San Mateo 5:22 - Kaqchikel Santo Domingo (Xenacoj)

²² Pero riyin nibꞌij: Xa achike na ri ndikꞌuxkꞌut royowal chare jun chik, kin ndiqꞌat tzij pa ruwiꞌ chin ndiyoꞌox castigo chare, y xa achike na ri xtibꞌiꞌin nakanik chare jun chik, utz ndijach pa kiqꞌaꞌ ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, y xa achike na ri xtibꞌiꞌin tzꞌeteꞌy chi jolon chare jun wineq, kin rukꞌulun chi pa qꞌaqꞌ nderilaꞌ castigo.

နောက်ထပ်ဗားရှင်းများ

Kaqchikel Santa Maria de Jesus

²² Pero inreꞌ niꞌej: Chica-na ri nipa royoval chirij jun chic vinak, can nuꞌon ruchꞌoꞌj, y can tiꞌan juzgar. Y chica-na jeꞌ ri nuꞌej cha jun chic: Nacanic, can tucꞌuax chiquivach ri autoridades richin ri tanamet chi tiꞌan juzgar. Y chica-na ri nuꞌej cha jun vinak: Tacatic, can niꞌa chupan ri infierno, ri kꞌakꞌ ri man nichup ta.

Kaqchiquel Bible

²² Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Kaqchikel Central Guatemala

²² Jac'a yin ninbij chi stape' xaxe royoval ri nipe chire jun vinek, can nimacun-vi y tik'at tzij pa ruvi'. Chuka' ri nibin chire jun chic vinek: Manek ana'oj. Ri nibin queri', can aj-mac chuka', romari' can ruc'amon chi nuc'uex chiquivech ri achi'a' ri pa comon yek'aton tzij richin chi nik'at tzij pa ruvi'. Y jac'a ri nibin nacanic chire jun chic vinek, ri' xa can oyoben chic roma ri k'ak'.

Re C'ac'a Testamento pa Kach'abal

²² Pero yen nimbij, che xabanchique vinak astapa' xaxe nipa ruyoval cha jun chic vinak, can nimacun-va y can tiban juzgar. Chuka' re nibin cha jun chic vinak, che manak nic'atzin-va. Re nibin quire', can aj-mac chuka', mare' can ruc'amon che nic'uax chiquivach re achi'a' re pa camon ye'bano juzgar. Y jac'a re nibin nacanic cha jun chic vinak, re nibin quire' xa can yaben chic chupan re k'ak' re c'o chupan re infierno.

Kaqchikel Western Solola

²² Yac'a riyin nbij chi xabachique ri nipe royowal chare jun chic rach'alal, can aj mac wi y can utz wi chi nik'at tzij pa ruwi'. Chuka' xabachique ri nibin chare jun chic rach'alal: Majun ana'oj, nicha' chare; ri nibin queri', can aj mac wi chuka', rumari' can utz chi nuc'uex chiquiwech ri achi'a' ri pa moc (comon) yek'ato tzij riche (rixin) chi nik'at tzij pa ruwi'. Y xabachique ri nibin nacanic chare jun chic rach'alal, ri' xa can utz wi chi nibe pa k'ak'.

San Mateo 5:22 ပူးပေါင်းရင်းမြစ်များ

1 Juan 2:9

Si jun ndubꞌij chi rukꞌuan rukꞌaslen chupan ri luz riꞌ, pero xa itzel ndutzꞌet ruwech jun ru-hermano, xa kꞌa pa qꞌequꞌ kꞌo ri rukꞌaslen.

Santiago 3:6

Ri qaqꞌ achel jun qꞌaqꞌ keriꞌ, porque ri qaqꞌ kin jun kꞌisoy ruqꞌij kꞌiy achike. Rikꞌin ri qaqꞌ ngojtiker ndiqabꞌij nojel ruwech itzel teq achike. Y maske xa jun chꞌuti ruwachinel ruqꞌa-raqen ri qa-cuerpo, nduchꞌabꞌaqrisaj nojel ri qakꞌaslen, y ndikusex roma ri itzel ri rajawal ri infierno chin ndiqakꞌis kiqꞌij wineq y chin chuqaꞌ ndikꞌis ruqꞌij ri qakꞌaslen roj.

