Romanos 2:5 - Kaqchikel Santo Domingo (Xenacoj)

⁵ Pero roma akowirisan awánima, y ma ndawojoꞌ ta ndajel anoꞌoj chin ta ndayaꞌ kan ri mak, amolon apu más royowal ri Dios pa awiꞌ, oyowal ri ndiqaqa chawij chupan ri qꞌij atoq kin xtukꞌut chi pa ruchojmil nduqꞌet tzij.

နောက်ထပ်ဗားရှင်းများ

Kaqchikel Santa Maria de Jesus

⁵ Pero ixreꞌ cof ibꞌanun cha ri ivánima. Man ntivajoꞌ ta ntiyaꞌ can ri pecado. Y ruma quireꞌ ntiꞌan, can ntimol-apa ri castigo chivij. Can xtika ri ru-castigo ri Dios pan iveꞌ chupan ri kꞌij antok jajaꞌ xtuꞌon juzgar. Ruma jajaꞌ can pa ruchojmil nuꞌon juzgar.

Kaqchiquel Bible

⁵ Xa kowirineq ri iwánima, y man niwajo' ta niya' kan ri mak. Y rik'in ri', xa nimol ruk'ayewal chiwij. Kan xtiqaqa k'a ri royowal ri Dios pan iwi' chupan ri q'ij toq rija' xtuq'et-tzij.

Kaqchikel Central Guatemala

⁵ Xa jac'a rix covirinek ri ivánima. Man nivajo' ta niya' can ri mac. Y riq'uin ri', xa nimol ruc'ayeval chivij. Can xtika' c'a ri royoval ri Dios pan ivi' chupan ri k'ij tok rija' xtuk'et tzij. Y ri ruk'atbel-tzij rija' can choj vi.

Re C'ac'a Testamento pa Kach'abal

⁵ Xa jac'a yex camas covernak re ivánma. Man nijo-ta niya' can rubanic re mac. Y riq'uin re', camas castigo nimol chivij. Can xtika re ruyoval re Dios pan ive' chupan re k'ij tak reja' xtuban juzgar. Y reja' can choj-va nuban juzgar.

Kaqchikel Western Solola

⁵ Xa yac'a riyix cowirnek ri iwánima. Ma niwajo' ta niya' ca rubanic ri mac. Y rumari', xa nimol ruc'ayewal chiwij. Can xtika c'a ri royowal ri Dios pan iwi' chupan ri k'ij tek Riya' xtuk'et tzij. Y ri ruk'atbel tzij Riya' can choj wi.

Romanos 2:5 ပူးပေါင်းရင်းမြစ်များ

Romanos 1:18

Ri castigo nduyaꞌ ri Dios, ndipuꞌun chikaj pa kiwiꞌ ri wineq maneq Dios pa kiwech y ma echaj ta rikꞌin ri ndikibꞌanalaꞌ. Ri wineq riꞌ, rikꞌin ri ma chaj ta ngekibꞌanalaꞌ ndikiqꞌet ruwech ri qetzij pataneq rikꞌin ri Dios.

Judas 1:6

Keriꞌ chuqaꞌ niwojoꞌ nikꞌuxlaꞌaj chiwa ri xbꞌanatej kikꞌin ri ángeles ri xkiyaꞌ kan ri uchuqꞌaꞌ yoꞌon pa kiqꞌaꞌ y xkiyaꞌ kan chuqaꞌ ri lugar apeꞌ eruyoꞌon ri Dios chikaj. Ri Dios erutzꞌapin pa jun qꞌarachꞌaraj lugar, apeꞌ maneq cheꞌel chi ngeꞌel kꞌa terilaꞌ na ri qꞌij atoq ndiqꞌat tzij pa kiwiꞌ.

2 Pedro 3:7

Rikꞌin chuqaꞌ ri rutzij ri Dios, ri kaj y ri rochꞌulew ri ngeqatzꞌet wokami qꞌaton tzij pa kiwiꞌ chi ngeporox pa qꞌaqꞌ, pero eyakel apu chin ri qꞌij atoq ri Dios nduqꞌet tzij y ndiqaqa nimalej castigo pa kiwiꞌ ri wineq maneq Dios pa kiwech.

Hebreos 3:15

Achel ndubꞌij chupan ri rutzij ri Dios ri kꞌaja xqabꞌij pe: Si wokami ndiwakꞌaxaj ri ndubꞌij ri Dios chiwa, Ma tikowrisaj ri iwánima, achel xkibꞌen ri ojer teq iwatit-imamaꞌ ri xeyakatej chirij ri Dios. Keriꞌ tzꞌibꞌan kan.

