San Mateo 25:1 - Kaqchikel Santo Domingo (Xenacoj)

¹ Ri Jesús xubꞌij: Atoq riyin ngitzolij chi pe, ndibꞌanatej pa aj chikaj reino achel xbꞌanatej pa jun kꞌulubꞌik, atoq lajuj qꞌopojiꞌ xkitzꞌen ki-lámparas y xeꞌel e chukꞌulik ri kꞌajol ndikꞌuleꞌ.

နောက်ထပ်ဗားရှင်းများ

Kaqchikel Santa Maria de Jesus

¹ Entonces ri reino ri cꞌo chicaj xtuꞌon incheꞌl ri xbꞌanataj quiqꞌuin i-diez (lajuj) xtaniꞌ ri xquicꞌuaj qui-lámparas chi xbꞌaquiyoꞌiej ri alaꞌ ri nicꞌulieꞌ.

Kaqchiquel Bible

¹ Chupan ri q'ij ri' ri aj-chikajil ajawaren xa kan xtijunamex k'a kik'in e lajuj xtani' ri kik'uan-el ki-lámpara richin xebe chiroyobexik jun ala' ri xtik'ule'.

Kaqchikel Central Guatemala

¹ Chupan c'a ri k'ij tok xquipe chic jun bey, ec'o c'a ri can xque'oc-vi pa ruk'a' ri Dios o chupan ri aj-chicajil ajavaren, y ec'o ri xa man xque'oc ta. Xa can xtic'ulvachitej c'a achi'el ri xc'ulvachitej quiq'uin e lajuj xtani' quic'uan-el quik'ak' richin sakil richin xebe chiroyobexic ri ala' ri xtic'ule' chupan ri ak'a' ri'.

Re C'ac'a Testamento pa Kach'abal

¹ Chupan re k'ij tak xquimpa chic jun bey, jec'o re can xque'oc pa ruk'a' re Dios, y jec'o re man xque'oc-ta. Xa can xtibanataj ancha'l re xbanataj quiq'uin je lajuj k'apoji' re quic'uan-a qui-lámparas chin xe'ba chuyabexic re ala' xtic'ule' chupan re ak'a' re'.

Kaqchikel Western Solola

¹ Y chupan c'a ri k'ij tek xquipe chic, ri pa rajawaren ri caj xtibanatej c'a achi'el ri xquic'ulwachij ye lajuj k'opoji' ri xquic'uaj el quilámpara chi xebe chiroyobexic jun c'ajol ri xtic'ule' chupan ri ak'a' ri'.

San Mateo 25:1 ပူးပေါင်းရင်းမြစ်များ

Apocalipsis 19:7

Y qojkikot, Tiqabꞌanaꞌ nimaqꞌij y tiqayaꞌ ruqꞌij ri Dios, Porque ja xuqaqa ri qꞌij Chin ndikꞌuleꞌ ri Alaj Karneꞌl, Y ri xten ri ndok rixjayil rubꞌanun chik rukꞌojlen riꞌ.

Apocalipsis 21:9

Y ri apeꞌ yinkꞌo, xjel pe jun chikiwech ri wuquꞌ ángeles ri xeqꞌijo ri wuquꞌ rukꞌisibꞌel teq kꞌayew pa ruwiꞌ ri rochꞌulew, kꞌayew ri ekikꞌuan pa teq copas, y ri ángel riꞌ xubꞌij chuwa: ¡Katámpe! Nikꞌut chawech ri xten ndok rixjayil ri Alaj Karneꞌl.

Apocalipsis 21:2

Y xintzꞌet ri loqꞌolej tinamit, ri kꞌakꞌakꞌ Jerusalén eleneq pe chikaj apeꞌ kꞌo ri Dios. Ri tinamit riꞌ, ruweqon pe riꞌ achel jun xten ndikꞌuleꞌ rikꞌin ri kꞌajol ndok rachijil.

