San Mateo 7:21 - Kaqchikel Santo Domingo (Xenacoj)

²¹ Ma konojel ta ri ngebꞌiꞌin Ajaw, Ajaw chuwa, xkeꞌok chupan ri aj chikaj reino, xa kin xe wi ri ngebꞌanun ri rurayibꞌel ri Nataꞌ Dios kꞌo chikaj.

နောက်ထပ်ဗားရှင်းများ

Kaqchikel Santa Maria de Jesus

²¹ Man quinojiel ta ri ncaꞌeꞌn chuva: Ajaf, Ajaf, xcaꞌuoc chupan ri reino ri cꞌo chicaj. Ri xcaꞌuoc chireꞌ, xa ja ri niquiꞌan riqꞌuin nojiel cánima ri nrajoꞌ ri Nataꞌ Dios ri cꞌo chicaj.

Kaqchiquel Bible

²¹ Man konojel ta k'a ri winaqi' ri yebin chuwe ¡Wajaw! ¡Wajaw! ri xke'ok chupan ri aj-chikajil ajawaren. Roma xa kan xaxe ri winaqi', ri rik'in ronojel kánima nikiben ri rurayibel ri nata' ri k'o chila' chikaj, ri xke'ok chupan ri ajawaren ri'.

Kaqchikel Central Guatemala

²¹ Can e q'uiy vi c'a vinek ri yebin ¡Ajaf! ¡Ajaf! chuve yin, pero man conojel ta chique rije' ri ye'oc pa ruk'a' ri Dios o chupan ri aj-chicajil ajavaren. Roma ri ye'oc richin ri Dios xaxe c'a ri can riq'uin ronojel cánima niquiben ri rurayibel ri Nata' Dios.

Re C'ac'a Testamento pa Kach'abal

²¹ Camas je q'uiy vinak re ye'bin ¡Ajaf! ¡Ajaf! chua, pero man conojel-ta chique reje' xque'oc pa ruk'a' re Dios. Roma re xque'oc pa ruk'a' re Dios xaxe re can riq'uin ronojel cánma niquiban re nurayij re Nata' Dios.

Kaqchikel Western Solola

²¹ Ma quinojel ta ri yebin ¡Ajaf! ¡Ajaf! chuwe, ri ye'oc pa rajawaren ri caj. Ruma xaxu (xaxe) wi c'a ri can riq'ui ronojel cánima niquiben ri ruraybel ri Nata' ri c'o chila' chicaj ri ye'oc chiri'.

San Mateo 7:21 ပူးပေါင်းရင်းမြစ်များ

San Mateo 12:50

Porque ri ndibꞌanun rurayibꞌel ri Nataꞌ kꞌo chikaj, jariꞌ nchaqꞌ, wanaꞌ y nteꞌ.

San Mateo 16:17

Y ri Jesús xubꞌij chare: Kin jabꞌel roꞌaqꞌij, rat Simón rukꞌajol ri Jonás, porque ma jun ta wineq xqꞌalajrisan chawa ri xabꞌij, xa kin ja ri Nataꞌ kꞌo chikaj ri xqꞌalajrisan pe chawa.

San Mateo 18:10

Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

San Mateo 18:19

Keriꞌ chuqaꞌ nibꞌij chiwa: Si ekaꞌiꞌ chiꞌikajal jun kánima ndikibꞌen pa ruwiꞌ jun achike ndikikꞌutuj chare ri Dios, ri ndikikꞌutuj kin ndiyoꞌox wi pe chake roma ri Nataꞌ kꞌo chikaj.

San Mateo 18:3

y kereꞌ xubꞌij chake: Kin qetzij nibꞌij chiwa, si rix ma ndijel ta inoꞌoj, y ndibꞌen qa achel kinoꞌoj chꞌuteq akꞌolaꞌ, ma ngixok ta chupan ri ru-reino ri aj chikaj Dios.

San Mateo 18:35

Y achel xubꞌen ri ajaw riꞌ chare ri rusamajel, keriꞌ chuqaꞌ xtubꞌen ri Nataꞌ kꞌo chikaj chiwa rix, si chiꞌijununal ma xtikuy ta jun hermano rikꞌin nojel iwánima. Keriꞌ xubꞌij ri Jesús.

San Mateo 19:24

Y nibꞌij chuqaꞌ chiwa, chi más ma cuesta ta ndeqꞌax jun camello chi racheq jun bꞌaq chin tꞌisoꞌ, ke chuwech xtok jun bꞌeyon pa ru-reino ri Dios.

