San Mateo 26:28 - Kaqchikel Santo Domingo (Xenacoj)

²⁸ Jareꞌ ri nukikꞌel ri ndibꞌiyin koma santienta wineq chin ndikuyutej kimak. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

နောက်ထပ်ဗားရှင်းများ

Kaqchikel Santa Maria de Jesus

²⁸ Ruma jareꞌ ri nuquiqꞌuiel ri xtiꞌin antok xquiquimisas pa qui-cuenta iqꞌuiy vinak, chi quireꞌ iqꞌuiy ri xtiꞌan perdonar ri qui-pecados. Riqꞌuin ri nuquiqꞌuiel, ja xticꞌachoj ri cꞌacꞌacꞌ pacto ri rajoꞌn-pa ri Dios chi nuꞌon quiqꞌuin ri vinak.

Kaqchiquel Bible

²⁸ Re vino re ninq'ej wakami, nuk'exewachuj ri k'ak'a' jikibel-tzij, y re' nijikibex rik'in ri nukik'el ri niq'ejq'o'. Y ri nukik'el xtibiyin iwoma rix, richin nikuyutej ri imak.

Kaqchikel Central Guatemala

²⁸ Roma jare' ri nuquiq'uel ri xtibiyin tok xquiquen (xquicom). Can xtibiyin-vi c'a ri nuquiq'uel, richin chi e q'uiy c'a ri nicuyutej ri quimac. Riq'uin re nuquiq'uel, can jac'are' xc'achoj ri c'ac'a' trato ri rajovan-pe ri Dios chi nuben quiq'uin ri vinek.

Re C'ac'a Testamento pa Kach'abal

²⁸ Roma jare' re nuq'uiq'uel re xtibiyin tak xquincom. Can xtibiyin c'a re nuq'uiq'uel, chin che je q'uiy vinak nicuyutaj re quimac. Riq'uin re nuq'uiq'uel, can jare' xc'achoj re c'ac'a trato re rujovam-pa re Dios che nuban quiq'uin re vinak.

Kaqchikel Western Solola

²⁸ Ruma yac'are' ri nuquiq'uel ri xtibiyin tek xquicamisex. Riq'ui c'a ri xtibiyin ri nuquiq'uel, can yac'ari' tek xtic'achoj ri c'ac'ac' trato ri rajowan pe ri Dios chi nuben quiq'ui ri winek, riche (rixin) chi ye q'uiy winek c'a ri nicuyutej ri quimac.

San Mateo 26:28 ပူးပေါင်းရင်းမြစ်များ

San Mateo 20:28

Achel riyin ri aj chikaj ri xinuꞌalex chiꞌikajal, ma chin ta nginilix xinuqaqa. Riyin xinuqaqa chin ngenwilij ri wineq, y niyaꞌ nukꞌaslen pa kikꞌexel ekꞌiy chin ngekolotej.

Apocalipsis 7:14

Y riyin xinbꞌij chare: Táta, rat etamayon. Y rijaꞌ xubꞌij chuwa: Rejeꞌ ja ri eꞌeleneq pe chupan ri nimalej kꞌayew y kichꞌajchꞌojrisan pe kiꞌ chupan rukikꞌel ri Alaj Karneꞌl, achel ndubꞌen jun ri nduchꞌej rutziaq y kin puchupuj ndubꞌen chare.

1 Corintios 11:25

Atoq xewaꞌ yan, xutzꞌen chuqaꞌ ri copa chin ri Pascua y xubꞌij: Ri vino kꞌo chupan re copa reꞌ, jareꞌ ri nukikꞌel ri ndibꞌiyin cho cruz, rajel ri nitaj riyin chin nditzꞌukutej e ri kꞌakꞌakꞌ pacto ndubꞌen ri Dios kikꞌin ri wineq, y nojel teq mul xtitij, tibꞌanaꞌ chin ndikꞌuxlaꞌaj chi xiken iwoma, xchajeꞌ ri Ajaw.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.

Efesios 1:7

Y roma xbꞌiyin ri rukikꞌel ri Rukꞌajol, xojrelesaj pa ruqꞌaꞌ ri tzꞌamayon qichin y xukuy qamak, chin keriꞌ ndiqꞌalajin chi ri favor ruyoꞌon pa qawiꞌ kin nimalej bꞌeyomal.

