Romanos 14:2 - Kaqchikel Santo Domingo (Xenacoj)

² Porque ekꞌo kitaqin chi nojel utz chin ndikꞌuxeꞌ, pero ekꞌo chuqaꞌ ri kꞌa maneq ok ruchuqꞌaꞌ kánima, ri kitaqin chi xe ok verduras utz chi ndikikꞌux.

နောက်ထပ်ဗားရှင်းများ

Kaqchikel Santa Maria de Jesus

² Chiquivach nicꞌaj, otz nitij nojiel, pero chiquivach ri majaꞌ tiꞌka pa quiveꞌ otz (tiquiꞌan entender otz) chi joꞌc ruma ri cukbꞌal cꞌuꞌx riqꞌuin ri Cristo ncaꞌcolotaj, xa ja ri kꞌayis ri otz nitij.

Kaqchiquel Bible

² Achi'el chirij ri ti'ij, roj kan kuqul qak'u'x chi utz niqatej ronojel, jak'a ek'o qach'alal ri man kan ta kikuquban kik'u'x rik'in ri Cristo, ri kuqul kik'u'x chi xaxe ri jalajoj ruwech ichaj ri utz yekitej.

Kaqchikel Central Guatemala

² Achi'el chirij ri ti'ij, roj cukul kac'u'x chi utz nikatej ronojel, pero ri kach'alal ri man can ta quicukuban quic'u'x riq'uin ri Cristo, cukul quic'u'x chi xaxe ri ichaj ri utz yequitej.

Re C'ac'a Testamento pa Kach'abal

² Ancha'l re ejemplo chij re ti'ij, yoj re can k'axnak chic otz re ruch'abal re Dios pa kave' can kataman che otz nakataj ronojel, pero re hermanos c'amaje-na kas tak'ax otz pa quive' re ruch'abal re Dios, chiquivach reje' xaxe ichaj re otz ye'quitaj.

Kaqchikel Western Solola

² Achi'el chrij ri ti'ij, riyoj cukul kac'u'x chi utz nikatij ronojel, yac'a ri kach'alal ri ma can ta cukul quic'u'x riq'ui ri Cristo, cukul quic'u'x chi xaxu (xaxe) wi ri ichaj ri utz yequitij.

Romanos 14:2 ပူးပေါင်းရင်းမြစ်များ

1 Timoteo 4:4

Porque nojel ri ebꞌanun roma ri Dios chin ngekꞌuxeꞌ kin utz wi, y maneq roma man ta ndikꞌuxeꞌ atoq ndimatioxix chare rijaꞌ.

Romanos 14:14

Riyin roma xe jun nubꞌanun rikꞌin ri Ajaw Jesús, kin wetaman y nunaꞌon pa wánima chi nojel ri erubꞌanun ri Dios chin ngekꞌuxeꞌ, kin echꞌajchꞌaj wi, pero si kꞌo jun ndunaꞌ pa ránima chi ekꞌo ri ebꞌanun roma ri Dios ma echꞌajchꞌaj ta chin ngekꞌuxeꞌ, chare rijaꞌ kin keriꞌ wi kꞌa riꞌ.

Hebreos 13:9

Ma tiyaꞌ qꞌij chi ngixukꞌuꞌex chunimaxik jalajaj teq tijonik ri ma junan ta rikꞌin ri ndubꞌij ri rutzij ri Dios. Porque más utz chi rix ndiwil ruchuqꞌaꞌ iwánima rikꞌin ri favor nduyaꞌ ri Dios, ke kikꞌin tijonik ri ndubꞌij achike utz o ma utz ta chin ndikꞌuxeꞌ, porque ri tijonik riꞌ ma ndukꞌen ta pe kuqubꞌel kꞌuxlaj chake ri ngeniman kichin.

