Romanos 2:10 - Kaqchikel Santo Domingo (Xenacoj)

¹⁰ Pero ri ngekibꞌanalaꞌ ri utz, kin xtikꞌojeꞌ kiqꞌij rikꞌin ri Dios, y ri Dios ndunimrisaj kibꞌiꞌ y nduyaꞌ uxlanen pa kánima. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

နောက်ထပ်ဗားရှင်းများ

Kaqchikel Santa Maria de Jesus

¹⁰ Pero quinojiel ri ncaꞌbꞌano ri otz, xcaꞌbꞌacꞌujieꞌ chicaj pacheꞌ joꞌc sakil cꞌo, y nem xtiꞌan chica; can xticꞌujieꞌ ri paz riqꞌuin cánima. Y ja ri israelitas ri naꞌay xtiꞌan quireꞌ chica, y xtiꞌan jeꞌ chica ri man israelitas ta.

Kaqchiquel Bible

¹⁰ Jak'a konojel winaqi' ri yebanon utz, ri Dios xtunimirisaj kiq'ij, y xtik'oje' uxlanen pa taq kánima. Y ja ri nuwinaq ri nabey xtiban keri' chike, y k'ari' ri man e nuwinaq ta,

Kaqchikel Central Guatemala

¹⁰ Y conojel vinek ri yebanon ri utz, xquebec'oje' chila' chicaj ri acuchi ruyon sakil c'o, y ri acuchi chuka' xtinimirisex quik'ij. Xtic'oje' uxlanen pa tak cánima richin jantape'. Y ja ri israelitas ri nabey xtiban queri' chique y c'ari' chuka' ri man e israelitas ta.

Re C'ac'a Testamento pa Kach'abal

¹⁰ Y conojel vinak re ye'bano re otz, xque'bec'ue' chila' chicaj y can xtiya' quik'ij. Y can nojel tiempo re cánma otz xtuna'. Y ja re israelitas re nabey xtiban quire' chique y c'are' chique chuka' re man je israelitas-ta.

Kaqchikel Western Solola

¹⁰ Pero quinojel winek ri yebano ri utz, xquebec'oje' chila' chicaj ri acuchi (achique) ruyon sakil c'o, y ri acuchi (achique) chuka' xtinimirisex wi quik'ij. Xtic'oje' uxlanibel c'u'x pa tak cánima ri majun bey xtiq'uis ta. Y ye ri israelitas ri nabey xtiban queri' chique y c'ac'ari' chuka' ri ma ye israelitas ta.

Romanos 2:10 ပူးပေါင်းရင်းမြစ်များ

1 Pedro 1:7

Ri kꞌayew xa chin ndiqꞌalajin chi qetzij kuqul ikꞌuꞌx rikꞌin ri Dios, y más kꞌo reqalen chi kuqul ikꞌuꞌx ke chuwech ri qꞌanapueq ri xa ndikꞌis. Ri qꞌanapueq ndikꞌatzin ndiqꞌasex pa qꞌaqꞌ chin ndikanej kan ri qetzij qꞌusqꞌuj qꞌanapueq. Keriꞌ kꞌa chuqaꞌ rix, ndikꞌatzin ngixqꞌax pa kꞌayew, chin keriꞌ atoq iqꞌasan chik ri kꞌayew y ndiqꞌalajin chi kuqul ikꞌuꞌx, riꞌ kin ndukꞌen wi pe chiwa chi ndiyoꞌox iqꞌij y ndinimrisex ibꞌiꞌ chupan ri qꞌij atoq nduruqꞌalajrisaj chik riꞌ ri Jesucristo.

Santiago 3:13

Si chiꞌikajal rix kꞌo jun ri ruchajin nojibꞌel y kin kꞌes runoꞌoj, tukꞌutuꞌ kꞌa chi keriꞌ rikꞌin rukꞌuaxik jun chojmilej kꞌaslen, y rikꞌin chuqaꞌ ngerubꞌanalaꞌ ri utz chake chꞌaqa chik. Keriꞌ tubꞌanaꞌ rikꞌin jun ránima ri ukꞌuan roma ri nojibꞌel pataneq rikꞌin ri Dios, ri ndibꞌanun chare chi ma nim ta ngerunaꞌ chare.

Romanos 8:6

Ri bꞌaneq kánima chirij ri itzel teq rayinik, kamik ndukꞌen pe chake, jakꞌa ri bꞌaneq kánima chirij ri ndirajoꞌ ri Espíritu Santo, uxlanen ndukꞌen pe pa kánima y ndukꞌen pe chuqaꞌ ri kꞌaslen ma ndikꞌis ta.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

San Lucas 1:79

Ri Jun riꞌ nduqaqa chin nduruyikꞌaj kikꞌaslen Ri ekꞌo pa qꞌequꞌ y chuxeꞌ ruchuqꞌaꞌ ri kamik, Y nduqaqa chuqaꞌ chin ndukꞌuaj bꞌey chiqawech Chin ndiqil uxlanen pa qánima, xchajeꞌ ri Zacarías.

Santiago 2:22

Rikꞌin reꞌ, ndiqatzꞌet chi ri Abraham qetzij xutaqij ri Ajaw, y rikꞌin ri xubꞌen chunimaxik ri Dios, kin tzꞌaqet wi pa ránima chi rutaqin ri Ajaw.

Gálatas 5:6

Porque rat ri xe jun abꞌanun rikꞌin ri Cristo Jesús, ma jun reqalen si abꞌanun circuncidar awiꞌ o naq. Ri kꞌo reqalen ja ri ataqin ri Cristo, y chi romariꞌ ndabꞌen ri utz porque ngatojowan.

