Romanos 10:4 - Kaqchikel Santo Domingo (Xenacoj)

⁴ Porque rikꞌin ri xubꞌen ri Cristo, xbꞌanatej nojel ri achike roma ri Dios xuyaꞌ pe ri ley, porque ri Cristo kin xubꞌen nojel ri ndubꞌij ri ley, y keriꞌ konojel ri xtikitaqij rijaꞌ, nixta jun kimak ndikeqalej chuwech ri Dios.

နောက်ထပ်ဗားရှင်းများ

Kaqchikel Santa Maria de Jesus

⁴ Ri ley xqꞌuis antok xalka ri Cristo. Quireꞌ xbꞌanataj, chi quireꞌ chica-na vinak ri xtiniman ri Cristo, ntiel chi manak chic ru-pecado choch ri Dios.

Kaqchiquel Bible

⁴ Man k'atzinel ta chik chi niqatzeqelibej ri pixa' roma xoqaqa ri Cristo. Keri' xabachike ri nukuquba' ruk'u'x rik'in ri Cristo, man jun rumak nik'ulun chuwech ri Dios.

Kaqchikel Central Guatemala

⁴ Ri ley xtane' tok xoka' ri Cristo. Queri' xbanatej richin chi xabachique ri xtiniman richin ri Cristo man jun rumac xtic'ulun chuvech ri Dios.

Re C'ac'a Testamento pa Kach'abal

⁴ Tak xtane' re ley ja tak xbeka re Jesucristo. Quire' xbanataj chin che xabanchique vinak re xtiniman richin re Jesucristo man jun rumac ndel chach re Dios.

Kaqchikel Western Solola

⁴ Tek xoka ri Cristo yari' tek xtz'aket rubanic ri nubij chupan ri ley, ruma Riya' xuben ronojel ri nubij ri ley. Queri' xbanatej riche (rixin) chi wacami xabachique winek ri xtiniman riche (rixin) ri Cristo can xtitz'etetej ruma ri Dios chi majun rumac.

Romanos 10:4 ပူးပေါင်းရင်းမြစ်များ

Gálatas 3:24

Romariꞌ ndiqabꞌij chi ri ley xa achel jun tijonel pa qawiꞌ, ri jumul xojrutijoj hasta kꞌa xuqaqa na ri Cristo ri ndikꞌatzin chi ndiqataqij, chin keriꞌ nixta jun qamak ndiqeqalej chuwech ri Dios.

San Juan 1:17

Keriꞌ ndiqꞌalajin, porque ri ley pa ruqꞌaꞌ ri Moisés xjach wi chin ndukꞌut rubꞌeyal ri kꞌaslen chiqawech, y wokami yoꞌon chaqe ri qetzij y ri ru-favor ri Dios, y ri kꞌamayon pe richin, ja ri Jesucristo ri Jun taqon pe roma ri Dios chukolik ri rutinamit.

Hebreos 10:14

Porque rijaꞌ xe jumbꞌey xkꞌatzin chi xusuj riꞌ pa kamik chuwech ri Dios, chin xubꞌen chi ma jumbꞌey chik ndikeqalej mak konojel ri ndichꞌajchꞌojrisex kikꞌaslen roma rijaꞌ.

Colosenses 2:17

Nojel reꞌ xa erumochꞌochꞌil ri bꞌiꞌin kan pa ruwiꞌ ri Cristo, pero rikꞌin ri xuqaqa rijaꞌ, ma ndikꞌatzin chi ta ri mochꞌochꞌil riꞌ.

Colosenses 2:10

Y nojel ri ndikꞌatzin chin ri kꞌakꞌakꞌ ikꞌaslen, yoꞌon chiwa roma xe jun ibꞌanun rikꞌin ri Cristo ri kꞌo pa kiwiꞌ konojel espíritu nimaꞌq teq kiqꞌij y konojel espíritu ri kꞌo uchuqꞌaꞌ pa kiqꞌaꞌ.

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

Romanos 3:22

Y ri modo riꞌ ndubꞌij chi ja ri Dios ndibꞌanun chake ri wineq ri ndikitaqij ri Jesucristo chi nixta jun kimak ndikeqalej, y riꞌ chake konojel ri ngetaqin, porque ri Dios junan kiwech ngerutzꞌet konojel,

San Mateo 3:15

Pero ri Jesús xubꞌij chare ri Juan: Tayaꞌ qꞌij chi ngibꞌan bautizar wokami, porque pa ruwech ri Dios kin pa ruchojmil chi keriꞌ ndiqabꞌen. Ja atoq riꞌ ri Juan xuyaꞌ qꞌij.

Gálatas 4:5

chin xojrulaqꞌ roj ri xojkꞌojeꞌ chuxeꞌ ruchuqꞌaꞌ ri ley, chin keriꞌ xuyaꞌ rubꞌiꞌ chiqij chin xojok ralkꞌuaꞌl ri Dios.