San Mateo 25:10

Y atoq ri ewoꞌoꞌ qꞌopojiꞌ ebꞌaneq chuloqꞌik ri aceite, xuqaqa ri kꞌajol ndikꞌuleꞌ, y ri woꞌoꞌ qꞌopojiꞌ ri kinabꞌan kiꞌ xeꞌok apu junan rikꞌin ri kꞌajol pa nimaqꞌij chin ri kꞌulubꞌik, y xtzꞌapix pe ri puerta chin ri jay.

San Mateo 25:21

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

San Mateo 26:39

Ja atoq riꞌ xbꞌa apu jubꞌaꞌ más kelaꞌ, xxukeꞌ qa y xuqasaj rujolon pa ulew, y kereꞌ ndubꞌen orar: Nataꞌ Dios, si kꞌo ta cheꞌel chi man ta niqꞌasaj ri kꞌayew pataneq pa nuwiꞌ, kanakoloꞌ. Pero ma tibꞌanatej ri niwojoꞌ yin, xa kin ja ri ndawojoꞌ rat, xchajeꞌ.

San Mateo 26:42

Y ri Jesús xbꞌa chi apu pa rukan mul apeꞌ ndubꞌen orar, y kereꞌ xubꞌij: Nataꞌ Dios, si maneq cheꞌel man ta niqꞌasaj ri kꞌayew pataneq pa nuwiꞌ, tibꞌanatej kꞌa ri ndawojoꞌ rat.

Marcos 3:35

Porque achike na ri ndibꞌanun ri rurayibꞌel ri Dios, jariꞌ nchaqꞌ, wanaꞌ y nteꞌ, xchajeꞌ ri Jesús.

Marcos 9:47

Y si jun awech ndubꞌen chawa chi ngatzaq pa mak, tawelesaj e. Porque más utz chi xe jun awech kꞌo y ngatok pa ru-reino ri Dios, ke chuwech tzꞌaqet ri kaꞌiꞌ awech y xkatorix pa infierno,

San Lucas 11:28

Pero ri Jesús xubꞌij chare ri ixaq: Más jabꞌel rokiqꞌij ri ngeꞌakꞌaxan ri rutzij ri Dios y ndikibꞌen ri ndubꞌij.

San Lucas 13:25

Porque atoq ri rajaw ri jay ndiyakatej pe chin ndurutzꞌapij ri puerta, rix ri rixkꞌo kan saqil, kꞌateriꞌ xkixkꞌujkꞌut apu y xtibꞌij: Ajaw, tajaqaꞌ re puerta chiqawech. Pero ri rajaw jay kereꞌ xtubꞌij pe chiwa: Ma wetaman ta iwech rix aj apeꞌ.

San Lucas 18:25

Porque más ma cuesta ta ndeqꞌax jun camello chi racheq jun bꞌaq chin tꞌisoꞌ, ke chuwech xtok jun bꞌeyon pa ru-reino ri Dios.

San Lucas 6:46

Ri Jesús xubꞌij chuqaꞌ: ¿Achike roma ndibꞌij Ajaw, Ajaw chuwa, y xa ma ndibꞌen ta ri nibꞌij riyin chiwa?

San Juan 14:7

Xa ta rix iwetaman nunoꞌoj, iwetaman ta chuqaꞌ runoꞌoj ri Nataꞌ Dios. Y xe jampeꞌ wokami xiwetamaj runoꞌoj y xitzꞌet ruwech.

San Juan 15:23

Ri itzel nginikitzꞌet riyin, itzel chuqaꞌ ndikitzꞌet ri Nataꞌ.

San Juan 3:5

Ri Jesús xubꞌij: Kin qetzij nibꞌij chawa, si jun wineq ma ndalex ta rikꞌin yaꞌ y rikꞌin ri alaxik nduyaꞌ ri Espíritu Santo, ri wineq riꞌ maneq cheꞌel ndok pa ru-reino ri Dios.

San Juan 5:17

Pero ri Jesús xubꞌij chake: Ri Nataꞌ Dios ndisamej re qꞌij reꞌ, y keriꞌ chuqaꞌ riyin ngisamej, xchajeꞌ.

San Juan 6:40

Porque ri rurayibꞌel ri Nataꞌ ri taqayon pe wichin, jareꞌ: Konojel ri ndiketamaj achike riyin y nginikitaqij, ndikil ri kꞌaslen ma ndikꞌis ta, y riyin ngenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

San Juan 7:17

Si kꞌo jun ndirajoꞌ ndubꞌen ri rurayibꞌel ri Dios, ndukꞌoxomaj si ri tijonik niyaꞌ riyin kin rikꞌin ri Dios pataneq o xa riyin tzꞌukuyun qa.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

Romanos 2:13

Porque ma ja ta ri ngeꞌakꞌaxan richin ri ley ri nixta jun kimak ndikeqalej chuwech ri Dios, xa kin ja ri ngebꞌanun ri ndubꞌij ri ley ri maneq kimak ndikeqalej.

