San Mateo 25:9 - Kaqchikel Santo Domingo (Xenacoj)

⁹ Pero ri woꞌoꞌ qꞌopojiꞌ ri ngenojin utz-utz xkibꞌij chake: Más utz kixbꞌiyin apeꞌ ndikꞌayix aceite y teꞌiloqꞌoꞌ iwichin rix, ma kꞌateꞌ roma ndiqayaꞌ ri qaceite chiwa, ma xqojrubꞌen ta roj y nixta rix.

နောက်ထပ်ဗားရှင်းများ

Kaqchikel Santa Maria de Jesus

⁹ Pero ri ivuꞌuoꞌ chic xtaniꞌ ri can cꞌo quinoꞌj, xquiꞌej: Xa nakayaꞌ ri ka-aceite chiva, man xkuruꞌon ta ojreꞌ ni ixreꞌ. Rumareꞌ más otz quixꞌin quiqꞌuin ri ncaꞌcꞌayin y tilakꞌoꞌ ivichin ixreꞌ, xaꞌchaꞌ.

Kaqchiquel Bible

⁹ Jak'a ri wo'o' chik xtani' e nowineq xkibij: Man ruk'amon ta chi niqaya' chiwe, roma wi roj niqaya' chiwe, rik'in juba' k'a k'o na ri nik'atzin chiqe, y keri' chuqa' rix. Más utz kixbiyin chuloq'ik, xecha'.

Kaqchikel Central Guatemala

⁹ Jac'a ri vo'o' chic xtani' ri can c'o-vi quina'oj, xquibij c'a: Ri ruc'amon chi niben rix vacami ja ri te'ilok'o' aceite quiq'uin ri c'ayinela', roma vi roj nikaya' ri aceite chive, riq'uin juba' c'a c'o na ri nic'atzin chike, y que chuka' ri' rix. Romari' ri más utz niben ja ri quixbiyin chulok'ic aceite, xecha'.

Re C'ac'a Testamento pa Kach'abal

⁹ Pero re je vo'o' chic k'apoji' re c'o quina'oj, xquibij: Re otz che niban yex vocame ja che quixbiyin chulok'ic quiq'uin re ye'c'ayin aceite, roma vo xa xtakaya' aceite chiva, riq'uin ba' c'a c'o xto'rbana' falta chaka yoj, y quire' chuka' yex. Mare' re más otz che niban yex ja che quixbiyin chulok'ic aceite.

Kaqchikel Western Solola

⁹ Yec'a ri wu'o' chic k'opoji' ri can c'o wi quina'oj, xquibij c'a: Ri utz chi niben riyix wacami jix jilok'o' ri aceite quiq'ui ri yec'ayin, ruma wi riyoj nikaya' ri kaceite chiwe, ma xkojruben ta riyoj, y queri' chuka' riyix, xecha'.

San Mateo 25:9 ပူးပေါင်းရင်းမြစ်များ

Hechos 8:22

Tayaꞌ kan ri itzel noꞌoj ngatajin rikꞌin, takꞌutuj akamelal chare ri Dios. Kolopeꞌ rijaꞌ ndujoyowaj awech, y ngarukuy rikꞌin ri itzel ndanojij.

San Mateo 7:24

Romariꞌ, ri ndirakꞌaxaj ri tzij ngitajin chubꞌixik y ndubꞌen pa rukꞌaslen, nijunumaj rikꞌin jun achi ri kin ndikaney runoꞌoj. Ri achi riꞌ nej xukꞌat qa ri ulew chin xubꞌen qa ruxeꞌ ri rachoch pa xeq ulew.

San Mateo 10:16

Wokami ngixinteq achel karneꞌl chikikajal wineq ri eꞌachel salilej teq utiwaꞌ, ri kin xtiyakatej koyowal chiwij. Romariꞌ kꞌes inoꞌoj tibꞌanaꞌ, achel kumetz ri ndikijekꞌ kiꞌ atoq ndikinabꞌej chi ndibꞌan jun achike chake, y achel palomas ri maneq itzel ndikibꞌen.

San Mateo 25:2

Ewoꞌoꞌ chikikajal ri qꞌopojiꞌ ndikinojij utz-utz ri ndikibꞌen y ewoꞌoꞌ ri ma ndikinojij ta utz-utz ri ndikibꞌen.

San Mateo 25:8

Ri ewoꞌoꞌ qꞌopojiꞌ ri ma ngenojin ta utz-utz, xkibꞌij chake ri chꞌaqa chik qꞌopojiꞌ: Tiyaꞌ jubꞌaꞌ iwaceite chaqe porque ri qa-lámparas ja ngechupeꞌ qa.