San Mateo 2:15 - Kaqchikel Santo Domingo (Xenacoj)

¹⁵ Y chiriꞌ xekꞌojeꞌ, kꞌa xken na ri Herodes. Kꞌajariꞌ xeꞌel pe pa Egipto, chin keriꞌ xbꞌanatej ri ruqꞌalajrisan ri Ajaw ojer kan chuwech ri profeta ri xubꞌij: Pa rochꞌulew Egipto xinwoyoj pe ri Nukꞌajol. Keriꞌ tzꞌibꞌan kan.

နောက်ထပ်ဗားရှင်းများ

Kaqchikel Santa Maria de Jesus

¹⁵ Y chireꞌ Egipto xaꞌcꞌujie-ve y xaꞌtzalaj-pa Israel cꞌa antok quiminak chic ri rey Herodes; chi quireꞌ nuꞌon cumplir incheꞌl ruꞌeꞌn ri Ajaf Dios cha ri profeta ri xcꞌujieꞌ ojier can tiempo. Ri tzꞌibꞌan can nuꞌej: Egipto cꞌo-ve ri Nucꞌajuol antok xinvayuoj. Quireꞌ ruꞌeꞌn ri Dios.

Kaqchiquel Bible

¹⁵ Kan k'a pan Egipto k'a xek'oje-wi y xetzolin pan Israel k'a toq kamineq na chik ri rey Herodes. Richin keri' kan xtz'aqet k'a ri ruq'alajirisan kan ri Dios chuwech ri rusamajel ri xk'oje' ojer kan toq xubij: Kan k'a pan Egipto k'a xinwoyoj-wi ri nuk'ajol, nicha'.*f5*

Kaqchikel Central Guatemala

¹⁵ Can chila' vi c'a pan Egipto xec'oje-vi y xetzolin pan Israel c'a tok caminek na chic ri rey Herodes. Richin queri' can nibanatej na c'a ri ruk'alajirisan can ri Ajaf Dios chuvech ri rusamajel ri xc'oje' ojer can. Ri tz'ibatel c'a can nubij: Pan Egipto c'a c'o-vi ri nuc'ajol tok xinvoyoj, cha'inek c'a can ri Dios.

Re C'ac'a Testamento pa Kach'abal

¹⁵ Can chila-va pan Egipto xe'c'ue-va y c'a xcom-na re Rey Herodes c'are' xe'tzolaj chic jun bey pan Israel. Chin quire' can nibanataj re rubin can re Ajaf Dios cha re rusamajel re xc'ue' ajuer can, re xbex profeta cha. Y ja quire' nubij re tz'iban can: Pan Egipto c'a c'o-va re nuc'ajol tak xinvayoj. Ja quire' rubin can re Dios.

Kaqchikel Western Solola

¹⁵ Can chila' wi c'a pan Egipto xebec'oje' wi y xetzolin pan Israel c'a ya tek caminek chic ri rey Herodes. Riche (rixin) chi queri' can nibanatej na c'a ri ruk'alajsan ri Ajaf Dios chuwech ri jun profeta ri xk'alajsan ri ruch'abel ri Dios ojer ca. Ri tz'ibatal c'a ca nubij: Pan Egipto c'a c'o wi ri nuc'ajol tek xinsiq'uij (xinwoyoj). Quec'ari' ri rubin ri Dios.

San Mateo 2:15 ပူးပေါင်းရင်းမြစ်များ

San Lucas 24:44

Y xubꞌij chake: Atoq kꞌa yinkꞌo iwikꞌin pa nabꞌey, nubꞌiꞌin wi pe chiwa, chi kin ndikꞌatzin chi ndibꞌanatej ri tzꞌibꞌan kan chupan ri ley xyoꞌox chare ri Moisés, ri tzꞌibꞌan kan koma ri profetas, y ri tzꞌibꞌan kan chupan ri Salmos pa nuwiꞌ.

San Mateo 1:22

Y nojel reꞌ xbꞌanatej, chin xbꞌanatej ri rubꞌiꞌin pe ri Ajaw pa ruchiꞌ ri ru-profeta ojer kan, atoq kereꞌ xubꞌij:

San Mateo 26:54

Pero si keriꞌ xtinbꞌen, ma ndibꞌanatej ta ri ndubꞌij rutzij ri Dios chi ndikꞌatzin niqꞌasaj kereꞌ.

San Mateo 21:4

Nojel reꞌ xbꞌanatej, chin ndibꞌanatej ri xqꞌalajrisex kan roma ri Dios pa ruchiꞌ ri profeta atoq xubꞌij:

San Mateo 8:17

Nojel reꞌ xubꞌen, chin xbꞌanatej ri rubꞌiꞌin kan ri profeta Isaías atoq xubꞌij: Ja rijaꞌ xelesan e ri qayabꞌil y ja rijaꞌ xukꞌuan ri qaqꞌaxomal.

San Mateo 2:23

Y atoq xebꞌeqaqa chiriꞌ, xebꞌekꞌojeꞌ pa jun tinamit rubꞌiniꞌan Nazaret, chin keriꞌ xbꞌanatej ri bꞌiꞌin kan koma ri ru-profetas ri Dios, atoq xkibꞌij: Ri akꞌual ndibꞌix aj Nazaret chare.

San Mateo 2:19

Atoq xken yan ri Herodes, jun ángel chin ri Ajaw xuqꞌalajrisaj riꞌ pa rachikꞌ ri José chiriꞌ pa rochꞌulew Egipto.

San Mateo 2:17

Y keriꞌ xbꞌanatej ri ruqꞌalajrisan kan ri profeta Jeremías ojer, atoq kereꞌ xubꞌij:

San Juan 19:36

Porque nojel re xbꞌanatej, kin chin wi xbꞌanatej ri tzꞌibꞌan kan chupan ri rutzij ri Dios ri ndubꞌij: Nixta jun rubꞌaqil ndiqꞌajloꞌox. Keriꞌ tzꞌibꞌan kan.

San Juan 19:28

Atoq xbꞌanatej yan reꞌ, ri Jesús roma retaman chi xukꞌis yan rubꞌanik ri samaj yoꞌon pe pa ruqꞌaꞌ y chin ndibꞌanatej ri tzꞌibꞌan kan chupan ri rutzij ri Dios, xubꞌij: Ndichaqiꞌj nuchiꞌ.

San Mateo 26:56

Pero nojel reꞌ xbꞌanatej, chin ndibꞌanatej ri kitzꞌibꞌan kan ri profetas chupan ri rutzij ri Dios, xchajeꞌ ri Jesús. Ja atoq riꞌ konojel ri discípulos xeꞌanimej, y xkiyaꞌ kan ruyon ri Jesús.

Hechos 1:16

Hermanos nuwinaqul, kin xkꞌatzin wi chi xbꞌanatej ri tzꞌibꞌan kan chupan ri rutzij ri Dios ri xuyaꞌ ri Espíritu Santo pa ruchiꞌ ri rey David ojer pa ruwiꞌ ri achike xubꞌen ri Judas Iscariote, ri xok ukꞌuey kibꞌey ri wineq ri xetzꞌamo e ri Jesús.

San Mateo 27:35

Atoq xkibꞌajij yan ri Jesús cho cruz, ri soldados xkiyaꞌ pa etzꞌanin ri rutziaq chin xkijech chikiwech,

San Mateo 2:14

Ja atoq riꞌ ri José xyakatej paqiꞌ, y keriꞌ chaqꞌaꞌ, xerukꞌuaj ri chꞌuti akꞌual y ri teꞌej, y xebꞌa pa rochꞌulew Egipto.