San Juan 3:29

Pa jun kꞌulubꞌik ri kꞌajol ndikꞌuleꞌ jariꞌ ri ndok rachijil ri xten, y ri kꞌajol peyon chin ndikꞌojeꞌ pa ruwiꞌ ri nimaqꞌij chin ri kꞌulubꞌik, santienta ndikikot atoq ndirakꞌaxaj chi ri aj kꞌulubꞌel ngetzeyaj chikiwech. Keriꞌ kꞌa chuqaꞌ riyin santienta ngikikot roma niwakꞌaxaj chi wokami santienta wineq ngebꞌa apu apeꞌ kꞌo ri Jun taqon pe roma ri Dios chukolik ri rutinamit.

San Mateo 13:24

Ri Jesús xutzijoj chik jun parábola chake y xubꞌij: Ri ndibꞌanatej pa ru-reino ri aj chikaj Dios ndiqajunumaj rikꞌin ri xbꞌanatej pa rulew jun achi ri xutik utzulej semilla chupan.

Apocalipsis 14:4

Jareꞌ ri ma xekꞌojeꞌ ta kikꞌin ixoqiꞌ y kin chꞌajchꞌaj wi ri kikꞌaslen. Rejeꞌ ndikoqaj ri Alaj Karneꞌl apejeꞌ na ndibꞌa wi. Xeloqꞌ wi pe chikikajal ri wineq chochꞌulew, y eꞌachel ri nabꞌey teq ruwech tikoꞌ ndisuj chare ri Dios y chare ri Alaj Karneꞌl.

Tito 2:13

Keriꞌ tiqabꞌanaꞌ ri janipeꞌ tiempo ndiqoyobꞌej ri favor ri rusujun kan ri Dios chi nduyaꞌ chaqe atoq nduqaqa chik jumbꞌey ri nimalej qa-Dios y Qakolonel Jesucristo rikꞌin nimalej ruqꞌij.

San Mateo 22:2

Ri ru-reino ri aj chikaj Dios pa kiwiꞌ ri wineq, ndiqajunumaj rikꞌin ri xubꞌen jun rey, atoq xubꞌen rukꞌojlen jun nimalej waꞌin roma rukꞌulubꞌik ri rukꞌajol.

2 Timoteo 4:8

Y wokami yakel apu jun nimalej rajel-rukꞌexel ri ndiyoꞌox chuwa roma nukꞌuan jun chojmilej kꞌaslen, y ja ri Ajaw ri utzulej Qꞌatoy tzij ri xtiyoꞌon chuwa chupan ri qꞌij atoq nduqꞌet tzij. Y ri rajel-rukꞌexel riꞌ ma xe ta chuwa riyin nduyaꞌ wi, xa kin ndiyoꞌox chuqaꞌ chake konojel ri bꞌaneq kánima chiroyobꞌexik chi nduqaqa chik jumbꞌey ri Ajaw.

San Mateo 3:2

Y kereꞌ ndubꞌij chake ri wineq: ¡Tiyaꞌ kan ri mak, y titzolij pe iwánima rikꞌin ri Dios, porque naqaj chik kꞌo ri qꞌij atoq ri aj chikaj Dios ndutzꞌuk ndubꞌen reinar pa kikꞌaslen ri wineq!

1 Corintios 11:2

Hermanos, riyin ngikikot iwoma, porque jumul nginikꞌuxlaꞌaj y iwoqan pa rubꞌeyal ri tijonik nuyoꞌon kan chiwa.

San Mateo 20:1

Keriꞌ nibꞌij chiwa, porque ri ru-reino ri aj chikaj Dios pa kiwiꞌ ri wineq ndiqajunumaj rikꞌin ri xubꞌen jun rajaw ulew, ri xel e kumaj saqer chukanoxik samajelaꞌ chin ndekisamajij ri uvas tikon pa rulew.

San Mateo 13:47

Keriꞌ chuqaꞌ ri aj chikaj reino ndiqajunumaj rikꞌin jun mama yaꞌl ri ndiyoꞌox qa pa yaꞌ, y jalajaj kiwech ker ndikiyaꞌ kiꞌ chupan.