Gálatas 2:12

Porque pa nabꞌey ndiwaꞌ kikꞌin ri hermanos ma israelitas ta, pero atoq xebꞌeqaqa jujun israelitas ri etaqon e roma ri Santiago, ri Cefas xujekꞌ riꞌ y ma xwaꞌ chi ta kikꞌin ri hermanos ma israelitas ta, porque xuxibꞌij riꞌ chi ngebꞌan tzij chirij koma ri israelitas ri ndikibꞌij chi ndikꞌatzin ngebꞌan circuncidar konojel ri ndikitaqij ri Ajaw.

Hebreos 9:10

Y ekꞌo chuqaꞌ leyes chupan ri nabꞌey pacto pa ruwiꞌ ri achike utz nditijeꞌ, ri achike utz ndikꞌuxeꞌ, y pa ruwiꞌ jalajaj teq chꞌajchꞌojrisanik ri ndikꞌatzin ngebꞌan chuwech ri Dios. Ri leyes riꞌ xkꞌojeꞌ keqalen xe hasta xuqaqa ri tiempo atoq ri Dios xuyaꞌ ri kꞌakꞌakꞌ pacto.

Tito 1:15

Ri wineq chꞌajchꞌaj kikꞌaslen, chꞌajchꞌaj chuqaꞌ ndikitzꞌet chare nojel. Jakꞌa ri wineq ma chꞌajchꞌaj ta kikꞌaslen y ma kitaqin ta chuqaꞌ ri Dios, nojel ma chꞌajchꞌaj ta ndikitzꞌet chare, porque nixta ri achike ndikinojij, nixta ri kánima ma chꞌajchꞌaj ta chuwech ri Dios.

1 Corintios 10:25

Ri jalajaj teq kiwech tiꞌij ngekꞌayix pa teq kꞌayibꞌel, utz chin ndilaqꞌ y ndikꞌux, y ma tikꞌutuj razón si sujun chuwech jun tiox, chin ma chꞌil-chꞌil tunaꞌ ri iwánima chuwech ri Dios.

Romanos 14:1

Tikꞌamaꞌ apu kiwech ri hermanos ri kꞌa maneq ok ruchuqꞌaꞌ kánima rikꞌin ri Ajaw, pero ma chin ta ndichuquchaꞌ iwiꞌ chi tzij kikꞌin roma ma junan ta ndinojij pa ruwiꞌ jun achike.

Romanos 14:20

Ma tayuj ri samaj rubꞌanun ri Dios pa ránima jun hermano roma ri achike ndakꞌux. Qetzij wi chi nojel ri erubꞌanun ri Dios chin ndikꞌuxeꞌ, utz chin ndikꞌuxeꞌ, pero ri ma utz ta, ja ri ndakꞌux jun achike ri ndubꞌen chare jun hermano chi nduyaꞌ kan ri Dios.

Romanos 15:1

Romariꞌ, roj ri kꞌo ruchuqꞌaꞌ qánima rikꞌin ri Ajaw, keqakochꞌoꞌ ri hermanos kꞌa maneq ok ruchuqꞌaꞌ kánima, y ma tiqabꞌen xaxe ri ndiqaꞌ chiqawech roj.

1 Corintios 8:9

Pero titzꞌetaꞌ chi ri achike ndikꞌux ma tubꞌen chi ndikil jun achike roma ndikiyaꞌ kan ri Dios ri hermanos ri kꞌajani ok ruchuqꞌaꞌ kánima rikꞌin rijaꞌ.

1 Corintios 9:22

Chikikajal ri kꞌajani ok ruchuqꞌaꞌ kánima rikꞌin ri Ajaw, ma nibꞌen ta ri pa kiwech rejeꞌ xa xajan, chin keriꞌ ma ndikil ta jun roma ndikiyaꞌ kan rijaꞌ. Y keriꞌ nubꞌanun pe chare ri nukꞌaslen chikikajal konojel, chin keriꞌ kolopeꞌ ekꞌo jujun chikikajal xtikitaqij ri Jesús.