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

San Mateo 10:28

Ma tixibꞌij iwiꞌ chikiwech ri xaxe ok ri i-cuerpo ngetiker ndikikamisaj, pero ri iwánima ma ngetiker ta ndikikamisaj. Rix más utz tixibꞌij iwiꞌ chuwech ri Dios ri nditiker nduteq ri iwánima y ri i-cuerpo pa qꞌaqꞌ.

San Mateo 18:35

Y achel xubꞌen ri ajaw riꞌ chare ri rusamajel, keriꞌ chuqaꞌ xtubꞌen ri Nataꞌ kꞌo chikaj chiwa rix, si chiꞌijununal ma xtikuy ta jun hermano rikꞌin nojel iwánima. Keriꞌ xubꞌij ri Jesús.

1 Pedro 3:9

Ma titzolij rukꞌexel ri itzel ndibꞌan chiwa, nixta titzolij rukꞌexel ri mal teq tzij ndibꞌix chiwa. Pa rukꞌexel riꞌ, tikꞌutuj chare ri Dios chi tuyaꞌ ru-favor pa kiwiꞌ ri ngebꞌanun keriꞌ chiwa. Porque ri Dios rix royon chin nduyaꞌ ru-favor pa iwiꞌ.

Romanos 12:10

Rix ichaqꞌ-inimal iwiꞌ roma itaqin ri Cristo, romariꞌ tiwojoꞌ iwiꞌ chiwech rikꞌin nojel iwánima, y tinaꞌ iwiꞌ chiꞌijununal chi más jubꞌaꞌ ok iqꞌij ke chikiwech ri ichaqꞌ-inimal iwiꞌ kikꞌin.

1 Pedro 2:23

Atoq xebꞌix mal teq tzij chare, ma xutzolij ta rukꞌexel, y atoq xyoꞌox pa kꞌayew, ma xubꞌij ta chi ndutzolij rukꞌexel. Rijaꞌ xa kin xujech riꞌ pa ruqꞌaꞌ ri Dios ri pa ruchojmil nduqꞌet tzij pa kiwiꞌ ri wineq.

San Mateo 18:21

Ri Simón Pedro xjel apu apeꞌ kꞌo ri Jesús y xubꞌij chare: Ajaw, ¿jarupeꞌ mul nikuy jun hermano ri ndubꞌen jun itzel chuwa? ¿La wuquꞌ kami mul?

Judas 1:9

Pero nixta ri arcángel Miguel atoq ndikichuquchaꞌ kiꞌ chi tzij rikꞌin ri itzel pa ruwiꞌ ru-cuerpo ri Moisés, ma jun mal tzij xubꞌij chirij ri itzel, xaxe xubꞌij chare: Ja ri Ajaw pa awiꞌ.

1 Juan 3:10

Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.

Hechos 17:18

Chiriꞌ pa tinamit Atenas ekꞌo kaꞌiꞌ bꞌotzaj wineq ndikikusaj aj rochꞌulew noꞌoj chin ngenojin, jun bꞌotzaj ndibꞌix epicúreos chake y ri jun chik bꞌotzaj ndibꞌix estoicos chake. Rejeꞌ ngetzijon rikꞌin ri Pablo, y jujun chikikajal ndikibꞌij chirij: ¿Achike ndirajoꞌ ndubꞌij re jun achi reꞌ, ri xetal ndiwalal? ngechajeꞌ. Y jujun chik ndikibꞌilaꞌ: Achel xa jun yoꞌol kitzijol chꞌaqa chik dioses ri ma qetaman ta kiwech roj, ngechajeꞌ. Keriꞌ ndikibꞌij, porque ri Pablo ndutzijoj ri utzulej teq tzij chin kolotajik ri nduyaꞌ ri Jesús, y ndutzijoj chuqaꞌ chi ri animaꞌiꞌ ngekꞌastajbꞌex pe.

1 Tesalonicenses 4:6

Man ta jun chiꞌikajal ndel e chupan ri utz chuwech ri Dios y ndirewaj ruwech jun hermano chin ndukꞌuaj qa riꞌ rikꞌin ri rixjayil ri hermano riꞌ. Porque ri Ajaw kin nduyaꞌ rukꞌexel chare ri keriꞌ ndibꞌanun, kin achel qabꞌiꞌin chi kan chiwa.

Marcos 14:55

Ri sacerdotes israelitas más kꞌo ruchuqꞌaꞌ kitzij, y konojel ri achiꞌaꞌ israelitas kꞌo uchuqꞌaꞌ pa kiqꞌaꞌ, ndikikanolaꞌ jun roma ndikiteq pa kamik ri Jesús, pero nixta jun achike xkil chirij.