Efesios 6:6

Ma xe ta atoq kꞌo ri iwajaw chiꞌinaqaj utz kixsamej, xe roma ndiwojoꞌ chi utz ngixtzꞌat koma rejeꞌ. Kixsamej kin achel ta rix loqꞌon teq samajelaꞌ chin ri Cristo, tibꞌanaꞌ ri samaj bꞌiꞌin chiwa, achel ndurayij ri Dios chi ndibꞌen.

Colosenses 4:12

Nduteq ruxunaqil iwech ri hermano Epafras, jun iwinaq rix. Rijaꞌ jun rusamajel ri Cristo Jesús, y kin jumul ndubꞌen orar. Ndukꞌutuj chare ri Dios pa iwiꞌ chi kaw ngixpeꞌeꞌ chiraqen ri Dios y ndikꞌiy utz-utz ri ikꞌaslen chuwech, y chi kin kuqul ikꞌuꞌx iwetaman ndibꞌen ri rurayibꞌel ri Dios.

1 Tesalonicenses 4:3

Porque ri rurayibꞌel ri Dios chiwa, jareꞌ: Tikꞌuaj jun loqꞌolej kꞌaslen chuwech, ma tikꞌamalaꞌ qa iwiꞌ xa achoq na ikꞌin chin ndibꞌen mak.

1 Tesalonicenses 5:18

Chupan nojel ri ndiqꞌasaj pa ikꞌaslen, kixmatioxin chare ri Dios, porque jariꞌ ri ndirajoꞌ ri Dios chiwa rix ri xe jun ibꞌanun rikꞌin ri Cristo Jesús.

Tito 1:16

Ndikibꞌij chi ketaman runoꞌoj ri Dios, pero roma ri itzel ndikibꞌanalaꞌ, kin ndiqꞌalajin chi xa maneq Dios pa kiwech. Xa ndimulu rukꞌuꞌx ri Dios rikꞌin ri itzel ngetajiyaj. Ma ngeniman ta y ma jun kikꞌaꞌtz chin ndikibꞌen ri utz.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

Hebreos 4:6

Romariꞌ, ri ojer teq qatit-qamamaꞌ ma xeꞌok ta chupan ri uxlanen riꞌ, porque ma xeniman ta. Pero qꞌalej chuqaꞌ chi kꞌa ekꞌo jujun ri ngeꞌok chupan ri uxlanen rusujun ri Dios.

Santiago 1:22

Pero ma xe tiwakꞌaxaj ri utzulej teq tzij tzijon chiwa, xa kin tibꞌanaꞌ pa ikꞌaslen ri ndubꞌij, porque si ma ke ta riꞌ ndibꞌen, xa iyon chiwech ndichꞌakatij qa iwiꞌ.

1 Pedro 2:15

Porque ri rurayibꞌel ri Dios chiwa, ja ri ndibꞌen ri utz, chin keriꞌ ri wineq ri ma pa ruchojmil ta ngenojin y xetal ngekibꞌilaꞌ tzij chiwij, atoq ndikitzꞌet ri utz ngixtajin rikꞌin, ma jun chik achike xtikibꞌij chiwij.

1 Pedro 4:2

Keriꞌ tiyaꞌ pa iwánima, chin keriꞌ ri janipeꞌ chik qꞌij ngixkꞌaseꞌ e chochꞌulew, ma tukꞌuꞌex ri ikꞌaslen roma ri itzel teq rayinik ri ndalex pe pa iwánima, y xa kin tibꞌanaꞌ ri rurayibꞌel ri Dios.

Apocalipsis 2:27

Kin nibꞌen chare chi achel rukꞌuan jun chꞌichꞌ pa ruqꞌaꞌ ri achoq chare ndubꞌen chi ndikinimaj rutzij, o ndukꞌis kiqꞌij achel ngepaxloꞌox bꞌambꞌel ebꞌanun rikꞌin chꞌabꞌeq.

Apocalipsis 22:14

Jabꞌel rokiqꞌij ri ndikichꞌajchꞌojrisaj ri kikꞌaslen. Chake rejeꞌ ndiyoꞌox qꞌij chin ndikikꞌux ruwech ri cheꞌ ri ndiyoꞌon kꞌaslen ma ndikꞌis ta, y chuqaꞌ chin ngeqꞌax chupan ri puerta chin ngeꞌok apu pa kꞌakꞌakꞌ tinamit Jerusalén.

Apocalipsis 3:5

Ri xtitiker ndubꞌen ri nubꞌiꞌin kan, kin niweq rikꞌin puchupuj teq tzieq, y ma jumbꞌey xtinyuj ri rubꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake, y xtinbꞌij chuwech ri Nataꞌ y chikiwech ri ru-ángeles chi rijaꞌ wichin riyin.