San Mateo 22:13 - Kaqchikel Santo Domingo (Xenacoj)

¹³ Ja atoq riꞌ ri rey xubꞌij chake ri ngejachon pa kꞌulubꞌik: Tiximaꞌ e ruqꞌa-raqen, tiwelesaj e y teꞌiyaꞌ pa qꞌarachꞌaraj qꞌequꞌ apeꞌ ndiril oqꞌej y qachꞌachꞌen eyaj.

နောက်ထပ်ဗားရှင်းများ

Kaqchikel Santa Maria de Jesus

¹³ Y jareꞌ antok ri rey xuꞌej chica ri ru-siervos: Tixima-el rukꞌa-rakan ri jun ache ri man rucusan ta ri tziak richin ri cꞌulubꞌic, tivalasaj-el y ticꞌakaꞌ pa kꞌakuꞌn. Chireꞌ xa xtituokꞌ y xtukꞌachꞌachꞌiej roray.

Kaqchiquel Bible

¹³ Roma ri' ri rey xubij chike ri rusamajela': Tixima-el ruq'a-raqen re jun achin re' y tibek'aqa' kan k'a kela' pa q'equ'm ri akuchi xaxe oq'ej y qach'ach'en eyaj k'o, xcha'.

Kaqchikel Central Guatemala

¹³ Y ri rey jac'ari' tok xubij chique ri rusamajela': Tixima-el ruk'a-raken re jun achin re xa man rucusan ta pe rutziak ri nic'atzin chi rucusan ta pe, y te'ic'aka' can c'a quela' pa k'eku'n. Ri chiri' xaxe c'a ok'ej y kach'ach'en eyaj c'o.

Re C'ac'a Testamento pa Kach'abal

¹³ Y re Rey jare' tak xubij chique re ru-mozos: Tixima' ruk'a-rakan re jun ache re xa man xucusaj-ta-pa rutziak re nic'atzin che rucusan-ta-pa, mare' tilisaj-a y te'ich'akij chupan re lugar camas k'oko'm. Y c'aja chire' c'a xtipo-va re ok'ej chach y can xtukach'ach'ej roray.

Kaqchikel Western Solola

¹³ Yac'ari' tek ri rey xubij chique ri rumozos: Tixima' el ruk'a' raken re jun achi re xa ma xucusaj ta ri tziek ri nic'atzin tek c'o jun c'ulanen y je'ic'aka' c'a ca quela' pa k'eku'm ri acuchi (achique) xtok' wi y xtukach'ach'ej rey.

San Mateo 22:13 ပူးပေါင်းရင်းမြစ်များ

San Mateo 8:12

Pero ri israelitas achoq chake sujun ri reino riꞌ, ekꞌiy ma xkeꞌok ta, xa ngebꞌeyoꞌox pa qꞌarachꞌaraj qꞌequꞌ apeꞌ ndikil oqꞌej y qachꞌachꞌen eyaj.

San Mateo 25:30

Romariꞌ ri samajel ri ma jun xubꞌen chin ta xusamajij ri méra xjach pa ruqꞌaꞌ, tiwelesaj e saqil pa qꞌarachꞌaraj qꞌequꞌ, apeꞌ ndiril oqꞌej y qachꞌachꞌen eyaj.

2 Pedro 2:17

Ri itzel teq tijonelaꞌ riꞌ, xa eꞌachel alaxbꞌel teq yaꞌ ri xechaqiꞌj yan, y eꞌachel teq nubes ri maneq jabꞌ kikꞌuan, eꞌukꞌuan roma ruchuqꞌaꞌ ri kaqiqꞌ. Chake rejeꞌ bꞌanun chik rukꞌojlen jun lugar ri kin qꞌequ-qꞌequꞌ rupan.

2 Pedro 2:4

Porque ri Dios nixta ri ángeles ri xkibꞌen mak xerukuy, xa xerutorij qa chupan ri qꞌarachꞌaraj siwan apeꞌ etzꞌapel koyobꞌen ri qꞌij chi ndiyoꞌox castigo chake.

2 Tesalonicenses 1:9

Y ri castigo ndiyoꞌox chake kin nim, porque chin jumul, y ma ngebꞌekꞌojeꞌ ta chupan ri nimalej ruqꞌij ri Ajaw ri santienta ruchuqꞌaꞌ.

San Lucas 13:28

Ja atoq riꞌ ngixbꞌeꞌoqꞌ y ndiqachꞌachꞌej iweyaj, porque ngeꞌitzꞌet ri Abraham, ri Isaac, ri Jacob y konojel ri profetas chi ekꞌo pa ru-reino ri Dios, y rix xa ngixtorix e saqil.