San Mateo 26:59

Ri sacerdotes israelitas más kꞌo ruchuqꞌaꞌ kitzij, y konojel ri achiꞌaꞌ israelitas kꞌo uchuqꞌaꞌ pa kiqꞌaꞌ, ndikikanolaꞌ jun aqꞌ chirij ri Jesús chin ndikiteq pa kamik.

San Juan 11:47

Romariꞌ, ri sacerdotes israelitas más kꞌo ruchuqꞌaꞌ kitzij y ri fariseos xekimal ri chꞌaqa chik achiꞌaꞌ israelitas kꞌo uchuqꞌaꞌ pa kiqꞌaꞌ, y kereꞌ xkibꞌij chake: ¿Achike kꞌa ndiqabꞌen? Porque ri jun achi riꞌ, kꞌiy nimalej teq etal ngerubꞌanalaꞌ.

Apocalipsis 20:14

Ri kamik y ri lugar apeꞌ xkꞌojeꞌ kánima ri animaꞌiꞌ, xetorix qa chupan ri qꞌaqꞌ ri ndiraqa rikꞌin azufre. Ri qꞌaqꞌ riꞌ, jariꞌ ri rukan kamik.

Hechos 7:37

Ja Moisés reꞌ ri kereꞌ xubꞌij chake ri qawinaqul israelitas: Ri Dios nduyek jun chik profeta chiꞌikajal achel xubꞌen chuwa riyin, xchajeꞌ.

San Lucas 12:5

Riyin nibꞌij chiwa achoq chuwech ndikꞌatzin ndixibꞌij iwiꞌ: Tixibꞌij iwiꞌ chuwech ri Dios, porque rijaꞌ atoq xukꞌen yan e ri ikꞌaslen, kꞌo chuqaꞌ uchuqꞌaꞌ pa ruqꞌaꞌ chin ngixruteq pa qꞌaqꞌ. Jaꞌn, kin chuwech rijaꞌ tixibꞌij iwiꞌ.

San Mateo 5:44

Pero riyin nibꞌij chiwa: Keꞌiwojoꞌ ri ngebꞌanun oyowal chiwa, y tibꞌanaꞌ orar koma ri ngixkitzeqlebꞌej chin ndikibꞌen itzel chiwa,

San Mateo 5:34

Pero riyin nibꞌij chiwa: Ma jun tibꞌen jurar, ma tikusaj ri kaj chin ndibꞌen jurar, porque jariꞌ ru-trono ri Dios,

San Mateo 3:17

Y xakꞌaxex jun chꞌabꞌel pataneq chikaj ri kereꞌ xubꞌij: Jareꞌ ri Nukꞌajol, y tzꞌan niwojoꞌ. Riyin santienta ngikikot roma rijaꞌ, xchajeꞌ.

1 Juan 5:16

Si jun ndutzꞌet jun ru-hermano ndajin rikꞌin mak, pero ri mak riꞌ ma ndukꞌuan ta pa kamik, tukꞌutuj chare ri Dios roma, y ri Dios nduchojmirisaj rukꞌaslen ri jun ri ndajin rikꞌin mak. Pero kꞌo mak ri ndukꞌuan pa kamik, y pa kiwiꞌ ri ngetajin rikꞌin ri mak riꞌ, ma nibꞌij ta chiwa chi tikꞌutuj koma.

Santiago 2:20

Rat xa rat achel jun wineq ri maneq runoꞌoj keriꞌ. Takꞌoxomaj kꞌa chi ma jun utz ndukꞌen pe chawa si xaxe ok ndabꞌij chi ataqin ri Ajaw, y ma ndabꞌen ta ri utz chake chꞌaqa chik.

Hebreos 12:25

Romariꞌ, tibꞌanaꞌ cuenta iwiꞌ chi ma tiyaꞌ kan roꞌiwacheq chuwech ri Dios ri ndipixabꞌan iwichin, porque si ri ojer teq qatit-qamamaꞌ ma xkikal ta kiꞌ chuwech ri castigo, roma xkiyaꞌ kan rokacheq chuwech ri Dios atoq xepixabꞌex roma ri Moisés, pior kꞌa roj riꞌ, ma ngojkolotej ta si xtiqayaꞌ kan roqacheq chuwech ri Dios ri ndipixabꞌan pe qichin chikaj.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

1 Corintios 6:10

ri ngebꞌanun eleqꞌ, ri ngejamem chirij méra, ri qꞌabꞌarelaꞌ, ri ngebꞌiꞌin itzel teq tzij chikij chꞌaqa chik, y ri wineq ri rikꞌin chꞌakatinik ndikelesaj méra chikiqꞌaꞌ wineq, konojel rejeꞌ ma ngeꞌok ta pa ru-reino ri Dios.

