San Mateo 26:56 - Kaqchikel Santo Domingo (Xenacoj)

⁵⁶ Pero nojel reꞌ xbꞌanatej, chin ndibꞌanatej ri kitzꞌibꞌan kan ri profetas chupan ri rutzij ri Dios, xchajeꞌ ri Jesús. Ja atoq riꞌ konojel ri discípulos xeꞌanimej, y xkiyaꞌ kan ruyon ri Jesús.

နောက်ထပ်ဗားရှင်းများ

Kaqchikel Santa Maria de Jesus

⁵⁶ Pero nojiel reꞌ nibꞌanataj, richin nuꞌon cumplir ri tzꞌibꞌan can chupan ri ruchꞌabꞌal ri Dios cuma ri profetas ri xaꞌcꞌujieꞌ ojier can tiempo. Y quinojiel ri discípulos xquiyaꞌ can ruyuon ri Jesús y xaꞌnumaj-el.

Kaqchiquel Bible

⁵⁶ Jak'a ronojel re nibanatej wakami, xa kan richin k'a chi nibanatej ri tz'ibatel kan chupan ri ruch'abel ri Dios koma ri xeq'alajirisan ruch'abel, xcha'. Y kan jari' k'a toq ri e rutijoxela' ri Jesús xkiya' kan ruyon y xe'animej.

Kaqchikel Central Guatemala

⁵⁶ Ronojel c'a re nibanatej vacami, xa can richin c'a chi nibanatej-vi ri tz'ibatel can chupan ri ruch'abel ri Dios coma ri achi'a' ri xek'alajirisan ri ruch'abel ojer can. Y can ja vi c'a ri' tok ri e rutijoxela' ri Jesús, xquiya' can ruyon y xe'anmej.

Re C'ac'a Testamento pa Kach'abal

⁵⁶ Ronojel re nibanataj vocame, xa can chin c'a che no'rbana' cumplir re je'tz'iban can chupan re ruch'abal re Dios coma re rusamajela' re Dios re xe'c'ue' ajuer can, re xbex profetas chique. Y can jare' tak yoj re yoj ru-discípulos xkaya' can rion re Jesús y xojnumaj.

Kaqchikel Western Solola

⁵⁶ Ronojel c'a re nibanatej wacami, xa can riche (rixin) chi can nibanatej wi ri tz'ibatal ca chupan ri ruch'abel ri Dios cuma ri profetas ri xek'alajsan ri ruch'abel ojer ca. Y can yac'ari' tek ri ye rudiscípulos ri Jesús, xquiya' ca ruyon y xe'anmej el.

San Mateo 26:56 ပူးပေါင်းရင်းမြစ်များ

San Juan 16:32

Yin nibꞌij chiwa chi ja nduqaqa ri hora, y yaméra nduqaqa, atoq nditalux e iwech, ngixtzolij pa teq ibꞌey y nginiyaꞌ kan nuyon. Pero riyin ma nuyon ta yinkꞌo, porque ri Tataꞌaj Dios kꞌo wikꞌin.

San Mateo 26:31

Ja atoq riꞌ ri Jesús xubꞌij chake: Chupan re jun aqꞌaꞌ reꞌ, rix iwonojel kin xtiwil jun roma chin nginiyaꞌ kan, porque ri Dios kereꞌ rubꞌiꞌin kan chupan ri rutzij tzꞌibꞌan kan: Niyaꞌ qꞌij chi ndikamisex ri Yuqꞌunel, y ri bꞌotzaj karneꞌl nditalux e kiwech. Keriꞌ tzꞌibꞌan kan.

San Mateo 26:54

Pero si keriꞌ xtinbꞌen, ma ndibꞌanatej ta ri ndubꞌij rutzij ri Dios chi ndikꞌatzin niqꞌasaj kereꞌ.

2 Timoteo 4:16

Atoq nabꞌey mul xinukꞌuꞌex pa qꞌatbꞌel tzij, nixta jun xkꞌojeꞌ wikꞌin chin xirutoꞌ, xa konojel xinkiyaꞌ kan nuyon. Y riyin ma niwojoꞌ ta chi ri Dios xtubꞌen rukꞌexel chake roma ri ma xinkitoꞌ ta.

Hechos 1:16

Hermanos nuwinaqul, kin xkꞌatzin wi chi xbꞌanatej ri tzꞌibꞌan kan chupan ri rutzij ri Dios ri xuyaꞌ ri Espíritu Santo pa ruchiꞌ ri rey David ojer pa ruwiꞌ ri achike xubꞌen ri Judas Iscariote, ri xok ukꞌuey kibꞌey ri wineq ri xetzꞌamo e ri Jesús.

San Mateo 26:24

Kin qetzij chi riyin ri aj chikaj ri xinuꞌalex chiꞌikajal ngiken wi e, achel tzꞌibꞌan kan chupan ri rutzij ri Dios pa nuwiꞌ, pero ¡juyo ruwech ri achi ri ndijacho e wichin! Xa más ta utz chare ri jun achi riꞌ man ta xalex.

Hechos 2:23

Y ri Jesús xjach pa kiqꞌaꞌ ma israelitas ta ri maneq Dios pa kiwech, kin achel runojin pe ri Dios chi ndibꞌanatej, y ja rix ri xixyoꞌon tzij pa kixikin ri wineq riꞌ chin xkikamisaj ri Jesús cho cruz.

San Mateo 21:42

Ri Jesús xubꞌij chake: Riyin nibꞌij chi ibꞌanun leer ri tzꞌibꞌan kan chupan ri rutzij ri Dios, ri kereꞌ ndubꞌij: Ri abꞌej ri pa kiwech ri bꞌanuy teq jay ma jun rikꞌaꞌtz chin ta xkikusaj, Ja abꞌej riꞌ, ri xkꞌatzin chin xok ruchuqꞌaꞌ ruxeꞌ ri jay. Re samaj reꞌ, ja ri Ajaw bꞌanayon, Y pa qawech roj, kin jabꞌel wi. Keriꞌ tzꞌibꞌan kan.