Romanos 11:7 - Kaqchikel Santo Domingo (Xenacoj)

⁷ ¿Achike kꞌa ndiqabꞌij pa ruwiꞌ nojel reꞌ? Ri ndiqabꞌij, jareꞌ: Ri ru-favor ri Dios ri tzꞌan xkajoꞌ xkil ri israelitas, ekꞌiy chikiwech rejeꞌ ma xkil ta, y xa xkowirisex ri kánima. Pero roj ri roj chaꞌon roma ri Dios, kin xqil wi.

နောက်ထပ်ဗားရှင်းများ

Kaqchikel Santa Maria de Jesus

⁷ Y reꞌ nucꞌut chakavach chi ri nicꞌaj kavanakil ri i-choꞌn ruma ri Dios xquil yan jun utzulaj cꞌaslien riqꞌuin ri Dios. Pero ri nicꞌaj chic kavanakil ri man i-choꞌn ta ruma ri Dios, xa xꞌan cof cha ri cánima.

Kaqchiquel Bible

⁷ Xa oj juba' ok chiqe roj judío ri oj cha'on, roma ri Dios xqil ri niqakanoj. Jak'a ri ch'aqa' chik qawinaq ri man e cha'on ta roma ri Dios man xkil ta; xa xkowirisex ri kánima.

Kaqchikel Central Guatemala

⁷ Y re' nuk'alajirisaj c'a chikavech chi ri kavinak ri e cha'on roma ri Dios xquil ri colotajic. Jac'a ri ch'aka' chic kavinak ri man e cha'on ta roma ri Dios man xquil ta ri colotajic, xa xcovirisex cánima.

Re C'ac'a Testamento pa Kach'abal

⁷ Y re' nusekresaj chakavach che re kavinak israelitas re je'cha'on roma re Dios, can xquivel-va re andex rubanic chin ye'colotaj chach re quimac. Jac'a re nic'aj chic kavinak israelitas re man je'cha'on-ta roma re Dios, man xquivel-ta re andex rubanic chin ye'colotaj chach re quimac, xa xcoversas re cánma roma re Dios.

Kaqchikel Western Solola

⁷ Y re' nuc'ut c'a chkawech chi ri kech aj Israel astape' can quitijon quik'ij achique rubanic yetz'etetej ruma ri Dios chi majun quimac, pero xa ma quilon ta. Xaxu (xaxe) wi ri can ye cha'on ruma ri Dios ri xquil achique rubanic chi yetz'etetej ruma ri Dios chi majun quimac. Y ri nic'aj chic kech aj Israel ri ma niquinimaj ta ri Dios, xa xcowirisex ri cánima.

Romanos 11:7 ပူးပေါင်းရင်းမြစ်များ

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

Romanos 9:18

Y rikꞌin ri keriꞌ xubꞌij, nditzꞌetetej chi ri Dios ndujoyowaj ruwech ri wineq ri ndirajoꞌ ndujoyowaj ruwech, y ndukowirisaj ránima ri wineq ri ndirajoꞌ ndukowirisaj ránima.

Romanos 11:25

Hermanos, riyin niwojoꞌ chi ndikꞌoxomaj ri ma kin ta qꞌalej rubꞌeyal ojer kan chupan ri tiempos eqꞌaxneq pe, pero wokami xqꞌalajrisex, chin keriꞌ ma ndinimrisaj iwiꞌ. Y ri xqꞌalajrisex, jareꞌ: Chiqakajal roj israelitas ekꞌo ekꞌiy kikowirisan ri kánima, y keriꞌ xtubꞌen ri kánima hasta kꞌa ngekolotej na konojel ri ma israelitas ta ri echaꞌon chin ngekolotej.

Romanos 11:5

Y keriꞌ chuqaꞌ chupan re tiempo rojkꞌo, kꞌa rojkꞌo jubꞌaꞌ israelitas ri roj chaꞌon roma ri Dios chin nduyaꞌ ri ru-favor pa qawiꞌ.

Efesios 1:4

Porque ri Dios xojruchaꞌ xe jampeꞌ pa nabꞌey atoq kꞌajani tubꞌen ri rochꞌulew chin xubꞌen chaqe chi xe jun xqabꞌen rikꞌin ri Cristo chin ngojok chꞌajchꞌaj y loqꞌolej chuwech. Y roma santienta roj rojowan pe,

2 Corintios 3:14

Pero ri nuwinaqul israelitas xtzꞌapitej ruwech ri kinoꞌoj, romariꞌ ma xkikꞌoxomaj ta rubꞌeyal reꞌ, y kꞌa keriꞌ kibꞌanun wokami. Atoq ndibꞌan leer ri ojer pacto chikiwech, ma ndikikꞌoxomaj ta, xa kin achel tzꞌapin kiwech rikꞌin ri kꞌul riꞌ, porque kꞌaja na atoq jun ndabꞌen rikꞌin ri Cristo, ndel e ri kꞌul riꞌ.