1 Corintios 6:6

Pero chiꞌikajal rix ekꞌo hermanos ri ma xe ta ndikibꞌen oyowal, xa ndikikꞌuaj ri oyowal riꞌ chikiwech qꞌatoy tzij ri ma kitaqin ta ri Cristo.

Hechos 5:27

Y xekikꞌen pe chikiwech ri achiꞌaꞌ israelitas kꞌo uchuqꞌaꞌ pa kiqꞌaꞌ; y ri más nimalej ruqꞌij sacerdote kereꞌ xubꞌij chake:

San Juan 15:25

Pero rejeꞌ itzel nginikitzꞌet, chin ndibꞌanatej ri tzꞌibꞌan kan chupan ri ley yoꞌon kan chake, ri kereꞌ ndubꞌij: Ma jun roma itzel xinikitzꞌet. Keriꞌ ndubꞌij ri tzꞌibꞌan kan.

San Juan 8:48

Ri israelitas xkibꞌij chare ri Jesús: Qetzij wi ri ndiqabꞌij chi xa rat aj rochꞌulew Samaria y kꞌo itzel espíritu pa akꞌaslen.

San Juan 7:20

Ri wineq xkibꞌij chare ri Jesús: Rat xa kꞌo itzel espíritu pa akꞌaslen. ¿Achike kꞌa ndirajoꞌ ndikamisan awichin?

Marcos 15:1

Y xe xseqresan pe, xkimal kiꞌ ri sacerdotes israelitas más kꞌo ruchuqꞌaꞌ kitzij, ri intéra teq achiꞌaꞌ kꞌo kiqꞌij, ri tijonelaꞌ chin ri ley xyoꞌox chare ri Moisés, y konojel ri chꞌaqa chik achiꞌaꞌ israelitas kꞌo uchuqꞌaꞌ pa kiqꞌaꞌ. Atoq xkibꞌij yan chikiwech achike ri ndikibꞌen chare ri Jesús, xkiyut, xkikꞌuaj y xbꞌekijachaꞌ pa ruqꞌaꞌ ri Pilato.

San Mateo 25:41

Jakꞌa chake ri ekꞌo pa nuxakan nibꞌij: Kixel e chinuwech rix ri bꞌiꞌin chik pa iwiꞌ chi ngixbꞌeqaqa chupan ri qꞌaqꞌ ri ma ndichup ta, ri bꞌanun chin ndeyoꞌox ri itzel y ri ru-ángeles.

San Mateo 23:33

¡Rix kin machꞌikilik inoꞌoj, kin rix achel kumetz keriꞌ! ¿Pa itzij rix ndikal iwiꞌ chuwech ri qꞌaqꞌ, ri castigo ri nduyaꞌ ri Dios?

San Mateo 23:15

¡Juyo iwech rix tijonelaꞌ chin ri ley y rix fariseos, ri xa kaꞌiꞌ ipalej! Porque ngeꞌiqꞌasalaꞌ mar y rochꞌulew chin ndiqasaj kijolon ri wineq chin ngixkitaqij y ngixkoqaj, y atoq iqasan chik rujolon jun, ndibꞌen chare chi kaꞌiꞌ mul más itzel rukꞌaslen ke chiwech rix, y romariꞌ rukꞌulun chi ndibꞌa pa qꞌaqꞌ.

San Mateo 17:5

Y atoq ri Pedro kꞌaja ndajin chubꞌixik reꞌ, kꞌateꞌ ruwech xekꞌis chupan jun nube santienta ndiyikꞌan, y pa nube xakꞌaxex jun chꞌabꞌel ri kereꞌ xubꞌij: Jareꞌ ri Nukꞌajol. Riyin tzꞌan niwojoꞌ, y santienta ngikikot roma rijaꞌ. Ja rijaꞌ ri tinimaj rutzij, xchajeꞌ.