San Mateo 24:51

y jubꞌama ndukamisaj chi chꞌeyekil, y nderuyaꞌ chikikajal ri wineq kaꞌiꞌ kipalej, apeꞌ kꞌo oqꞌej y qachꞌachꞌen eyaj.

San Mateo 13:50

Y ngebꞌekitorij chupan ri nimalej qꞌaqꞌ, y chiriꞌ ri wineq ndikijitzꞌitzꞌelaꞌ kiꞌ chi oqꞌej y ndikiqachꞌachꞌelaꞌ keyaj.

San Mateo 13:42

Y ngekitorij chupan ri nimalej qꞌaqꞌ, y chiriꞌ ri wineq ndikijitzꞌitzꞌelaꞌ kiꞌ chi oqꞌej y ndikiqachꞌachꞌelaꞌ keyaj.

Apocalipsis 21:27

Pero ri wineq ri ngekibꞌanalaꞌ seqꞌ teq achike, ma jumbꞌey xkeꞌok chupan ri tinamit riꞌ, nixta ri wineq ri ngebꞌanun chi ndimulu rukꞌuꞌx ri Dios, nixta ri ereqꞌóta. Xa kin xe ngeꞌok chiriꞌ ri kꞌo kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl.

Judas 1:13

Xa eꞌachel bꞌoloj teq yaꞌ pa mar, ri nixta jun ndiqꞌato kichin, y ri kꞌixbꞌel teq achike ngekibꞌanalaꞌ kin achel ri bꞌoloj teq yaꞌ ndiwaqa ruwiꞌ. Eꞌachel chꞌumil ri xetal keriꞌ ebꞌaneq. Pero rejeꞌ kin qꞌaton chik pa kiwiꞌ chin ngetaq chupan ri qꞌarachꞌaraj qꞌequꞌ chin jumul.

Judas 1:6

Keriꞌ chuqaꞌ niwojoꞌ nikꞌuxlaꞌaj chiwa ri xbꞌanatej kikꞌin ri ángeles ri xkiyaꞌ kan ri uchuqꞌaꞌ yoꞌon pa kiqꞌaꞌ y xkiyaꞌ kan chuqaꞌ ri lugar apeꞌ eruyoꞌon ri Dios chikaj. Ri Dios erutzꞌapin pa jun qꞌarachꞌaraj lugar, apeꞌ maneq cheꞌel chi ngeꞌel kꞌa terilaꞌ na ri qꞌij atoq ndiqꞌat tzij pa kiwiꞌ.

Hechos 7:54

Atoq ri kimolon apu kiꞌ xkakꞌaxaj ri xubꞌij ri Esteban, tzꞌan koyowal xyakatej, y ndikiqachꞌachꞌelaꞌ keyaj chirij.

San Mateo 13:30

Xa tiyaꞌ qꞌij chi ngekꞌiy junan, kꞌa terilaꞌ na qꞌij chin ri qꞌatoj, y riyin xtinbꞌij chake ri ngeqꞌaton ruwech ri tikoꞌ chi nabꞌey tikelesaj e ri itzel qꞌayis chukajal, tikibꞌanaꞌ bꞌotzaj chake y tikiximaꞌ chin ngekꞌatisex, y kꞌateriꞌ tikimoloꞌ ri trigo, y tikiyakaꞌ pa teq yakbꞌel ri nubꞌanun riyin.

San Mateo 12:29

Jun eleqꞌon chin ndeleqꞌan e pa rachoch jun achi kꞌo ruchuqꞌaꞌ, nabꞌey ndikꞌatzin nduxim, y xe atoq ruximon chik, kꞌo cheꞌel ndireleqꞌaj e ri achike ekꞌo pa rachoch.

Hechos 21:11

Xbꞌeqaqa apeꞌ rojkꞌo, y xutzꞌen ri ximibꞌel rupan ri Pablo, y xuximilaꞌ qa ruqꞌa-raqen ruyon chuwech, y xubꞌij: Ri Espíritu Santo ndubꞌij: Kereꞌ ruximik ruqꞌa-raqen ri rajaw re ximibꞌel reꞌ ndikibꞌen ri israelitas pa tinamit Jerusalén, y ndikijech pa kiqꞌaꞌ ri ma israelitas ta, xchajeꞌ.

San Juan 21:18

Kin qetzij nibꞌij chawa: Atoq kꞌa rat más kꞌajol, ayon chawech xaxim apan y xa apejeꞌ na xawojoꞌ xabꞌa, kin xabꞌa wi. Pero atoq xkarijix, xa ngaꞌarikꞌ ri aqꞌaꞌ y xa jun chik ri ndiximo apan y ngarukꞌuaj apeꞌ ma ndawojoꞌ ta ngabꞌa.