Romanos 9:23

Keriꞌ xubꞌen rijaꞌ chin xuqꞌalajrisaj ri nimalej y utzulej runoꞌoj chikiwech ri wineq ri kin xe jampeꞌ pa nabꞌey erunabꞌan chin ndujoyowaj kiwech y ndikꞌojeꞌ kiqꞌij chupan ri nimalej ruqꞌij rijaꞌ.

Filipenses 1:18

Pero, ¿utz kami chi ndipuꞌun woyowal romariꞌ? Ma utz ta, porque si rikꞌin nojel kánima ndikiyaꞌ rutzijol ri Cristo o ma rikꞌin ta nojel kánima, ri más ndikꞌatzin, ja ri ndiyoꞌox rutzijol ri Cristo, y jariꞌ ri ndibꞌanun chuwa chi santienta ngikikot. Y kin jumul wi xkikikot

1 Corintios 10:19

Rikꞌin ri keriꞌ nibꞌij, ma ndubꞌij ta tzij chi kꞌo reqalen ri achike ndisujeꞌ chikiwech tiox, nixta ndubꞌij tzij chi jun tiox kꞌo chuqaꞌ reqalen.

Romanos 10:3

Porque rejeꞌ ma kikꞌoxoman ta chi ja ri Dios ndibꞌanun chi nixta jun rumak ndireqalej jun wineq, y romariꞌ xa kiyon chikiwech kikanon qa jun chik rubꞌeyal chin ta ma jun kimak ndikeqalej, y kiyoꞌon kan rokacheq chuwech ri rubꞌeyal ri rukꞌutun kan ri Dios.

Romanos 6:15

Rikꞌin ri qabꞌiꞌin pe, ¿utz kami ndiqabꞌen mak, porque ma rojkꞌo chi ta chuxeꞌ ri ley, xa kin chuxeꞌ ri ru-favor ri Dios? Ma utz ta.

Romanos 3:9

¿Achike ndiqabꞌij pa ruwiꞌ nojel reꞌ? ¿Kꞌo kami más favor chin ri Dios pa qawiꞌ roj israelitas ke pa kiwiꞌ ri ma israelitas ta? ¡Ma ke ta riꞌ! Achel xqabꞌij yan pe, chi israelitas y ma israelitas ta, konojel ekꞌo chuxeꞌ ruchuqꞌaꞌ ri mak.

San Juan 12:40

Ri Ajaw kereꞌ rubꞌiꞌin: Yin nutzꞌapin kiwech re wineq reꞌ, Y nukowirisan ri kánima, Chin ma ndeqꞌax ta rubꞌeyal chikiwech ri ndikitzꞌet, Y ma ndikikꞌoxomaj ta ri ndikakꞌaxaj; Chin ma nditzolij ta pe kánima wikꞌin, Y riyin ma nichojmirisaj ta ri kikꞌaslen.

San Lucas 13:24

Titijaꞌ iqꞌij chi ngixok apu chupan ri puerta kaꞌal ruwech. Porque nibꞌij chiwa chi ekꞌiy kin xtikitij kiqꞌij chin ngeꞌok apu y ma ngetiker ta.

1 Pedro 1:2

Ri Tataꞌaj Dios xe jampeꞌ pa nabꞌey rubꞌanun pe ruwech pa iwiꞌ rix chi rix ruchaꞌon pe chin nduchꞌajchꞌojrisaj ikꞌaslen roma ri samaj ndubꞌen ri Espíritu Santo pa ikꞌaslen, chin keriꞌ ngixniman, y chin chuqaꞌ ndichꞌaj ri mak chiwij rikꞌin ri rukikꞌel ri Jesucristo. Kin ta xtikꞌojeꞌ santienta uxlanen pa iwánima y ri favor ri nduyaꞌ ri Dios pa iwiꞌ.

Hebreos 12:17

Porque rix iwetaman chi atoq xqꞌax ri tiempo, ri Esaú xrajoꞌ chi xyoꞌox ta ri bendición riꞌ chare, pero maske santienta xoqꞌ, maneq cheꞌel xutzolij ri xbꞌanatej yan, y ri rutataꞌ ma xuyaꞌ chi ta ri bendición chin ri nimalaꞌtz chare.

Marcos 6:52

Porque ma kikꞌoxoman ta achike chi uchuqꞌaꞌ kꞌo rikꞌin ri Jesús, maske xkitzꞌet chi xkꞌiyer ri kaxlan wey chikiwech. Xa kaw rubꞌanun ri kánima.

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.