San Mateo 12:24

Pero atoq ri fariseos xkakꞌaxaj ri ndikibꞌilaꞌ ri wineq, kereꞌ xkibꞌij: La jun achi laꞌ ngerelesaj itzel teq espíritu pa kikꞌaslen ri wineq, porque ukꞌuan roma ri Beelzebú ri kajawal ri itzel teq espíritu.

San Mateo 10:17

Rix tibꞌanaꞌ cuenta iwiꞌ chikiwech ri wineq, porque ngixbꞌekijachaꞌ pa kiqꞌaꞌ ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, y pa teq ki-sinagogas ngixkiraq.

San Lucas 22:66

Atoq xseqresan pe, xkimal kiꞌ ri intéra teq achiꞌaꞌ kꞌo kiqꞌij chikiwech ri tinamit, ri sacerdotes israelitas más kꞌo ruchuqꞌaꞌ kitzij y ri tijonelaꞌ chin ri ley xyoꞌox chare ri Moisés. Xkikꞌuaj ri Jesús apeꞌ ndikimal kiꞌ kikꞌin ri chꞌaqa chik achiꞌaꞌ israelitas kꞌo uchuqꞌaꞌ pa kiqꞌaꞌ.

Hechos 4:15

Ja atoq riꞌ xkibꞌen mandar chi keꞌelesex e ri Pedro y ri Juan, chin keriꞌ kiyon ngekanej kan y ndikikanoj ri achike ndikibꞌen chake.

Hechos 5:21

Atoq xseqresan pe, ri apóstoles xeꞌok pa rachoch ri Dios achel xubꞌij ri ángel chake, y ngekitijoj ri wineq chiriꞌ. Jukꞌan chik apeꞌ, ri más nimalej ruqꞌij sacerdote y ri kachibꞌilan, xekoyoj ri chꞌaqa chik achiꞌaꞌ israelitas ri junan kikꞌin rejeꞌ kꞌo uchuqꞌaꞌ pa kiqꞌaꞌ. Ri chꞌaqa chik ri xeꞌoyox, ja ri intéra teq achiꞌaꞌ kꞌo kiqꞌij chikiwech ri tinamit. Y atoq kimolon chik kiꞌ, xkibꞌen mandar chi kekꞌamer pe ri apóstoles ri pa kitzij rejeꞌ kꞌa etzꞌapel pa cheꞌ.

Hechos 6:12

Y xekiyek ri intéra teq achiꞌaꞌ kꞌo kiqꞌij, ri tijonelaꞌ chin ri ley xyoꞌox chare ri Moisés y ri wineq chin ri tinamit. Kꞌateꞌ ruwech xkitzꞌen ri Esteban y xkikꞌuaj chikiwech ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ.

Hechos 6:15

Ri achiꞌaꞌ israelitas kꞌo uchuqꞌaꞌ pa kiqꞌaꞌ y konojel ri etzꞌuyul apu kikꞌin, xkichꞌik kiwech chirij ri Esteban, y xkitzꞌet chi achel ruwech jun ángel nditzuꞌun.

Hechos 22:30

Chukan qꞌij, ri ukꞌuey kibꞌey soldados ri más nim ruqꞌij, xrajoꞌ xretamaj ri sujunik ndikiyaꞌ ri israelitas chirij ri Pablo. Romariꞌ xubꞌen mandar chi keꞌoyox ri sacerdotes israelitas más kꞌo ruchuqꞌaꞌ kitzij y ri chꞌaqa chik achiꞌaꞌ israelitas kꞌo uchuqꞌaꞌ pa kiqꞌaꞌ, y xubꞌen mandar chi tesoqꞌopix pe ri Pablo y xupabꞌaꞌ chikiwech.

Hechos 23:1

Ja atoq riꞌ ri Pablo xuchꞌik ruwech chikij ri achiꞌaꞌ israelitas kꞌo uchuqꞌaꞌ pa kiqꞌaꞌ y kereꞌ xubꞌij chake: Achiꞌaꞌ teq nuwinaqul, nojel nukꞌaslen nutijon nuqꞌij nibꞌen ri ndubꞌij ri qa-Dios, y ninaꞌ chi ma jun achike nubꞌanun ri xajan ta chuwech rijaꞌ.

Hechos 24:20

Y si ma ekꞌo ta pe, tikibꞌij kꞌa ri ekꞌo pe chireꞌ achike numak xkil atoq xinukꞌuꞌex chuwech ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ.