San Mateo 9:27 - Kaqchikel Santo Domingo (Xenacoj)

²⁷ Atoq ri Jesús xel pe chiriꞌ, ekaꞌiꞌ soqꞌ xkoqaj y ngesikꞌin chubꞌixik: ¡Rat ri riy-rumam kan ri rey David, tajoyowaj ok qawech!

နောက်ထပ်ဗားရှင်းများ

Kaqchikel Santa Maria de Jesus

²⁷ Y antok ri Jesús xiel-pa chireꞌ, icꞌo icaꞌyeꞌ muoy xaꞌa chirij y riqꞌuin quichukꞌaꞌ xaꞌchꞌoꞌ y xquiꞌej: ¡Tajoyovaj kavach atreꞌ ri at Rumáma can ri rey David! ncaꞌchaꞌ.

Kaqchiquel Bible

²⁷ Toq ri Jesús xel-pe ri chiri', ek'o k'a e ka'i' moyi' xetzeqeliben-pe richin. Y rik'in kuchuq'a' nikibila' chire: ¡Rat riy-rumam kan ri rey David, tajoyowaj qawech roj!, yecha'.

Kaqchikel Central Guatemala

²⁷ Y tok ri Jesús elenek chic c'a pe ri chiri', ec'o c'a ca'i' moyi' ri can e tzeketel chirij y riq'uin cuchuk'a' niquibij c'a chire: ¡Tajoyovaj kavech y kojato' c'a, rat ri riy-rumam can ri rey David! yecha'.

Re C'ac'a Testamento pa Kach'abal

²⁷ Y tak re Jesús elinak chic-a chire', jec'o je ca'e' moyi' can je'tzakatal chij y cof ye'ch'o y niquibij cha: ¡Tajoyovaj kavach y kojato', rat re yat rey-rumam can re Rey David! ye'cha'.

Kaqchikel Western Solola

²⁷ Y tek ri Jesús elenak chic c'a pe ri chiri', yec'o c'a ca'i' moyi' xquitzekelbej el ri Jesús y niquirek quichi' chrij y niquibij c'a chare: ¡Riyit ri yit ralc'ual ca ri rey David, tajoyowaj kawech ruma re kabanon! yecha'.

San Mateo 9:27 ပူးပေါင်းရင်းမြစ်များ

San Mateo 15:22

Y kꞌateꞌ ruwech, jun ixaq aj Canaán, xel pe chukꞌulik ri Jesús y kereꞌ ndisikꞌiyaj chubꞌixik: ¡Tajoyowaj nuwech, Ajaw, rat ri rat riy-rumam kan ri rey David! ¡Porque ri wal xten kꞌo itzel espíritu pa rukꞌaslen ri tok ndubꞌen chare!

San Mateo 11:5

Ri soqꞌ ngetzuꞌun yan chik, ri ngejetzꞌmaꞌy chaj yan chik ngebꞌiyin, ri kꞌo lepra chikij ngechꞌajchꞌojrisex, ri ewok ngeꞌakꞌaxan yan chik, ri ngeken ngekꞌastajbꞌex, y ri maneq ok kichajin nditzijox ri utzulej teq tzij chin kolotajik chake.

San Mateo 17:15

Ajaw, tajoyowaj ruwech ri nukꞌajol, roma nduyaꞌ ataque chare y santienta qꞌaxomal ndunaꞌ. Porque kꞌiy mul tzaqineq pa qꞌaqꞌ y kꞌiy mul tzaqineq pa yaꞌ.

San Juan 7:42

Porque chupan ri rutzij ri Dios ndubꞌij chi ri Jun nditaq pe roma ri Dios chukolik ri rutinamit, riy-rumam kan ri rey David y ndalex chupan ri aldea ri apeꞌ xalex chuqaꞌ ri rey David, y riꞌ ja ri Belén.

