San Mateo 19:20 - Kaqchikel Santo Domingo (Xenacoj)

²⁰ Y ri kꞌajol kereꞌ xubꞌij chare: Nojel ri mandamientos riꞌ enuniman pe. ¿Achike más ndikꞌatzin nibꞌen?

နောက်ထပ်ဗားရှင်းများ

Kaqchikel Santa Maria de Jesus

²⁰ Y ri cꞌajol ache xuꞌej cha ri Jesús: Nojiel reꞌ cꞌa in coꞌl-oc nutzꞌamuon-pa rubꞌanic. ¿Chica nquirajoꞌ ri man nubꞌanun ta? xchaꞌ.

Kaqchiquel Bible

²⁰ Ri ala' ri' xubij chi kan k'a ko'ol toq rubanon-pe ronojel ri', y achike ta k'a ri k'o chi nuben.

Kaqchikel Central Guatemala

²⁰ Y ri c'ajol achin xubij c'a chire ri Jesús: C'a in co'ol tok nubanon-pe ronojel ri'. ¿Achique ta c'a ri ch'aka' chic ri man nubanon ta? xcha' rija'.

Re C'ac'a Testamento pa Kach'abal

²⁰ Y re c'ajol ache xubij cha re Jesús: C'a yin co'ol che' tak nbanom-pa ronojel re'. ¿Y anchique c'a re man nbanon-ta? xcha' reja'.

Kaqchikel Western Solola

²⁰ Y ri c'ajol achi xubij c'a chare ri Jesús: C'a yin co'ol na tek nchapon pe rubanic ronojel ri'. ¿Achique ta c'a ri nic'aj chic ri ma nbanon ta? xcha'.

San Mateo 19:20 ပူးပေါင်းရင်းမြစ်များ

Gálatas 3:24

Romariꞌ ndiqabꞌij chi ri ley xa achel jun tijonel pa qawiꞌ, ri jumul xojrutijoj hasta kꞌa xuqaqa na ri Cristo ri ndikꞌatzin chi ndiqataqij, chin keriꞌ nixta jun qamak ndiqeqalej chuwech ri Dios.

Filipenses 3:6

Y chuqaꞌ rikꞌin nojel wánima xinbꞌen ri pa nutzij yin ndiqaꞌ chuwech ri Dios, y romariꞌ hasta xentzeqlebꞌej ri kitaqin ri Cristo chin xinbꞌen itzel chake. Y nixta jun nditiker ndubꞌij chi ma xinbꞌen ta cumplir ri ndubꞌij ri ley ri xyoꞌox chare ri Moisés.

Romanos 7:9

Rubꞌanun kan atoq kꞌajani tinwetamaj utz-utz rubꞌeyal ri ley, riyin xinnaꞌ chi kin chaj wi ri nukꞌaslen chuwech ri Dios, pero atoq xinkꞌoxomaj utz-utz achike ndubꞌij tzij chi ma tinrayij ri ruchajin jun chik achel ndubꞌij ri mandamiento, kin xkꞌastej pe ri mak pa wánima y xinyaꞌ cuenta chare chi chuwech ri Dios xa yin kamineq chupan ri numak.

San Juan 8:7

Y roma ndikikꞌutulaꞌ apu razón chi achike ndibꞌan chare ri ixaq, ri Jesús xpeꞌeꞌ pe y xubꞌij chake: Si kꞌo jun chiꞌikajal maneq rumak chuwech ri Dios, ja rijaꞌ nabꞌey tikꞌaqaꞌ abꞌej chirij re ixaq reꞌ.

San Lucas 15:29

Ri kꞌajol nimalaꞌtz xubꞌij chare ri rutataꞌ: Rat awetaman chi santienta junaꞌ nubꞌanun pe asamaj y nixta jumbꞌey nuqꞌajon ruwiꞌ atzij, y rat nixta jun chꞌuti cabra ayoꞌon chuwa chin ta nubꞌanun jun nimaqꞌij kikꞌin wachibꞌil.

San Lucas 15:7

Kin qetzij nibꞌij chiwa chi ri ekꞌo chikaj más ngekikot roma jun aj mak ri nditzolij pe ránima rikꞌin ri Dios, ke koma 99 wineq ri pa kiwech rejeꞌ chojmilej chik kꞌaslen kikꞌuan y ma ndikꞌatzin ta nditzolij pe kánima rikꞌin ri Dios.

San Mateo 19:19

tanimrisaj kibꞌiꞌ ri ate-atataꞌ, y kaꞌawojoꞌ ri wineq achel ndawojoꞌ awiꞌ rat.

San Mateo 19:21

Ri Jesús xubꞌij chare: Si ndawojoꞌ ngatok nojel ri ndirajoꞌ ri Dios chi ngatok, kabꞌiyin, taꞌakꞌayij ri achajin y ri rajel tayaꞌ chake ri maneq ok kichajin, y keriꞌ ndikꞌojeꞌ abꞌeyomal chikaj, y kꞌateriꞌ katzolij pe chin nganawoqaj.