San Mateo 5:37 - Kaqchikel Santo Domingo (Xenacoj)

³⁷ Atoq rix ndibꞌij jaꞌn, kin ta qetzij chi keriꞌ, y atoq ndibꞌij naq, kin ta qetzij chi keriꞌ, porque si ndibꞌen jurar chin keriꞌ ngixtaqix, riꞌ xa rikꞌin ri itzel pataneq wi.

နောက်ထပ်ဗားရှင်းများ

Kaqchikel Santa Maria de Jesus

³⁷ Mareꞌ nojiel ri ntiꞌej, xa tiꞌej sí o tiꞌej ni; ruma xa ntiꞌan jurar, man otz ta, ruma xa riqꞌuin ri itziel nipa-ve.

Kaqchiquel Bible

³⁷ Ronojel k'a ri ich'owen kan xaxe k'a ri qitzij; wi ja' kan jari' k'a, y wi ni kan ni k'ari'. Roma wi xa xtiben jun ya'on-tzij xa kan niq'alajin chi k'o itzel pan iwánima.

Kaqchikel Central Guatemala

³⁷ Can man jun bey c'a tiben jurar. Ronojel ri nibij, can choj c'a tibij, vi kitzij ri nibij o xa man kitzij ta. Y vi xa niben jurar, can nik'alajin c'a chi c'o itzel pan ivánima.

Re C'ac'a Testamento pa Kach'abal

³⁷ Mare' man jun bey tiban jurar. Ronojel re nibij, can choj tibij, vo xa katzij re nibij o xa man katzij-ta. Y vo xa niban jurar, can nik'alajin che ja re itzel c'o pan ivánma.

Kaqchikel Western Solola

³⁷ Ronojel ri nibij, can choj c'a tibij, wi kitzij ri nibij o xa ma kitzij ta. Can majun bey c'a tiben ta jurar, ruma ronojel ri' xa riq'ui ri itzel nipe wi.

San Mateo 5:37 ပူးပေါင်းရင်းမြစ်များ

Santiago 5:12

Nu-hermanos, pa ruwiꞌ ri nubꞌiꞌin pe chiwa, nibꞌij chuqaꞌ chiwa chi ma tibꞌen jurar atoq ngixchꞌaꞌa, xaxe tibꞌij jaꞌn atoq keriꞌ wi ri ndibꞌij, o naq atoq ma ke ta riꞌ. Ma tiyaꞌ chupan ri itzij ri kaj, ri rochꞌulew o jun chik achike, chin keriꞌ ri Dios ma nduqꞌet ta tzij pa iwiꞌ roma keriꞌ xtibꞌen.

Colosenses 4:6

Kin ta kiꞌ ndakꞌaxex ri itzij y kin ta pa rubꞌeyal ngixtzijon. Chin keriꞌ iwetaman achike tzij utz ndikusaj chin nditzolij ruwech kitzij ri kꞌo achike ndikikꞌutuj razón chiwa.

Colosenses 3:9

Ma kixreqꞌon chiwech, porque rix xiyaꞌ yan kan ri itzel kꞌaslen xikꞌuaj ojer, y chuqaꞌ xeꞌiyaꞌ yan kan rubꞌanik nojel ri itzel teq achike xeꞌibꞌanalaꞌ.

San Juan 8:44

Ri itataꞌ rix ja ri itzel. Rix, rix richin rijaꞌ, y ja ri rurayibꞌel rijaꞌ ri ndiwojoꞌ ndibꞌen. Rijaꞌ kamisanel xe jampeꞌ pa nabꞌey, y ma jumbꞌey roqan ri qetzij, porque pa ránima ma jun qetzij kꞌo. Y atoq ndireqꞌon, kin richin wi keriꞌ ndubꞌen, porque rijaꞌ reqꞌóta, y rikꞌin rijaꞌ nditzꞌukutej pe nojel ruwech aqꞌ.

Efesios 4:25

Romariꞌ, ma kixreqꞌon chik, xa kin ja ri qetzij tibꞌilaꞌ chiwech, porque roj ri qataqin ri Cristo, roj ruwachinel ruqꞌa-raqen rijaꞌ.

