San Mateo 25:41 - Kaqchikel Santo Domingo (Xenacoj)

⁴¹ Jakꞌa chake ri ekꞌo pa nuxakan nibꞌij: Kixel e chinuwech rix ri bꞌiꞌin chik pa iwiꞌ chi ngixbꞌeqaqa chupan ri qꞌaqꞌ ri ma ndichup ta, ri bꞌanun chin ndeyoꞌox ri itzel y ri ru-ángeles.

နောက်ထပ်ဗားရှင်းများ

Kaqchikel Santa Maria de Jesus

⁴¹ Y xtuꞌej jeꞌ ri Rey chica ri icꞌo pa ru-izquierda: Ixreꞌ malditos, quixiel-el chinoch y quixꞌin cꞌa pa kꞌakꞌ ri man nichup ta, ri bꞌanun preparar richin ri diablo y ri ru-ángeles.

Kaqchiquel Bible

⁴¹ Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

Kaqchikel Central Guatemala

⁴¹ Y jac'a chuka' ri' tok ri Rey xtubij chique ri ec'o pa rajxocon (izquierda): Rix xa ruc'ayeval chic ri ivoyoben chi nika' pan ivi'. Quixel c'a el chinuvech y quixbiyin pa k'ak' ri man jun bey xtichup, y xa richin ri itzel-vinek y ri ru-ángeles tok banon.

Re C'ac'a Testamento pa Kach'abal

⁴¹ Y can jac'a chuka' re' tak xtimbij chique re jec'o pa nuxocon: Yex xa can ja chic c'a re castigo iyaben che nika pan ive'. Quixel-a chinoch vova' y quixbiyin pa k'ak' re man jun bey xtichup, y re' xa richin re itzel y re ru-ángeles tak banon.

Kaqchikel Western Solola

⁴¹ Y yac'a chuka' ri' tek ri Rey xtubij chique ri yec'o pa rajxocon: Riyix ri xa can c'o chic chi nika ri ruc'ayewal pan iwi', quixel c'a el chinuwech. Wacami xa xquixbe pa k'ak' ri majun bey xtichuptej ta riche (rixin) xtibe k'ij xtibe sek, ri xa riche (rixin) wi ri itzel winek y quiche (quixin) ri ye ru'ángeles tek banon.

San Mateo 25:41 ပူးပေါင်းရင်းမြစ်များ

2 Pedro 2:4

Porque ri Dios nixta ri ángeles ri xkibꞌen mak xerukuy, xa xerutorij qa chupan ri qꞌarachꞌaraj siwan apeꞌ etzꞌapel koyobꞌen ri qꞌij chi ndiyoꞌox castigo chake.

2 Tesalonicenses 1:9

Y ri castigo ndiyoꞌox chake kin nim, porque chin jumul, y ma ngebꞌekꞌojeꞌ ta chupan ri nimalej ruqꞌij ri Ajaw ri santienta ruchuqꞌaꞌ.

San Mateo 13:42

Y ngekitorij chupan ri nimalej qꞌaqꞌ, y chiriꞌ ri wineq ndikijitzꞌitzꞌelaꞌ kiꞌ chi oqꞌej y ndikiqachꞌachꞌelaꞌ keyaj.

San Mateo 13:40

Romariꞌ, achel ndibꞌan chare ri itzel qꞌayis, ndimol ruchiꞌ chin ndikꞌatisex pa qꞌaqꞌ, keriꞌ chuqaꞌ ndibꞌan atoq ndikꞌis re tiempo rojkꞌo.

San Juan 8:44

Ri itataꞌ rix ja ri itzel. Rix, rix richin rijaꞌ, y ja ri rurayibꞌel rijaꞌ ri ndiwojoꞌ ndibꞌen. Rijaꞌ kamisanel xe jampeꞌ pa nabꞌey, y ma jumbꞌey roqan ri qetzij, porque pa ránima ma jun qetzij kꞌo. Y atoq ndireqꞌon, kin richin wi keriꞌ ndubꞌen, porque rijaꞌ reqꞌóta, y rikꞌin rijaꞌ nditzꞌukutej pe nojel ruwech aqꞌ.

San Mateo 7:23

Pero riyin nibꞌij chake: Ma jumbꞌey xinbꞌij chi wetaman iwech, ¡kixel e chinuwech, rix bꞌanuy itzel teq achike!

