San Mateo 24:42 - Kaqchikel Santo Domingo (Xenacoj)

⁴² Romariꞌ ma kixwer, tichajij utz-utz ri ikꞌaslen, porque ma iwetaman ta ri qꞌij atoq nduqaqa ri Iwajaw.

နောက်ထပ်ဗားရှင်းများ

Kaqchikel Santa Maria de Jesus

⁴² Rumareꞌ, man timastaj chiva chi ntivoyoꞌiej-apa, ruma man ivataꞌn ta ri chica huora xtipa ri Ivajaf.

Kaqchiquel Bible

⁴² Roma ri' kan kiniwoyobej-apo, roma xa man xtiwetamaj ta jampe' toq xkinoqaqa yin, ri iwajaw.

Kaqchikel Central Guatemala

⁴² Roma c'a ri' can man quixmestan, xa can quinivoyobej-apo, roma xa man xtivetamaj ta jampe' tok xquinoka' yin ri Ivajaf.

Re C'ac'a Testamento pa Kach'abal

⁴² Mare' can nojel tiempo quixc'ase' chin quiniyabej-apo, roma man itaman-ta jampa' tak xquineka yen re Ivajaf.

Kaqchikel Western Solola

⁴² Rumac'ari' can ma quixmestan ta, xa can quiniwoyobej apo, ruma xa ma iwetaman ta ajan (jampe') tek xquipe riyin ri Iwajaf.

San Mateo 24:42 ပူးပေါင်းရင်းမြစ်များ

San Lucas 21:36

Roma kꞌa riꞌ, tichajij ri ikꞌaslen, y tikꞌutuj chare ri Dios chi nduyaꞌ uchuqꞌaꞌ chiwa chin ngixqꞌax chupan nojel ri kꞌayew nubꞌiꞌin pe chiwa ri nduqaqa yan pa ruwiꞌ ri rochꞌulew. Tikꞌutuj chuqaꞌ chi ma ngixkꞌix ta ngixbꞌeqaqa chinuwech riyin ri aj chikaj ri xinuꞌalex chiꞌikajal, xchajeꞌ ri Jesús.

1 Tesalonicenses 5:6

Romariꞌ ma tiqabꞌen achel ndikibꞌen ri wineq ri kꞌo kikꞌaslen pa qꞌequꞌ ri xa achel ngewer keriꞌ. Qojkꞌaseꞌ pa ruwiꞌ ri qakꞌaslen y tiqabꞌanaꞌ nojel pa quxnaqil.

San Mateo 25:13

Roma kꞌa riꞌ, ma kixwer, porque ma iwetaman ta ri qꞌij, nixta ri hora atoq ngitzolij chi pe, xchajeꞌ ri Jesús.

Apocalipsis 16:15

Ri Ajaw Jesucristo ndubꞌij: Kꞌateꞌ ruwech nginuqaqa achel nduqaqa jun eleqꞌon. Kin jabꞌel rokiqꞌij ri ndikichajij kiꞌ y ndikikꞌuaj jun chojmilej kꞌaslen. Porque ri keriꞌ ngebꞌanun, kin achel kikusan kitziaq ngeꞌilitej atoq nginuqaqa, y ma ngekꞌix ta achel ndikꞌix jun ri ma rukusan ta rutziaq ndilitej.

1 Corintios 16:13

Tichajij ri ikꞌaslen, kaw tipabꞌaꞌ iwiꞌ chupan ri tijonik qayoꞌon kan chiwa. Ma kixtzolij chiwij roma ri kꞌayew ndiqꞌasaj pa ikꞌaslen y tikꞌojeꞌ más ruchuqꞌaꞌ ri iwánima rikꞌin ri Ajaw.

San Mateo 24:36

Pero ri qꞌij y ri hora riꞌ, ma jun etamayon, nixta ri ángeles chin chikaj, nixta riyin ri Rukꞌajol ri Dios, xa kin xe ri Tataꞌaj Dios etamayon.

Romanos 13:11

Y tibꞌanaꞌ nojel reꞌ, porque iwetaman chi ri tiempo rojkꞌo wokami, kin tiempo chik chin ngixkꞌastej pe. Keriꞌ nibꞌij chiwa porque wokami más naqaj chik kꞌo ri qakolotajik ke atoq xqataqij.

San Mateo 24:44

Romariꞌ, rix tinabꞌaꞌ apu iwiꞌ, porque riyin ri aj chikaj ri xinuꞌalex chiꞌikajal, nginuqaqa chik jumbꞌey atoq rix ma jun inabꞌen.

1 Pedro 5:8

Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj.

1 Pedro 4:7

Ri rukꞌisibꞌel chin nojel ri ndajin chochꞌulew nduqaqa yan, romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar.

San Mateo 24:43

Pero ndikꞌatzin chuqaꞌ chi ndiwetamaj reꞌ: Xa ta jun rajaw jay retaman achike hora ndeqaqa jun eleqꞌon chaqꞌaꞌ, ma ndiwer ta qa chin ma nduyaꞌ ta qꞌij chare ri eleqꞌon chi nduchobꞌij apu ri jay.

San Mateo 25:10

Y atoq ri ewoꞌoꞌ qꞌopojiꞌ ebꞌaneq chuloqꞌik ri aceite, xuqaqa ri kꞌajol ndikꞌuleꞌ, y ri woꞌoꞌ qꞌopojiꞌ ri kinabꞌan kiꞌ xeꞌok apu junan rikꞌin ri kꞌajol pa nimaqꞌij chin ri kꞌulubꞌik, y xtzꞌapix pe ri puerta chin ri jay.

San Lucas 21:34

Pero rix tibꞌanaꞌ cuenta iwiꞌ, ma tibꞌa iwánima pa ruwiꞌ ri qꞌabꞌarik y ri apux achike ndukꞌen pe ri qꞌabꞌarik, nixta tichꞌujrisaj iwiꞌ chukanoxik ri ngekꞌatzin chiwa, ma kꞌateꞌ atoq xtinabꞌej, ja xuqaqa yan ri qꞌij riꞌ pa iwiꞌ.