San Mateo 6:23 - Kaqchikel Santo Domingo (Xenacoj)

²³ pero si rikꞌin ma utzulej ta ránima ndutzꞌet nojel, nojel ri ru-cuerpo kꞌo pa qꞌequꞌ. Romariꞌ, si ri luz kꞌo pa akꞌaslen xa ndichup qa, kin qꞌequꞌ ndubꞌen qa ri akꞌaslen.

နောက်ထပ်ဗားရှင်းများ

Kaqchikel Santa Maria de Jesus

²³ Pero xa ri anakꞌavach man otz ta, nojiel ri a-cuerpo cꞌo pa kꞌakuꞌn. Rumareꞌ, xa ri sakil ri ruyoꞌn ri Dios pan ivánima xa xticꞌaxtaj, can xtikꞌalajin-pa chi atcꞌo pa kꞌakuꞌn.

Kaqchiquel Bible

²³ Jak'a wi ri runaq'-iwech man e utz ta, rix xa ixk'o pa jun q'equ'm. Roma wi xa nijalatej ri saqil ri ruya'on ri Dios pan iwánima y xa kan nok q'equ'm; wi keri', kan más chik k'a nim ri q'equ'm.

Kaqchikel Central Guatemala

²³ Pero vi ri runak'-avech man e utz ta, rat atc'o pa jun k'eku'n. Romari' vi xa nijalatej ri sakil ri ruyo'on ri Dios pan avánima, can xtek'alajin c'a pe chi pa k'eku'n atc'o-vi. Y ri k'eku'n ri' can janíla vi nim.

Re C'ac'a Testamento pa Kach'abal

²³ Pero vo xa re anak'avach man je otz-ta, ronojel re a-cuerpo c'o pa k'oko'm. Y quire' chuka' riq'uin re Sakil re ruyi'on re Dios pan avánma, vo xa nijalataj re Sakil re', can xtik'alajin c'a-pa che pa k'oko'm yatc'o-va, y re k'oko'm re' can xak.

Kaqchikel Western Solola

²³ Yac'a wi ri runak' tak awech ma ye utz ta, riyit yitc'o pa jun k'eku'm. Rumari' wi xa nichuptej ri sakil ri ruya'on ri Dios pan awánima, can pa jun nimalaj k'eku'm yac'oje' wi.

San Mateo 6:23 ပူးပေါင်းရင်းမြစ်များ

1 Juan 2:11

Pero ri itzel ndutzꞌet ruwech jun hermano, pa qꞌequꞌ kꞌo wi y ja ri qꞌequꞌ ri ukꞌuayon ri rukꞌaslen. Ma retaman ta apeꞌ bꞌaneq ri rukꞌaslen, roma ri qꞌequꞌ achel soqꞌ rubꞌanun chare.

San Mateo 6:22

Ri lámpara chin ri ru-cuerpo jun wineq ja ri runaqꞌ teq ruwech. Si rikꞌin utzulej ránima jun wineq ndutzꞌet nojel, nojel ri ru-cuerpo nojneq rikꞌin luz,

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.

1 Corintios 2:14

Pero ri wineq ri maneq ri Espíritu Santo pa rukꞌaslen, ma ndirajoꞌ ta ri pataneq rikꞌin ri ru-Espíritu ri Dios. Chare rijaꞌ xa achel chꞌujulej teq tzij ndirakꞌaxaj y ma nditiker ta ndukꞌoxomaj. Porque xaxe ri yikꞌan kinojibꞌal roma ri Espíritu Santo ndikikꞌoxomaj riꞌ.

Romanos 1:22

Maske rejeꞌ ndikibꞌilaꞌ chi santienta kinojibꞌal, xa xenakanoꞌ.

Efesios 5:8

Jumbꞌey kan, pa qꞌequꞌ xkꞌojeꞌ ri ikꞌaslen, pero wokami roma xe jun ibꞌanun rikꞌin ri Ajaw, ri ikꞌaslen kꞌo pa luz, romariꞌ tikꞌuaj ri ikꞌaslen achel kikꞌaslen ri ekꞌo pa luz.

San Lucas 8:10

Y rijaꞌ xubꞌij: Chiwa rix yoꞌon qꞌij chi ndiwetamaj ri ewan pe rubꞌeyal xe ojer kan pa ruwiꞌ ru-reino ri Dios, pero chake ri wineq ri ma kiyoꞌon ta kánima wikꞌin, nikusaj parábolas chin ngichꞌaꞌa chake, chin keriꞌ maske ngetzuꞌun, ma ndikiyaꞌ ta cuenta chare ri ndibꞌanatej chikiwech, y maske ndikakꞌaxaj ri nibꞌij, ma ndikikꞌoxomaj ta.

San Mateo 20:15

¿Ma pa nuqꞌaꞌ ta kami riyin kꞌo chin nibꞌen rikꞌin ri numéra ri niwojoꞌ riyin? ¿O xa ndiququt awánima rat roma riyin nibꞌen utz chare jun chik? Keriꞌ xubꞌij ri rajaw samaj chare ri samajel.

Marcos 7:22

ndukanoj rukꞌexel ri achoq ikꞌin kꞌulan, ndijamem, ndubꞌen itzel teq achike chake chꞌaqa, ndichꞌakatin, ndurayij ndubꞌen ri itzel teq rayinik chin ri ru-cuerpo, itzel ndunaꞌ chare roma utz kibꞌanun chꞌaqa chik, ndubꞌilaꞌ itzel teq tzij chikij wineq, ndunimrisalaꞌ riꞌ, xetal nditajiyaj y ma jubꞌaꞌ ndunojij ri ndajin rikꞌin.

San Lucas 11:34

Ri lámpara chin ri ru-cuerpo jun wineq ja ri runaqꞌ teq ruwech. Si rikꞌin utzulej ránima jun wineq ndutzꞌet nojel, nojel ri ru-cuerpo nojneq rikꞌin luz, pero si rikꞌin ma utzulej ta ránima ndutzꞌet nojel, nojel ri ru-cuerpo kꞌo pa qꞌequꞌ.