San Mateo 19:11 - Kaqchikel Santo Domingo (Xenacoj)

¹¹ Ri Jesús xubꞌij chake: Ma konojel ta ngetiker ngekꞌojeꞌ kiyon achel ndibꞌij rix, xa kin xe ri yoꞌon pe chake chi ngekꞌojeꞌ kiyon.

နောက်ထပ်ဗားရှင်းများ

Kaqchikel Santa Maria de Jesus

¹¹ Y ri Jesús xuꞌej chica ri ru-discípulos: Man quinojiel ta ncaꞌcovin niquiꞌan chi man ta ncaꞌcꞌulieꞌ, ruma man chica ta quinojiel yoꞌn-ve chi niquiꞌan quireꞌ.

Kaqchiquel Bible

¹¹ K'ari' ri Jesús xubij: Man konojel ta k'a ri jebel ruk'ulik nikiben chire ri ch'abel ri xinbij, xa kan xaxe k'a ri nikajo' ri nikik'ul.

Kaqchikel Central Guatemala

¹¹ Y ri Jesús can jari' tok xubij chique ri rutijoxela': Man conojel ta c'a ri jebel ta ruc'ulic niquiben chire ri ch'abel ri xibij, roma man chique ta conojel yo'on-vi k'ij chi que ta ri' niquiben can y man ta yec'ule'.

Re C'ac'a Testamento pa Kach'abal

¹¹ Y re Jesús can jare' tak xubij chaka: Man conojel-ta otz ruc'ulic niquiban cha re tzij re xibij, roma man conojel-ta yi'on-va k'ij che quire-ta niquiban, y man-ta ye'c'ule'.

Kaqchikel Western Solola

¹¹ Y ri Jesús can yac'ari' tek xubij chique ri rudiscípulos: Ma quinojel ta yecoch'o chi man ta xtic'oje' quixjayil, ruma ma quinojel ta yatajnek chique chi man ta xquec'ule'.

San Mateo 19:11 ပူးပေါင်းရင်းမြစ်များ

1 Corintios 7:17

Pero rikꞌin ri kꞌakꞌakꞌ kꞌaslen yoꞌon chiwa, ma ndikꞌatzin ta chi ndijalatej nojel ri rubꞌanun o ma rubꞌanun ta ri ikꞌaslen atoq kꞌajani kixroyoj ri Dios. Xaxe keꞌiyaꞌ kan ri itzel teq achike y tikanej ri ikꞌaslen achel rubꞌanun atoq xixoyox roma ri Dios. Jariꞌ ri nubꞌiꞌin kan pa teq tinamit chake ri eralkꞌuaꞌl ri Dios ri ndikimal kiꞌ pa rubꞌiꞌ.

1 Corintios 7:35

Re nibꞌij chiwa, ma chin ta ngixinqꞌet chin ngixkꞌuleꞌ, xa chin kꞌo utz ndukꞌen pe chiwa. Ri niwojoꞌ riyin, ja chi ndibꞌen nojel pa ruchojmil, y chi nixta jun achike ndiqꞌato iwichin chin ndibꞌen ri ndirajoꞌ ri Ajaw.

1 Corintios 7:2

Riyin nibꞌij chi roma santienta wineq ndikikꞌamalaꞌ qa kiꞌ xa achoq na ikꞌin chin ndikibꞌen mak, kin utz wi chi ri achi ndikꞌojeꞌ rixjayil, y ri ixaq ndikꞌojeꞌ rachijil.

San Mateo 13:11

Ri Jesús xubꞌij: Chiwa rix yoꞌon qꞌij chin ndiwetamaj ri ewan pe rubꞌeyal xe ojer kan pa ruwiꞌ ri ru-reino ri aj chikaj Dios, pero chake rejeꞌ ma yoꞌon ta qꞌij.

San Mateo 19:10

Y ri discípulos xkibꞌij chare ri Jesús: Si keriꞌ rubꞌeyal rukꞌaslen ri achi rikꞌin ri rixjayil, xa más utz man ta ndikꞌuleꞌ.

San Mateo 19:12

Porque ekꞌo jujun kin kalaxibꞌen wi chi ma ngekꞌojeꞌ ta rikꞌin ixaq, ekꞌo chuqaꞌ jujun bꞌanun chake chi maneq modo ngekꞌojeꞌ rikꞌin ixaq, ekꞌo chuqaꞌ jujun kiyoꞌon pa kánima chi ma ngekꞌojeꞌ ta rikꞌin ixaq chin ndikibꞌen ri samaj chin ri ru-reino ri aj chikaj Dios. Ri nditiker ndikꞌojeꞌ ruyon, tubꞌanaꞌ kꞌa.