Romanos 1:9 - Kaqchikel Santo Domingo (Xenacoj)

⁹ Nimatioxij porque ri Dios ri nojel wánima nibꞌen rusamaj chutzijoxik ri utzulej teq tzij ri ndichꞌaꞌa pa ruwiꞌ ri kolotajik nduyaꞌ ri Rukꞌajol, rijaꞌ kin retaman chi ngixinkꞌuxlaꞌaj pa nu-oración chi chaqꞌaꞌ chi paqꞌij.

နောက်ထပ်ဗားရှင်းများ

Kaqchikel Santa Maria de Jesus

⁹ Y ri Ka-Dios can rataꞌn chi siempre niꞌan orar pan i-cuenta; ri Dios ri can riqꞌuin nojiel vánima niꞌan servir. Can nitzijuoj ri ru-evangelio ri Rucꞌajuol.

Kaqchiquel Bible

⁹ Ri Dios kan retaman wi chi kan beneq-ruwech yich'on rik'in iwoma rix, ri kan ninsamajij rik'in ronojel wánima toq nintzijoj ri utzilej ruch'abel ri nich'on chirij ri Ruk'ajol.

Kaqchikel Central Guatemala

⁹ Y ri ka-Dios can retaman-vi chi benek-ruvech ninben orar ivoma. Ri Dios ri can riq'uin ronojel vánima ninsamajij. Ri can nintzijoj-vi ri utzilej ruch'abel ri nich'on chirij ri Ruc'ajol.

Re C'ac'a Testamento pa Kach'abal

⁹ Re Dios re ninsamajij riq'uin ronojel vánma, chin nintzijoj re utzulaj ruch'abal re nich'o chij re Ruc'ajol, reja' can rutaman che yen nojel tiempo nimban orar pan ive'.

Kaqchikel Western Solola

⁹ Y ri ka-Dios can retaman wi chi riyin ma yitane' ta chi nben orar pan iwi'. Ri Dios ri can riq'ui ronojel wánima nben ri rusamaj. Ri can ntzijoj wi ri lok'olaj ruch'abel ri nich'o chrij ri Ruc'ajol.

Romanos 1:9 ပူးပေါင်းရင်းမြစ်များ

Efesios 6:18

Rix tikꞌutuj kamelal chare ri Dios y jutaqil tibꞌanaꞌ orar pa ruwiꞌ nojel ri ndiqꞌasaj pa ikꞌaslen, y tiyaꞌ qꞌij chare ri Espíritu Santo chi ndukꞌuaj ibꞌey pa oración. Y chin ndibꞌen keriꞌ, ndikꞌatzin chi rix kꞌes pa ruwiꞌ ri oración y man ta ndikꞌo ikꞌuꞌx chukꞌutuxik ri utz pa kiwiꞌ konojel ri loqꞌolej ralkꞌuaꞌl ri Dios.

2 Timoteo 1:3

Riyin jumul ngatinkꞌuxlaꞌaj pa nu-oración. Chi chaqꞌaꞌ chi paqꞌij nimatioxij chare ri Dios, ri Dios ri niyaꞌ ruqꞌij rikꞌin chꞌajchꞌaj wánima achel kibꞌanun pe ri watit-numamaꞌ.

Romanos 9:1

Riyin ri xe jun nubꞌanun rikꞌin ri Cristo, ma aqꞌ ta ri nibꞌij chiwa, xa kin qetzij, y ri wánima ukꞌuan roma ri Espíritu Santo retaman chi re nibꞌij chiwa wokami kin qetzij wi:

1 Tesalonicenses 5:17

Jumul tibꞌanaꞌ orar.

2 Corintios 1:23

Pero ma yin bꞌaneq ta chiꞌitzꞌetik pa tinamit Corinto achel nunojin roma nipoqonaj iwech, y kin ja ta ri Dios xtok testigo chuwij y xtirelesaj ri nukꞌaslen, si ma qetzij ta ri nibꞌij.

1 Tesalonicenses 3:10

Chi chaqꞌaꞌ chi paqꞌij ndiqakꞌutuj chare chi tuyaꞌ qꞌij chaqe chi ngixbꞌeqatzꞌetaꞌ chik, chin ngixqatijoj kan rikꞌin ri kꞌa ma iwetaman ta pa ruwiꞌ ri tijonik chin ri Ajaw.

1 Tesalonicenses 1:2

Hermanos, roj jutaqil ngixqakꞌuxlaꞌaj pa qa-oración y jumul ngojmatioxin chare ri Dios iwoma rix iwonojel,

Filipenses 3:3

Porque ri circuncisión ri kꞌo reqalen chuwech ri Dios, ja ri bꞌanun pa qánima roj ri rikꞌin rutoꞌik ri Espíritu Santo ndiqayaꞌ ruqꞌij ri Dios, y yalan ngojkikot chi xe jun qabꞌanun rikꞌin ri Cristo Jesús, y ma kuqul ta qakꞌuꞌx chi ngojkolotej roma ri circuncisión bꞌanun chare ri qa-cuerpo.

