San Mateo 7:26 - Kaqchikel Santo Domingo (Xenacoj)

²⁶ Pero ri ndakꞌaxan ri tzij ngitajin chubꞌixik y ma ndubꞌen ta ri nibꞌij chare, nijunumaj rikꞌin jun achi ri ma ndikaney ta runoꞌoj, ri pariꞌ sanayiꞌ xupabꞌaꞌ ri rachoch.

နောက်ထပ်ဗားရှင်းများ

Kaqchikel Santa Maria de Jesus

²⁶ Pero chica-na ri joꞌc nraꞌxaj ri niꞌej inreꞌ y man nuꞌon ta ri niꞌej cha, junan riqꞌuin jun ache nacanic ri xuꞌon ri rachuoch pa sanayeꞌ.

Kaqchiquel Bible

²⁶ Jak'a xabachike wineq ri nak'axan ri ch'abel ri ninbij yin, y xa man nuben ta ri ninbij chire, kan ninjunamaj k'a rik'in jun nakanik achin ri xupaba' jun rachoch pa ruwi' sanayi'.

Kaqchikel Central Guatemala

²⁶ Y xabachique c'a vinek ri nac'axan ri ch'abel ri c'ari' ninbij-ka, y xa man nuben ta ri ninbij chire, can junan c'a riq'uin ri jun nacanic achin ri xupaba' jun rachoch pa sanayi'.

Re C'ac'a Testamento pa Kach'abal

²⁶ Pero re vinak re nuc'axaj re nuch'abal y man nuban-ta re nimbij cha, junan riq'uin re jun ache nacanic re xupoba' jun rachoch, y manak ru-cimiento xuban, xaxe tal choj xutz'uyuba-ka pa rue' ulef.

Kaqchikel Western Solola

²⁶ Y xabachique c'a winek ri nac'axan re ch'abel re xinbij ka, y xa ma nuben ta ri nbij chare, can junan c'a riq'ui ri jun nacanic achi ri xuben jun rachoch pa ruwi' sanayi'.

San Mateo 7:26 ပူးပေါင်းရင်းမြစ်များ

San Lucas 6:49

Pero ri ndakꞌaxan ri nutzij y ma ndubꞌen ta ri nibꞌij chare, nijunumaj rikꞌin jun achi ri ma xukꞌat ta qa ri ulew, xa pariꞌ ok xupabꞌaꞌ ri rachoch. Atoq santienta qatataꞌ xqaqa y xnimer pe ri raqen yaꞌ, ri yaꞌ pa ruchuqꞌaꞌ xbꞌerukajpuj riꞌ chirij ri rachoch, y ri achoch xwuluwuꞌ y xkꞌis ruqꞌij.

Santiago 2:20

Rat xa rat achel jun wineq ri maneq runoꞌoj keriꞌ. Takꞌoxomaj kꞌa chi ma jun utz ndukꞌen pe chawa si xaxe ok ndabꞌij chi ataqin ri Ajaw, y ma ndabꞌen ta ri utz chake chꞌaqa chik.

San Mateo 7:24

Romariꞌ, ri ndirakꞌaxaj ri tzij ngitajin chubꞌixik y ndubꞌen pa rukꞌaslen, nijunumaj rikꞌin jun achi ri kin ndikaney runoꞌoj. Ri achi riꞌ nej xukꞌat qa ri ulew chin xubꞌen qa ruxeꞌ ri rachoch pa xeq ulew.

San Mateo 7:25

Y xqaqa qatataꞌ, xenimer pe raqen teq yaꞌ y xepuꞌun kaqiqꞌ rikꞌin nojel kuchuqꞌaꞌ chirij ri achoch, pero ma xwuluwuꞌ ta, porque kin tikil qa pa xeq ulew.

San Mateo 7:27

Xqaqa qatataꞌ, xenimer pe raqen teq yaꞌ y xpuꞌun kaqiqꞌ rikꞌin nojel ruchuqꞌaꞌ chirij ri achoch, y ri achoch xwuluwuꞌ y xkꞌis ruqꞌij.