San Lucas 7:21

Chupan ri hora riꞌ, ri Jesús xerukꞌachojrisaj kꞌiy wineq chuwech yabꞌil y qꞌaxomal y xerelesaj itzel teq espíritu pa kikꞌaslen, y xubꞌen chake ekꞌiy soqꞌ chi xetzuꞌun.

Marcos 11:10

¡Kin nimalej favor kꞌo pa ruwiꞌ ru-reino re jun riy-rumam kan ri rey David ri ndurubꞌanaꞌ reinar pa qawiꞌ! ¡Nim ruqꞌij ri Dios chikaj!

Marcos 9:22

Kꞌiy mul ri seqꞌ espíritu ruroqin pa qꞌaqꞌ y kꞌiy mul ruroqin pa yaꞌ chin ta ndukamisaj, pero si rat ngatiker ndakꞌachojrisaj, tajoyowaj ok qawech y qojatoꞌ.

San Mateo 21:9

Ri santienta wineq ebꞌaneq chuwech y chirij kan ri Jesús ngesikꞌiyaj chubꞌixik: ¡Nim ruqꞌij re Kolonel reꞌ ri riy-rumam kan ri rey David! ¡Kin nimalej favor kꞌo pa ruwiꞌ re pataneq pa rubꞌiꞌ ri Ajaw Dios! ¡Nim ruqꞌij ri Dios chikaj!

San Mateo 1:1

Chupan re wuj reꞌ tzꞌibꞌan kan kibꞌiꞌ ri ojer teq ratit-rumamaꞌ ri Jesucristo. Ri Jesucristo riy-rumam ri rey David, y jun riy-rumam ri Abraham chuqaꞌ.

San Mateo 21:15

Pero ri sacerdotes israelitas más kꞌo ruchuqꞌaꞌ kitzij, y ri tijonelaꞌ chin ri ley ri xyoꞌox chare ri Moisés santienta xyakatej koyowal atoq xkitzꞌet chi ri Jesús ndubꞌanalaꞌ nimalej teq achike ri ndisach kikꞌuꞌx chirij, y chi ri akꞌolaꞌ ngesikꞌin pa rachoch ri Dios chubꞌixik: ¡Nim ruqꞌij re riy-rumam kan ri rey David!

Romanos 9:5

Rejeꞌ ekiy-kimam kan ri Abraham, ri Isaac y ri Jacob, y chikikajal xuꞌalex ri Jun ri xtaq pe roma ri Dios chukolik ri rutinamit. Riꞌ ja ri Jesucristo ri kin Dios wi pa ruwiꞌ nojel. ¡Kin ta jumul xtiyoꞌox ruqꞌij! Amén.

San Lucas 20:41

Ri Jesús kereꞌ xubꞌij chake ri tijonelaꞌ chin ri ley xyoꞌox chare ri Moisés: ¿Achike roma ndibꞌij rix chi ri Jun nditaq pe roma ri Dios chukolik ri rutinamit, riy-rumam kan ri rey David?

San Lucas 17:13

y xesikꞌin pe chubꞌixik: ¡Jesús, Tijonel, tajoyowaj ok qawech!

Romanos 1:3

Ri utzulej teq tzij chin kolotajik riꞌ, ndichꞌaꞌa pa ruwiꞌ ri Rukꞌajol ri Dios. Rijaꞌ atoq xalex chochꞌulew, xuꞌok riy-rumam ri rey David.

San Mateo 9:28

Y atoq ri Jesús xok apu pa achoch apeꞌ ndikꞌojeꞌ wi, ri ekaꞌiꞌ soqꞌ koqan e xeꞌok apu chuqaꞌ y ri Jesús xubꞌij chake: ¿Nditaqij rix chi riyin ngitiker ngixinkꞌachojrisaj? Rejeꞌ xkibꞌij chare: ¡Jaꞌn, Ajaw!

San Mateo 20:29

Atoq ri Jesús y ri discípulos kitzꞌamon bꞌey ngeꞌel e pa tinamit Jericó, ekꞌiy wineq eꞌoqayon kichin.