Romanos 5:1

Romariꞌ, roj ri nixta jun qamak qeqalen chuwech ri Dios roma qataqin ri rubꞌiꞌin pe, maneq chik achike jachayon qawech rikꞌin rijaꞌ, roma ri xubꞌen ri Qajaw Jesucristo pa qakꞌexel.

Romanos 2:9

Kꞌayew y qꞌaxomal nduteq pe ri Dios pa kiwiꞌ konojel wineq ri ngekibꞌanalaꞌ itzel teq achike. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

San Juan 16:33

Y nojel reꞌ nibꞌij kan chiwa, chin keriꞌ rix, roma xe jun ibꞌanun wikꞌin, ndiwil uxlanen chin ri iwánima. Chochꞌulew ndiqꞌasaj kꞌayew, pero ma tixibꞌij iwiꞌ, porque riyin xitiker yan pa ruqꞌaꞌ nojel reꞌ.

Filipenses 4:7

Si keriꞌ xtibꞌen, ri uxlanen ri nduyaꞌ ri Dios kin xtikꞌojeꞌ pa iwánima, y ri uxlanen riꞌ más nim chuwech ri janipeꞌ nditiker ndunojij jun wineq. Y ri uxlanen riꞌ kin xtuchajij ri iwánima y ri achike ngeꞌinojij, roma xe jun ibꞌanun rikꞌin ri Cristo Jesús.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

Romanos 14:17

Porque rukꞌuꞌx ri utz chi ndiqabꞌen roj ri rojkꞌo pa ru-reino ri Dios, ma ja ta ri achike ndiqakꞌux o ndiqatij, xa kin ja ri ndiqakꞌuaj jun chojmilej kꞌaslen, ri ndikꞌojeꞌ uxlanen chiqakajal kikꞌin konojel, y ri ngojkikot roma kꞌo ri Espíritu Santo pa qánima.

Romanos 9:23

Keriꞌ xubꞌen rijaꞌ chin xuqꞌalajrisaj ri nimalej y utzulej runoꞌoj chikiwech ri wineq ri kin xe jampeꞌ pa nabꞌey erunabꞌan chin ndujoyowaj kiwech y ndikꞌojeꞌ kiqꞌij chupan ri nimalej ruqꞌij rijaꞌ.

Romanos 9:21

¿Ma pa ruqꞌaꞌ ta kami ri bꞌanuy bꞌojoꞌy kꞌo chin ndubꞌen ri ndirajoꞌ rikꞌin ri chꞌabꞌeq ndusamajij? Jaꞌn, kin pa ruqꞌaꞌ rijaꞌ kꞌo chin ndubꞌen jun bꞌambꞌel ri nim reqalen chikiwech ri wineq o jun bꞌambꞌel ri maneq ok reqalen.

Hechos 10:35

xa kin ngeruchaꞌ chikikajal nojel kiwech wineq ri ngeniman y ndikikꞌuaj chojmilej kꞌaslen.

San Juan 12:26

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

San Lucas 22:14

Y atoq xril ri hora chin ri waꞌin, ri Jesús xbꞌetzꞌuyeꞌ chuchiꞌ mesa junan kikꞌin ri apóstoles.

San Lucas 19:42

y xubꞌij: Rix aj Jerusalén, kin ma iwetaman ta achike ri ndikꞌamo pe uxlanen chiꞌikajal rix rikꞌin ri Dios. ¡Maske kꞌaja ta chupan re qꞌij reꞌ xiwetamaj y xitaqij, ri Dios man ta ngixrubꞌen castigar! Pero wokami xa ndewex rubꞌeyal reꞌ chiwech.

San Lucas 12:37

Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

San Lucas 9:48

y kereꞌ xubꞌij chake: Ri xtikꞌamo apu ruwech jun akꞌual achel reꞌ pa nubꞌiꞌ, kin achel ja ta riyin ri ndukꞌen apu nuwech keriꞌ, y ri ndukꞌen apu nuwech riyin, kin achel ja ta ri taqayon pe wichin ri ndukꞌen apu ruwech. Porque ri más maneq ok ruqꞌij chiꞌikajal, jariꞌ ri más nim ruqꞌij.

San Mateo 10:13

Si ri ekꞌo chupan ri achoch ndikikꞌen apu utz iwech, ri uxlanen ri xikꞌutuj, kin ndikꞌojeꞌ pa kiwiꞌ. Pero si ma ndikikꞌen ta apu utz iwech, ri uxlanen ri xikꞌutuj ma ndikꞌojeꞌ ta kan pa kiwiꞌ.

1 Pedro 5:4

Y keriꞌ, atoq nduruqꞌalajrisaj chik riꞌ jumbꞌey ri Cristo ri nimalej Yuqꞌunel kichin ri yuqꞌunelaꞌ, kin xtiyoꞌox chiwa jun nimalej rajel-rukꞌexel, y riꞌ, ja ri xtikꞌojeꞌ iqꞌij chin jumul.

San Juan 14:27

Riyin niyaꞌ kan uxlanen pa iwánima, achel ri uxlanen kꞌo pa wánima riyin, y ri uxlanen niyaꞌ kan pa iwánima, ma ngetiker ta ndikiyaꞌ ri wineq. Ma tichꞌujrisaj iwiꞌ, y ma tixibꞌij iwiꞌ.

1 Timoteo 1:17

Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

Hebreos 2:7

Ma richin ta kꞌiyal qꞌij xabꞌen chare chi más maneq ok ruqꞌij ke chikiwech ri ángeles, Kin xabꞌen chi xkꞌojeꞌ ruqꞌij y xanimrisaj rubꞌiꞌ.