Filipenses 1:4

Y jumul atoq nibꞌen orar iwoma rix iwonojel, ngikikot nibꞌen orar.

Hechos 27:23

Porque ixqꞌeq xukꞌut riꞌ jun ángel chinuwech taqon pe roma ri Wajaw Dios ri achoq samaj nibꞌen,

Hechos 19:21

Atoq xbꞌanatej yan nojel reꞌ, ri Pablo xuyaꞌ pa ránima chi ndibꞌa pa tinamit Jerusalén, pero nabꞌey ngebꞌerutzꞌetaꞌ ri kitaqin ri Ajaw pa teq tinamit chin ri rochꞌulew Macedonia y chin ri rochꞌulew Acaya, y kereꞌ ndubꞌij pa ránima: Atoq enutzꞌeton chik kan ri hermanos pa tinamit Jerusalén, ndikꞌatzin chuqaꞌ ngibꞌa pa tinamit Roma. Keriꞌ xunojij ri Pablo.

1 Timoteo 2:7

Y ri Dios xiruchaꞌ chin niyaꞌ utzulej rutzijol chi rijaꞌ ndirajoꞌ chi ri wineq ngekolotej, y xiruchaꞌ chuqaꞌ chin xinok apóstol. Kin qetzij ri nibꞌij, y ma ngireqꞌon ta. Xiruchaꞌ chin ngentijoj ri wineq ma israelitas ta chin ndikitaqij ri Cristo Jesús y ndikinimaj ri qetzij.

Filipenses 2:22

Y rix iwetaman ri utzulej runoꞌoj ri Timoteo, porque kin samajneq pe wikꞌin chutzijoxik ri utzulej teq tzij chin kolotajik, rubꞌanun pe achel jun akꞌual ri ndiretamaj apu rusamaj ri rutataꞌ.

Gálatas 1:20

Y chuwech ri Dios nibꞌij chi re nitzꞌibꞌaj e chiwa kin qetzij wi y ma ngireqꞌon ta.

2 Corintios 11:31

Ri ru-Dios y Rutataꞌ ri Ajaw Jesús ri kin rukꞌulun wi chi jumul ndiyoꞌox ruqꞌij, retaman chi kin qetzij re nibꞌij chiwa.

Hechos 24:14

Pero niyaꞌ chuwij chi woqan ri qetzij bꞌey xukꞌut kan ri Jesús, bꞌey ri ndikibꞌij rejeꞌ chi ma qetzij ta. Riyin roma woqan ri qetzij bꞌey riꞌ nibꞌen rusamaj ri Dios, ri Dios ri xkiyaꞌ ruqꞌij ri ojer teq qatit-qamamaꞌ roj israelitas. Y nutaqin nojel ri tzꞌibꞌan chupan ri ley xyoꞌox chare ri Moisés, y ri kitzꞌibꞌan kan ri profetas ojer.

Hechos 12:5

Y keriꞌ ri Pedro chajin utz-utz pa cheꞌ, pero jukꞌan chik apeꞌ kimolon kiꞌ ri hermanos pa rubꞌiꞌ ri Ajaw, ndikibꞌen orar chare ri Dios roma rijaꞌ.

Hechos 3:26

Y atoq ri Dios xukꞌastajbꞌaꞌ pe ri Rukꞌajol chikikajal ri animaꞌiꞌ, nabꞌey xuteq pe iwikꞌin rix chin xuyaꞌ ru-favor pa iwiꞌ, chin ngixrutoꞌ chin ndiyaꞌ kan ri itzel teq achike ri ngixtajin rikꞌin.

San Lucas 18:1

Ri Jesús xutzijoj jun parábola chake ri discípulos chin ndukꞌut chi ndikꞌatzin ndikibꞌen orar jumul y ma tikꞌo kikꞌuꞌx chiroyobꞌexik ri ndikikꞌutuj.

Marcos 1:1

Chupan re wuj reꞌ ndilitej achike modo xtzꞌukutej pe rutzijoxik ri utzulej teq tzij chin kolotajik, ri ndichꞌaꞌa pa ruwiꞌ ri Jesús Rukꞌajol ri Dios, ri taqon pe roma ri Dios chukolik ri rutinamit.

Filemón 1:4

Kin nimatioxij chare ri nu-Dios awoma rat Filemón, y jumul ngatinkꞌuxlaꞌaj pa teq nu-oración,

Filipenses 1:3

Atoq ngixinkꞌuxlaꞌaj, nimatioxij chare ri nu-Dios iwoma.