

Pero, ¿jampeꞌ xubꞌen ri Dios chare ri Abraham chi maneq rumak xreqalej? ¿Atoq bꞌanun chik ri circuncisión chare, o atoq kꞌajani? Atoq kꞌajani.