Romanos 2:11 - Kaqchikel Santo Domingo (Xenacoj)

¹¹ Porque ri Dios nduyaꞌ rukꞌexel chake konojel wineq achel rukꞌulun chi ndiyoꞌox chake roma ri kibꞌanaloꞌon pa kikꞌaslen.

နောက်ထပ်ဗားရှင်းများ

Kaqchikel Santa Maria de Jesus

¹¹ Ruma ri Dios can junan nuꞌon chica quinojiel.

Kaqchiquel Bible

¹¹ roma ri Dios man nuben ta rukojolil.

Kaqchikel Central Guatemala

¹¹ Roma ri Dios junan nuben chike konojel.

Re C'ac'a Testamento pa Kach'abal

¹¹ Roma re Dios can junan nuban chaka konojel.

Kaqchikel Western Solola

¹¹ Ruma ri Dios ma ya ta rubanic ri winek ri nutzu'. Riya' nutzu' ri utz o ma utz ta ri niquibanala' ri winek.

Romanos 2:11 ပူးပေါင်းရင်းမြစ်များ

Hechos 10:34

Ja atoq riꞌ ri Pedro xutzꞌuk xchꞌaꞌa y kereꞌ xubꞌij: Wokami nikꞌoxomaj chi ri Dios ma xe ta jun ruwech wineq ri ngeruchaꞌ chin ngerajoꞌ,

Gálatas 2:6

Y ri hermanos ri ngetzꞌetetej chi kꞌo kiqꞌij nixta jun rutzꞌaqat ri utzulej teq tzij chin kolotajik ri nitzijoj riyin xkiyaꞌ, aunque si kꞌo kiqꞌij o maneq, ma jun ndubꞌen chuwa riyin, porque ri Dios ma nduyaꞌ ta pa cuenta si jun wineq kꞌo ruqꞌij o maneq ruqꞌij pa kiwech ri wineq.

Colosenses 3:25

Pero ri ngebꞌanun itzel teq achike, ri Dios nduyaꞌ rukꞌexel chake roma ri xkibꞌen. Porque kin ja achel ri rukꞌexel ri rukꞌulun chi ndiyoꞌox roma ri qabꞌanaloꞌon chiqajununal, keriꞌ ri rukꞌexel nduyaꞌ chaqe.

Efesios 6:9

Keriꞌ chuqaꞌ rix kajaw loqꞌon teq samajelaꞌ, utz inoꞌoj tibꞌanaꞌ chake, ma keꞌixibꞌij rikꞌin ndibꞌij chi ndiyaꞌ castigo chake. Ma timestaj chi ri Kajaw rejeꞌ, ja ri Dios kꞌo chikaj, y Iwajaw chuqaꞌ rix, y rijaꞌ junan qawech ndubꞌen chaqe roj qonojel.

San Mateo 22:16

Y xekiteq jujun ki-discípulos junan kikꞌin jujun ruwinaq ri rey Herodes chin kereꞌ xkibꞌij chare ri Jesús: Tijonel, qetaman chi rat ja ri qetzij ndabꞌij, y atoq ngatijon, ja ri qetzij bꞌey ri ndukꞌuan rikꞌin ri Dios ri ndakꞌut. Y nixta jun achoq chuwech ndaxibꞌij awiꞌ, porque junan kiwech ngaꞌatzꞌet konojel ri wineq.

San Lucas 20:21

Rejeꞌ xkibꞌij chare ri Jesús: Tijonel, qetaman chi pa rubꞌeyal ngachꞌaꞌa y ngaꞌatijoj ri wineq, y junan kiwech ngaꞌatzꞌet konojel ri wineq, y atoq ngatijon, ja ri qetzij bꞌey ri ndukꞌuan rikꞌin ri Dios ri ndakꞌut.

1 Pedro 1:17

Rix ndibꞌij Qatataꞌ chare ri Dios ri ndiqꞌato tzij pa kiwiꞌ konojel wineq chin nduyaꞌ rukꞌexel chake achel kibꞌanun pa kikꞌaslen. Romariꞌ, ndikꞌatzin chi ndinimaj rutzij rikꞌin nojel iwánima ri janipeꞌ qꞌij ndikꞌojeꞌ ikꞌaslen chochꞌulew.

Romanos 9:14

¿Achike ndiqabꞌij pa ruwiꞌ nojel reꞌ? ¿Ma pa ruchojmil ta kami xubꞌen ri Dios rikꞌin ri ma xeruchaꞌ ta jujun chin ngeꞌok rutinamit? ¡Ma ke ta riꞌ!