Romanos 15:2 - Kaqchikel Santo Domingo (Xenacoj)

² Chiqajununal tiqabꞌanaꞌ ri ndiqaꞌ chikiwech ri hermanos, chin kꞌo utz ndukꞌen pe chake y ndikꞌojeꞌ más ruchuqꞌaꞌ kánima rikꞌin ri Ajaw.

နောက်ထပ်ဗားရှင်းများ

Kaqchikel Santa Maria de Jesus

² Can kabꞌanaꞌ ri nika chiquivach ri nicꞌaj chic, chi quireꞌ cꞌo otz nucꞌam-pa chica ijejeꞌ y chi ncaꞌqꞌuiy chupan ri quicꞌaslien choch ri Dios.

Kaqchiquel Bible

² Kan nik'atzin k'a chi tiqabana' ri niqa' chikiwech ri qach'alal, ri utz nuk'en-pe chike rije' y nukuquba' más kik'u'x.

Kaqchikel Central Guatemala

² Xa nic'atzin chi tikabana' ri nika' chiquivech ri ch'aka' chic, ri utz nuq'uen-pe chique rije' y nucukuba' más quic'u'x.

Re C'ac'a Testamento pa Kach'abal

² Re nic'atzin che nakaban ja re nika chiquivach re hermanos che c'o otz nuc'am-pa chique, chin quire' niquiban más confiar-qui' riq'uin re Dios.

Kaqchikel Western Solola

² Xa rajawaxic chi tikabana' ri nika chiquiwech ri kach'alal, riche (rixin) chi c'o utz nuc'om pe chique riye', riche (rixin) chi yeq'uiy chupan ri quic'aslen riq'ui ri Dios.

Romanos 15:2 ပူးပေါင်းရင်းမြစ်များ

1 Corintios 10:24

Romariꞌ ma jun tikanon xe ri kꞌo utz ndukꞌen pe chare rijaꞌ, xa kin tukanoj chuqaꞌ ri kꞌo utz ndukꞌen pe chake ri kitaqin ri Ajaw.

Romanos 14:19

Y roma kꞌa riꞌ, tiqatijaꞌ qaqꞌij chi ndiqabꞌen ri ndukꞌen pe uxlanen chiqakajal, y tiqakanoj achike ndiqabꞌen chin ndiqatoꞌ qiꞌ chiqawech chin ngojkꞌiy pa qakꞌaslen chiraqen ri Ajaw.

1 Corintios 10:33

Xa kin tibꞌanaꞌ achel nibꞌen riyin, nitij nuqꞌij chi nojel ri nibꞌen pa nukꞌaslen ndiqaꞌ chikiwech konojel. Riꞌ ndubꞌij tzij chi ma nibꞌen ta ri xe chuwa riyin kꞌo utz ndukꞌen pe, xa kin nibꞌen chuqaꞌ ri kꞌo utz ndukꞌen pe chake chꞌaqa, roma niwojoꞌ chi ngekolotej chuqaꞌ rejeꞌ.

1 Corintios 13:5

Ri ndojowan rikꞌin nojel ránima, ma ndubꞌen ta ri ma rukꞌulun ta chi ndibꞌan, ma xe ta ri kꞌo utz ndukꞌen pe chare rijaꞌ ndubꞌen, ma chaꞌanin ta ndipuꞌun royowal, nixta xtuyek oyowal pa ránima.

1 Corintios 10:23

Ekꞌo kereꞌ ngebꞌiꞌin: Pa nuqꞌaꞌ yin kꞌo chin nichaꞌ ri niwojoꞌ nibꞌen, ngechajeꞌ. Riꞌ qetzij, pero ma nojel ta kꞌo utz ndukꞌen pe. Kin qetzij chi pa nuqꞌaꞌ yin kꞌo chin nichaꞌ ri niwojoꞌ nibꞌen, pero ma nojel ta ndubꞌen chaqe roj ri qataqin ri Ajaw chi ngojkꞌiy pa qakꞌaslen.

1 Corintios 14:3

Jakꞌa ri ndiqꞌalajrisan ri ndubꞌij pe ri Dios pa ránima, chake ri kimolon kiꞌ ndichꞌaꞌa wi, chin ngekꞌiy pa kikꞌaslen chuwech ri Dios, chin nduyaꞌ chuqaꞌ ruchuqꞌaꞌ kánima y chin chuqaꞌ ngerubꞌochiꞌij pa rubꞌey ri Dios.

1 Corintios 14:26

Pa ruwiꞌ ri nubꞌiꞌin pe, ndikꞌatzin ndibꞌen kereꞌ: Atoq ndimal iwiꞌ pa rubꞌiꞌ ri Ajaw, ri kꞌo bꞌix pa ránima, tibꞌixan; ri kꞌo tijonik yoꞌon chare, titijon pa ruwiꞌ ri rutzij ri Dios; ri kꞌo ruqꞌalajrisan ri Dios pa ránima chin ndubꞌij, tubꞌij pe; y ri ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, y ri ngeqꞌalajrisan ri ndibꞌix chupan ri chꞌabꞌel riꞌ, kechꞌaꞌa. Pero nojel riꞌ, tibꞌanatej chin ngekꞌiy pa kikꞌaslen chuwech ri Dios ri kimolon kiꞌ pa rubꞌiꞌ.

2 Corintios 12:19

Rikꞌin jubꞌaꞌ rix ndinojij chi qabꞌiꞌin nojel reꞌ roma ndiqajoꞌ ndiqatoꞌ qiꞌ chiwech, pero ma ke ta riꞌ. Xa kin qetzij ri ndiqabꞌij roma xe jun qabꞌanun rikꞌin ri Cristo y kin chuwech ri Dios ngojchꞌaꞌa wi. Y nojel ri ngojtajin chubꞌixik chiwa rix ri tzꞌan ngixqajoꞌ, xa kin chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa.

2 Corintios 13:9

Y romariꞌ, kin tzꞌan ngojkikot atoq utz bꞌaneq ri ikꞌaslen rix, y ma ndikꞌatzin ta chi ndiqakusaj chiwij ri uchuqꞌaꞌ ruyoꞌon ri Dios pa qaqꞌaꞌ, maske chꞌaqa chik ngojkitzꞌet chi achel xa maneq ri uchuqꞌaꞌ riꞌ pa qaqꞌaꞌ. Y ndiqakꞌutuj chare ri Dios chi kin ta xtubꞌen chi ngixok nojel ri ndirajoꞌ chi ngixok.

Efesios 4:12

Rijaꞌ xeruyaꞌ re samajelaꞌ reꞌ chin ngekitijoj ri loqꞌolej rutinamit ri Dios, chin keriꞌ ri tinamit riꞌ ndikibꞌen chuqaꞌ ri rusamaj, y keriꞌ ngekꞌiy ebꞌaneq pa kikꞌaslen chuwech ri Dios konojel ri ruwachinel ruqꞌa-raqen ri Cristo.

Efesios 4:29

Ma tibꞌij itzel teq tzij, xa kin xe utzulej teq tzij ri ndukꞌen pe kꞌiyilen chake chꞌaqa chik. Tibꞌij tzij ri kin rukꞌulun chi ndibꞌij ri ndukꞌen pe ru-favor ri Dios pa kikꞌaslen ri ngeꞌakꞌaxan iwichin.