San Mateo 3:12

Y kin xtubꞌen achel ndubꞌen jun achi ri rukꞌuan chik pa ruqꞌaꞌ jun cheꞌ kaꞌi-oxiꞌ rutzaꞌ y ndujech rij ri trigo rikꞌin ri ruwech. Ndumal ri trigo chin nderuyaꞌ pa rukꞌujay, pero nduporoj rij ri trigo pa qꞌaqꞌ. Keriꞌ chuqaꞌ ri Jun ri nduqaqa, kin xkerukal ri xketaqin richin y ngeruyaꞌ ri ma ngetaqin ta chupan ri qꞌaqꞌ ri ma jumbꞌey ndichuputej, xchajeꞌ.

Hebreos 6:8

Pero ri wineq ri ndikimalij kan ri Dios, xa eꞌachel jun ulew ri ma jun rikꞌaꞌtz, porque xa qꞌayis y kꞌix ngebꞌeꞌel pe chuwech. Jun ulew achel riꞌ xa itzel nditzꞌat y pa rukꞌisibꞌel xa ndikꞌatisex nojel ruwech.

San Mateo 13:50

Y ngebꞌekitorij chupan ri nimalej qꞌaqꞌ, y chiriꞌ ri wineq ndikijitzꞌitzꞌelaꞌ kiꞌ chi oqꞌej y ndikiqachꞌachꞌelaꞌ keyaj.

1 Juan 3:10

Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.

San Lucas 16:24

Ri bꞌeyon xsikꞌin pe chubꞌixik: ¡Nataꞌ Abraham, tapoqonaj nuwech! Tataqaꞌ pe la Lázaro, y tumubꞌaꞌ pe jun ruwiꞌ ruqꞌaꞌ chin turuyaꞌ chutzaꞌ waqꞌ, porque santienta qꞌaxomal ninaꞌ chupan re qꞌaqꞌ reꞌ, xchajeꞌ.

San Lucas 13:27

Pero rijaꞌ kereꞌ xtubꞌij pe chiwa: Ma wetaman ta iwech rix aj apeꞌ. ¡Kixel e chinuwech rix iwonojel ri rix bꞌanuy itzel teq achike!

San Mateo 25:46

Y nibꞌij chuqaꞌ chi re ekꞌo pa nuxakan ngebꞌa chupan ri castigo chin jumul, jakꞌa ri wineq chojmilej kikꞌaslen, ngeꞌok chupan ri kꞌaslen ma ndikꞌis ta.

San Mateo 18:8

Romariꞌ, si jun aqꞌaꞌ o jun awaqen ndubꞌen chawa chi ngatzaq pa mak, taqꞌataꞌ y tatorij e. Más utz chi xe jun aqꞌaꞌ o jun awaqen kꞌo y ngatok chupan ri kꞌaslen ma ndikꞌis ta, ke chuwech tzꞌaqet aqꞌa-awaqen y xkatorix chupan ri qꞌaqꞌ ma ndichup ta.

San Mateo 5:22

Pero riyin nibꞌij: Xa achike na ri ndikꞌuxkꞌut royowal chare jun chik, kin ndiqꞌat tzij pa ruwiꞌ chin ndiyoꞌox castigo chare, y xa achike na ri xtibꞌiꞌin nakanik chare jun chik, utz ndijach pa kiqꞌaꞌ ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, y xa achike na ri xtibꞌiꞌin tzꞌeteꞌy chi jolon chare jun wineq, kin rukꞌulun chi pa qꞌaqꞌ nderilaꞌ castigo.

San Mateo 4:10

Pero ri Jesús xubꞌij chare: ¡Katel e chinuwech, Satanás! Porque chupan ri rutzij ri Dios kereꞌ tzꞌibꞌan kan: Ja ri Awajaw Dios tayaꞌ ruqꞌij, y kin xe wi ri ndirajoꞌ rijaꞌ tabꞌanaꞌ.

San Mateo 25:42

Porque atoq xchꞌumu nupan, ma jun rutzaꞌ nuway xisipaj. Atoq xchaqiꞌj nuchiꞌ, ma xiyaꞌ ta nuyaꞌ.

2 Tesalonicenses 1:7

Y rix ri ndibꞌan itzel chiwa, ri Dios kin pa ruchojmil ndubꞌen chi nduyaꞌ uxlanen chiwa junan qikꞌin roj chupan ri qꞌij atoq ri Ajaw Jesús nduqꞌalajrisaj riꞌ chikaj chupan ruxaq teq qꞌaqꞌ, achibꞌilan pe koma ri ru-ángeles ri yoꞌon pe nimalej uchuqꞌaꞌ chake.