2 Tesalonicenses 3:3

Pero ri Ajaw kin ndubꞌen wi ri ndubꞌij. Rijaꞌ kin nduyaꞌ ruchuqꞌaꞌ ri iwánima y ngixrubꞌen cuenta, chin keriꞌ maneq ruqꞌaꞌ ri itzel chiwa.

San Mateo 13:19

Ri wineq ri ndikakꞌaxaj ri utzulej rutzijoxik ri ru-reino ri Dios y ma ndeqꞌax ta rubꞌeyal chikiwech, eꞌachel ri ulew chuchiꞌ bꞌey apeꞌ xeqaqa jujun semilla. Nduqaqa ri itzel y ndukꞌen e ri xtik pa kánima.

San Mateo 13:38

Ri ulew apeꞌ xbꞌan ri tikoꞌ ja ri rochꞌulew, ri utzulej semilla ja ri ekꞌo chuxeꞌ rutzij ri Dios ri Nimalej Rey, y ri itzel qꞌayis ja ri wineq ekꞌo chuxeꞌ rutzij ri itzel,

1 Juan 5:18

Qetaman chi konojel ri kikꞌuan chik ri kꞌaslen nduyaꞌ ri Dios, ma ndikibꞌen chi ta mak, porque ri Rukꞌajol ri Dios ndichajin kichin, y ri itzel maneq ruqꞌaꞌ chake.

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.

1 Juan 2:13

Nitzꞌibꞌaj e reꞌ chiwa rix ri achel tataꞌatz chikikajal ri kitaqin ri Cristo, porque iwetaman runoꞌoj ri Cristo ri kin xixkꞌo wi atoq kꞌajani tibꞌan ri kaj y ri rochꞌulew. Nitzꞌibꞌaj e chuqaꞌ chiwa rix ri achel akꞌolaꞌ chikikajal ri kitaqin ri Cristo, porque xixtiker yan pa ruqꞌaꞌ ri itzel.

1 Juan 3:12

Ma tiqabꞌen achel xubꞌen ri Caín ojer. Porque rijaꞌ kin chin wi ri itzel y xukamisaj ri ruchaqꞌ. Y, ¿achike roma xukamisaj? Porque ri xerubꞌanalaꞌ ri Caín pa rukꞌaslen kin itzel wi, jakꞌa ri xerubꞌanalaꞌ ri ruchaqꞌ, kin pa ruchojmil wi.

San Juan 17:15

Riyin ma nikꞌutuj ta chawa chi kaꞌawelesaj e chochꞌulew, xa kin nikꞌutuj chi kaꞌachajij chin ma ketzaq pa ruqꞌaꞌ ri itzel.

San Mateo 15:19

Porque pa ránima jun wineq kꞌo itzel teq achike ngeꞌel pe achel reꞌ: Itzel ngerunojilaꞌ, ndikamisan, ndukanoj rukꞌexel ri achoq ikꞌin kꞌulan, ndukꞌamalaꞌ qa riꞌ xa achoq na ikꞌin chin ndubꞌen mak, ndeleqꞌan, ndutzꞌuk tzij chikij wineq y ndubꞌilaꞌ itzel teq tzij chikij chꞌaqa chik.

San Mateo 5:36

Ma ndabꞌen chuqaꞌ jurar pa awiꞌ rat, porque ma ngatiker ta ndabꞌen chi jun rusmal awiꞌ ndubꞌen qa xaq o seq.

Efesios 6:16

Jun soldado ndukꞌuaj chuqaꞌ jun perepik chꞌichꞌ pa ruqꞌaꞌ ri achoq chare ndutoꞌ riꞌ chikiwech ri flechas kꞌo qꞌaqꞌ chikitzaꞌ ri ngekꞌaq chirij. Y rix rikꞌin ri chꞌaqa chik tobꞌel ndikusaj, ndikꞌatzin chuqaꞌ chi kuqul ikꞌuꞌx rikꞌin ri Dios chin nditoꞌ iwiꞌ chuwech nojel ri ndirajoꞌ ndukꞌeq ri itzel chiwij chin ngixrutzeq pa mak.