2 Pedro 2:9

Nojel reꞌ ndukꞌut chiqawech chi ri kikꞌuan jun utzulej kꞌaslen ri ndiqaꞌ chuwech ri Ajaw, rijaꞌ retaman ngerelesaj chuxeꞌ ri kꞌayew ndikil pa kikꞌaslen, pero ri kikꞌuan jun itzel kꞌaslen, chuxeꞌ castigo eruyoꞌon wi mientras nduqaqa ri qꞌij atoq ndiqꞌat tzij pa kiwiꞌ chin ndiyoꞌox ri castigo chin jumul chake.

Hebreos 4:7

Porque atoq qꞌaxneq chik kꞌiy tiempo, ri Dios xuchaꞌ chik jun qꞌij chin nduyaꞌ uxlanen, romariꞌ xuyaꞌ pa ránima ri David chin xubꞌij: Si wokami ndiwakꞌaxaj ri ndubꞌij ri Dios chiwa, Ma tikowrisaj ri iwánima, xchajeꞌ.

Hebreos 3:13

Pa rukꞌexel riꞌ, qꞌij-qꞌij tibꞌochilaꞌ y tipixabꞌaj iwiꞌ chiwech, utz kꞌa yoꞌon tiempo chaqe, achel ndubꞌij ri rutzij ri Dios, chin keriꞌ nixta jun xtichꞌakatix roma ri mak y xtikowir qa ri ránima.

Romanos 9:22

Keriꞌ chuqaꞌ pa ruqꞌaꞌ ri Dios kꞌo ri achike ndirajoꞌ ndubꞌen. Rijaꞌ maske xrajoꞌ xukꞌut ri nimalej ruchuqꞌaꞌ y ri royowal, pero erukochꞌon wi pe ri wineq ri kin erukꞌulun chi ndiqaqa pa kiwiꞌ ri castigo nduyaꞌ rijaꞌ chin ndikꞌis kiqꞌij.

Apocalipsis 6:17

Porque wokami xuqaqa ri nimalej qꞌij chin ndiqaqa koyowal pa qawiꞌ, y, ¿kꞌo kami jun xtitiker xtukachꞌ ralal ri oyowal riꞌ? Nixta jun.

Santiago 5:3

Ri iqꞌanapueq y ri isaqipueq xpusir qa ruwech, y jariꞌ ndikꞌutu iwichin chi rix kꞌekꞌ, y roma ri ikꞌekꞌel, keriꞌ rubꞌanun ri ibꞌeyomal, y jariꞌ ri nditaqo iwichin pa qꞌaqꞌ. Rix iwetaman chi rojkꞌo chik chupan ri kꞌisibꞌel teq qꞌij, y xa tzꞌan bꞌeyomal imolon ruchiꞌ.

Romanos 11:25

Hermanos, riyin niwojoꞌ chi ndikꞌoxomaj ri ma kin ta qꞌalej rubꞌeyal ojer kan chupan ri tiempos eqꞌaxneq pe, pero wokami xqꞌalajrisex, chin keriꞌ ma ndinimrisaj iwiꞌ. Y ri xqꞌalajrisex, jareꞌ: Chiqakajal roj israelitas ekꞌo ekꞌiy kikowirisan ri kánima, y keriꞌ xtubꞌen ri kánima hasta kꞌa ngekolotej na konojel ri ma israelitas ta ri echaꞌon chin ngekolotej.

2 Corintios 5:10

Porque roj qonojel, kꞌo jun qꞌij ngojbꞌeqaqa chuwech ri Cristo apeꞌ nduqꞌet tzij, chin ndiyoꞌox rukꞌexel chaqe chiqajununal ri xqabꞌen pa qakꞌaslen chupan ri aj rochꞌulew qa-cuerpo. Y kin achel ri utz o ma utz ta xqabꞌen, keriꞌ rukꞌexel ndiyoꞌox chaqe.

2 Tesalonicenses 1:5

Y rikꞌin ri keriꞌ ndiqꞌasaj pa ikꞌaslen, ndiqꞌalajin chi ri Dios pa ruchojmil nduqꞌet tzij, ndiqꞌalajin chuqaꞌ chi pa ruwech rijaꞌ rukꞌulun chi ngixok chupan ri ru-reino, ri achoq roma ndiqꞌasaj kꞌayew wokami.

Apocalipsis 2:21

Y riyin nuyoꞌon tiempo chare ri ixaq riꞌ chi ndujel runoꞌoj, y nduyaꞌ ránima wikꞌin, pero rijaꞌ ma ndirajoꞌ ta nduyaꞌ kan chi ndukꞌamalaꞌ qa riꞌ xa achoq na ikꞌin chin ndubꞌen mak.