San Mateo 13:38

Ri ulew apeꞌ xbꞌan ri tikoꞌ ja ri rochꞌulew, ri utzulej semilla ja ri ekꞌo chuxeꞌ rutzij ri Dios ri Nimalej Rey, y ri itzel qꞌayis ja ri wineq ekꞌo chuxeꞌ rutzij ri itzel,

Apocalipsis 4:5

Y chiriꞌ apeꞌ kꞌo ri trono ngeꞌel pe koyopaꞌ, y rayos ri santienta ngeqꞌajan. Chuwech ri trono ngekꞌat chuqaꞌ wuquꞌ antorchas, y ri wuquꞌ antorchas riꞌ ja ri wuquꞌ teq espíritu chin ri Dios.

2 Corintios 11:2

Porque ri santienta ngixinbꞌen cuenta, riꞌ rikꞌin ri Dios pataneq wi. Riyin nuyoꞌon nutzij chare ri Ajaw achel jun tataꞌatz nduyaꞌ rutzij chare jun kꞌajol chi ndikꞌuleꞌ ri rumiꞌal rikꞌin. Yin xinyaꞌ nutzij chare ri Jun ri ndok iwachijil chi ngixkꞌuleꞌ rikꞌin, y ri jun riꞌ ja ri Cristo. Niwojoꞌ chi chꞌajchꞌaj ngixbꞌenjachaꞌ pa ruqꞌaꞌ, achel jun qꞌopoj ri kꞌajani tikꞌojeꞌ rikꞌin achi.

San Mateo 9:15

Y ri Jesús xubꞌij chake: Atoq jun kꞌajol ngerupeyoj ri rachibꞌil chin ngetoꞌon pa rukꞌulubꞌik, ¿la utz kami chi ngebꞌison atoq kꞌa kꞌo ri kꞌajol ri ndikꞌuleꞌ chikikajal? Pero nduqaqa qꞌij atoq ri kꞌajol ndukꞌuꞌex e chikiwech, ja atoq riꞌ ndikibꞌen ayunar.

San Mateo 5:16

Keriꞌ kꞌa tiyikꞌan ri ikꞌaslen rix chikiwech ri wineq, chin tikitzꞌetaꞌ ri utz ngeꞌibꞌanalaꞌ, y keriꞌ ndikiyaꞌ ruqꞌij ri Tataꞌaj Dios kꞌo chikaj.

Hechos 20:8

Y chiriꞌ pa rox nivel chin ri jay apeꞌ qamolon qiꞌ, santienta lámparas etzijil.

San Mateo 13:31

Ri Jesús xutzijoj chik jun parábola chake, y xubꞌij: Ri ndibꞌanatej rikꞌin ru-reino ri aj chikaj Dios ndiqajunumaj rikꞌin ri ndibꞌanatej rikꞌin jun semilla mostaza ri xutik jun achi pa ruqejoj.

San Mateo 25:7

Ja atoq riꞌ xekꞌastej pe konojel ri qꞌopojiꞌ y xkibꞌanalaꞌ rukꞌojlen ri ki-lámparas.

San Juan 18:3

Romariꞌ ri Judas xbꞌeqaqa chiriꞌ, junan kikꞌin jun bꞌotzaj soldados, y kikꞌin chuqaꞌ ri ngechajin rachoch ri Dios, kikꞌuan espadas y lanzas, kitzijon antorchas y lámparas. Konojel rejeꞌ etaqon e koma ri sacerdotes israelitas más kꞌo ruchuqꞌaꞌ kitzij y koma chuqaꞌ ri fariseos.

Apocalipsis 8:10

Atoq ri rox ángel xuxulaj ri trompeta yoꞌon chare, xintzꞌet xbꞌetzaq pe chikaj jun nim chꞌumil ndikꞌat achel jun antorcha, y xqaqa pa kiwiꞌ jun rox parte ri raqen teq yaꞌ, y pa kiwiꞌ ri alaxbꞌel teq yaꞌ chuqaꞌ.