Romanos 2:6 - Kaqchikel Santo Domingo (Xenacoj)

⁶ Rijaꞌ kin xtuyaꞌ rajel-rukꞌexel ri utz o ma utz ta xekibꞌanalaꞌ ri wineq chikijununal pa kikꞌaslen atoq nduqaqa ri qꞌij riꞌ.

နောက်ထပ်ဗားရှင်းများ

Kaqchikel Santa Maria de Jesus

⁶ Ruma xtuyaꞌ rucꞌaxiel chica chiquijunal, conforme ri xquiꞌan.

Kaqchiquel Bible

⁶ Roma rija' kan achi'el ri qabanobal chiqajujunal,*f2* kan keri' ri rutojbalil ri xtuya' chiqe.

Kaqchikel Central Guatemala

⁶ Roma can achi'el ri kabanobal chikajujunal, queri' ri rutojbalil ri xtuya' chike.

Re C'ac'a Testamento pa Kach'abal

⁶ Roma can ancha'l re kabanabal can quire' re castigo re xtuya' re Dios chaka cada jun.

Kaqchikel Western Solola

⁶ Ruma can achi'el niquibanala' chiquijujunal ri winek wi utz o ma utz ta, can queri' chuka' ri rutojbalil ri xtuya' chique.

Romanos 2:6 ပူးပေါင်းရင်းမြစ်များ

2 Corintios 5:10

Porque roj qonojel, kꞌo jun qꞌij ngojbꞌeqaqa chuwech ri Cristo apeꞌ nduqꞌet tzij, chin ndiyoꞌox rukꞌexel chaqe chiqajununal ri xqabꞌen pa qakꞌaslen chupan ri aj rochꞌulew qa-cuerpo. Y kin achel ri utz o ma utz ta xqabꞌen, keriꞌ rukꞌexel ndiyoꞌox chaqe.

San Mateo 16:27

Porque riyin ri aj chikaj ri xinuꞌalex chiꞌikajal, nginuqaqa chik jumbꞌey rikꞌin nimalej ruqꞌij ri Nataꞌ, y kikꞌin ri nu-ángeles chuqaꞌ. Y ja atoq riꞌ niyaꞌ rajel-rukꞌexel chake ri wineq ri xkibꞌen ri utz pa kikꞌaslen, y niyaꞌ castigo chake ri xkibꞌen ri ma utz ta.

Apocalipsis 22:12

Ri Ajaw xubꞌij: ¡Tiwakꞌaxaj kꞌa! ¡Riyin ngibꞌa yan qa chochꞌulew! Y nikꞌuaj qa ri rajel-rukꞌexel ri rukꞌulun chi niyaꞌ chake ri wineq roma ri kibꞌanun pa kikꞌaslen chikijununal.

Apocalipsis 20:12

Xentzꞌet chuqaꞌ ri ekamineq, chi chꞌutiꞌq chi nimaꞌq epeꞌel apu chuwech ri Jun tzꞌuyul pa trono, y xejaq jujun teq wuj, y xjaq chuqaꞌ ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Y kin ja ri tzꞌibꞌan chupan teq ri wuj ri xekusex chin xqꞌat tzij pa kiwiꞌ ri ekamineq, y kin achel xkibꞌanalaꞌ atoq xekꞌaseꞌ chochꞌulew, keriꞌ rajel-rukꞌexel xyoꞌox chake.

1 Corintios 3:8

Ri xtikon y ri xyiꞌan ri tikoꞌ, xa junan erusamajelaꞌ ri Dios, pero chikijununal ndiyoꞌox rajel-rukꞌexel chake roma ri samaj xkibꞌen.

Apocalipsis 2:23

Y pa kikꞌaslen ral ri ixaq riꞌ niyaꞌ jun yabꞌil chin kamik; y keriꞌ konojel bꞌotzaj ralkꞌuaꞌl ri Dios ndiketamaj chi ja riyin ri etamayon ri kꞌo pa kánima konojel y ri achike ndikinojij, y chikijununal niyaꞌ rukꞌexel chake achel rukꞌulun chi niyaꞌ roma ri ngekibꞌanalaꞌ.

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

Romanos 14:22

Si ataqin pa awánima chi utz abꞌanun chuwech ri Dios rikꞌin ri ndakꞌux o ndatij, xe pa awánima rat tikꞌojeꞌ chi keriꞌ. ¡Kin jabꞌel roruqꞌij ri ndunaꞌ chi nojel ri ndubꞌen, kin utz chuwech ri Dios!

2 Corintios 11:15

Romariꞌ, ma ndisach ta chuqaꞌ qakꞌuꞌx chi ri chꞌakatinelaꞌ teq samajelaꞌ riꞌ, ndikibꞌen chi achel ta eꞌutzulej teq rusamajelaꞌ ri chojmilej Dios. ¡Pero rejeꞌ kin xtiyoꞌox rukꞌexel chake achel rukꞌulun chi ndiyoꞌox roma ri itzel ngetajin rikꞌin!

2 Timoteo 4:14

Ri Alejandro ri ngerubꞌanalaꞌ jalajaj teq achike chare chꞌichꞌ, kꞌiy itzel rubꞌanun chuwa. Ja ri Ajaw ndiyoꞌon rukꞌexel chare roma ri erubꞌanaloꞌon.