Romanos 13:1 - Kaqchikel Santo Domingo (Xenacoj)

¹ Tinimaj kitzij ri kꞌo uchuqꞌaꞌ pa kiqꞌaꞌ pa ruwiꞌ ri itinamit, porque nixta jun ri kꞌo uchuqꞌaꞌ pa ruqꞌaꞌ ri man ta ja ri Dios yoyon, y konojel ri ekꞌo, ja ri Dios yoyon ri uchuqꞌaꞌ pa kiqꞌaꞌ.

နောက်ထပ်ဗားရှင်းများ

Kaqchikel Santa Maria de Jesus

¹ Can nicꞌatzin chi konojiel nkojniman chica ri autoridades. Ruma quinojiel ri autoridades ja ri Dios i-yaꞌyuon, y jajaꞌ yaꞌyuon ri autoridad pa quikꞌaꞌ.

Kaqchiquel Bible

¹ Kan nik'atzin k'a chi qonojel yeqanimaj ri q'atoy taq tzij, roma konojel q'atoy taq tzij, roma ri Dios ek'o y ja rija' ri yoyon ri q'atbel-tzij pa kiq'a'.

Kaqchikel Central Guatemala

¹ Can nic'atzin c'a chi konojel yekanimaj ri k'atoy tak tzij. Roma conojel k'atoy tak tzij roma ri Dios ec'o y ja rija' ri yoyon ri k'atbel-tzij pa quik'a'.

Re C'ac'a Testamento pa Kach'abal

¹ Can nic'atzin che konojel ye'kanimaj re ye'bano gobernar vova' chach re ruch'ulef. Roma conojel re ye'bano gobernar xa roma re Dios tak jec'o y ja re Dios ya'yon autoridad pa quik'a'.

Kaqchikel Western Solola

¹ Can nic'atzin c'a chi konojel riyoj yekanimaj ri aj k'atbel tak tzij. Ruma quinojel ri ye aj k'atbel tak tzij ya ri Dios ye yayon, y ya Riya' ri niya'o ri k'atbel tzij pa quik'a'.

Romanos 13:1 ပူးပေါင်းရင်းမြစ်များ

Tito 3:1

Takꞌuxlaꞌaj chake ri hermanos chi tikinimaj kitzij ri ngebꞌanun gobernar y kekinimaj chuqaꞌ ri chꞌaqa chik ri kꞌo uchuqꞌaꞌ pa kiqꞌaꞌ pa ruwiꞌ ri tinamit. Takꞌuxlaꞌaj chuqaꞌ chake chi ndikꞌatzin chi jumul tikꞌojeꞌ pa kánima chi ndikibꞌen jalajaj ruwech utz chake chꞌaqa,

San Juan 19:11

Ri Jesús xubꞌij chare: Ma jun ta uchuqꞌaꞌ kꞌo pa aqꞌaꞌ pa nuwiꞌ, si man ta ri Dios yoyon pe chawa. Y romariꞌ, ri jun ri xijacho pa aqꞌaꞌ, más nim rumak ke chuwech ri amak rat.

Judas 1:8

Y maske ri wineq ri xeꞌok chiꞌikajal ketaman ri xubꞌen ri Dios chake ri ma xkinimaj ta tzij, xa kꞌa koqan na chuqaꞌ itzel kꞌaslen. Rejeꞌ ndikibꞌij chi roma ri ndiqꞌalajrisex chikiwech pa kachikꞌ, kꞌo cheꞌel ndikijech kiꞌ pa ruqꞌaꞌ ri mak ri ndurayij ri ki-cuerpo. Ma ndikajoꞌ ta ndikinimaj ri Ajaw, y ndikibꞌilaꞌ itzel teq tzij chikij ri kꞌo uchuqꞌaꞌ pa kiqꞌaꞌ chikaj.

Efesios 5:21

Tinimaj iwiꞌ chiwech, roma kin kꞌo ruqꞌij ri Cristo pa iwech.

Apocalipsis 19:16

Chirij ri rutziaq y chirij ri raꞌ tzꞌibꞌan jun bꞌiꞌaj ri ndubꞌij: Rey pa kiwiꞌ konojel reyes, y Ajaw pa kiwiꞌ konojel ajaw.

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

Apocalipsis 17:14

Y ndikibꞌen guerra chare ri Alaj Karneꞌl, pero ri Alaj Karneꞌl nditiker pa kiqꞌaꞌ, porque rijaꞌ Rey pa kiwiꞌ konojel reyes y Ajaw pa kiwiꞌ konojel ajaw. Y ri ekꞌo rikꞌin ri Alaj Karneꞌl, jariꞌ ri eꞌoyon, echaꞌon y ma jumbꞌey kiyoꞌon kan rijaꞌ.

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.

Hechos 2:41

Y keriꞌ kꞌa, ri xkitaqij ri xubꞌij ri Pedro, xebꞌan bautizar, y chupan ri qꞌij riꞌ, jun laꞌeq 3,000 ri xkitaqij ri Ajaw y xeꞌok kachibꞌil ri kitaqin chik ri Ajaw.

Romanos 12:21

Ma tayaꞌ qꞌij chi ngachꞌakatej pa ruqꞌaꞌ ri ma utz ta, xa kin tabꞌanaꞌ ri utz chin ndichꞌakatej pa aqꞌaꞌ ri ma utz ta.

Romanos 13:2

Romariꞌ, ri ndupabꞌaꞌ riꞌ chuwech ri kꞌo uchuqꞌaꞌ pa ruqꞌaꞌ pa ruwiꞌ ri tinamit, chuwech ri ruyoꞌon ri Dios ndupabꞌaꞌ riꞌ. Y ri keriꞌ ngebꞌanun, ndiyoꞌox castigo pa kiwiꞌ.

1 Timoteo 2:2

y tibꞌan chuqaꞌ orar koma ri reyes y koma konojel ri kꞌo uchuqꞌaꞌ pa kiqꞌaꞌ, chin keriꞌ ndikꞌojeꞌ uxlanen chiqakajal roj wineq y ma jun oyowal xtibꞌanatej, chin ma cuesta ta ndiqakꞌuaj jun loqꞌolej kꞌaslen chuwech ri Dios y chikiwech ri wineq.