Colosenses 1:14

Y rikꞌin ri kamik xuqꞌasaj ri Rukꞌajol, xojrulaqꞌ chin xojrukal pa ruqꞌaꞌ ri tzꞌamayon qichin jumbꞌey kan y xukuy chuqaꞌ ri qamak.

San Lucas 22:19

Y xutzꞌen chuqaꞌ ri kaxlan wey y atoq rumatioxin chik chare ri Dios, xuper, xuyaꞌ chake y xubꞌij: Jareꞌ ri nu-cuerpo ri ndijach pa kamik chin ndukꞌen pe utz chiwa. Tikꞌuxuꞌ y kereꞌ tibꞌanaꞌ chin ndikꞌuxlaꞌaj chi xiken iwoma.

Colosenses 1:20

Y xqaꞌ chuwech ri Dios chi roma ri xubꞌen ri Cristo, xukꞌen chi apu kiwech ri ekꞌo chochꞌulew y ri ekꞌo chikaj, porque xrelesaj ri mak ri jachayon ruwech rijaꞌ kikꞌin rejeꞌ. Y xrelesaj ri mak roma xbꞌiyin rukikꞌel ri Cristo cho cruz.

Romanos 5:19

Porque si jun achi ri ma xniman ta chuwech ri Dios xubꞌen chaqe chi roj qonojel xojok aj mak, keriꞌ chuqaꞌ roma ri Jun ri xniman chuwech ri Dios, roj kꞌiy ndibꞌan chaqe chi nixta jun qamak ndiqeqalej chuwech ri Dios.

Marcos 14:24

Y xubꞌij chake: Jareꞌ ri nukikꞌel ri ndibꞌiyin koma santienta wineq. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

Apocalipsis 7:9

Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.

Romanos 5:15

Pero jun wi ndukꞌen pe ri kolotajik ndusipaj ri Dios y jun wi ndukꞌen pe ri mak xubꞌen ri Adán, porque ri rumak ri Adán, xukꞌen pe ri kamik pa qawiꞌ roj qonojel wineq, pero kin más wi nim reqalen ri ru-favor ri Dios y ri sipanik ri xuyaꞌ ri Jesucristo chaqe roj kꞌiy.

Marcos 1:4

Ri Juan ri Bautista xutzꞌen rutzijoxik rutzij ri Dios pa chaqiꞌj y tzꞌiran ulew, y ndubꞌij chake ri wineq chi tikiyaꞌ kan ri mak, titzolij pe kánima rikꞌin ri Dios, y tikibꞌanaꞌ bautizar kiꞌ, chin keriꞌ ri Dios ndukuy kimak.

San Mateo 6:12

Takuyuꞌ ok ri mak qabꞌanun, Achel roj chuqaꞌ eqakuyun Ri kꞌo itzel kibꞌanun chaqe.

San Mateo 26:27

Y xutzꞌen chuqaꞌ ri copa chin ri Pascua, y atoq rumatioxin chik chare ri Dios, xuyaꞌ chake, y xubꞌij: Titijaꞌ rix iwonojel ri kꞌo chupan re copa reꞌ.

San Mateo 26:29

Y nibꞌij chiwa chi ma nitij chi ta ruyiꞌal ri uva, hasta terilaꞌ na ri qꞌij atoq junan iwikꞌin ndiqatij jun kꞌakꞌakꞌ ruyiꞌal uva pa ru-reino ri Nataꞌ Dios.

San Lucas 22:20

Atoq xewaꞌ yan, xutzꞌen chuqaꞌ ri copa chin ri Pascua, y xubꞌij: Ri vino kꞌo chupan re copa reꞌ, jareꞌ ri nukikꞌel ri ndibꞌiyin cho cruz chin kꞌo utz ndukꞌen pe chiwa. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ndubꞌen ri Dios kikꞌin ri wineq.

Hebreos 10:29

Si keriꞌ ndibꞌan, tinojij na kꞌa janipeꞌ más castigo rukꞌulun ndiyoꞌox chare ri ma jun reqalen ndubꞌen chare ri Rukꞌajol ri Dios y ma jun reqalen ndubꞌen chare ri kikꞌ chin ri kꞌakꞌakꞌ pacto ri achoq chare xchꞌajchꞌojrisex ri rukꞌaslen, y ndichꞌaꞌa chuqaꞌ chirij ri Espíritu Santo ri ruyoꞌon ri ru-favor pa ruwiꞌ.