San Mateo 18:26 - Kaqchikel Santo Domingo (Xenacoj)

²⁶ Ja atoq riꞌ ri jun samajel riꞌ xxukeꞌ chuwech ri rajaw, y xukꞌutuj rukamelal chare y xubꞌij: Takochꞌoꞌ chi na jubꞌaꞌ nuwech y nitaj nojel ri nukꞌas chawa.

နောက်ထပ်ဗားရှင်းများ

Kaqchikel Santa Maria de Jesus

²⁶ Ri samajiel can ja xxuquie-ka pan ulief choch ri rey, y altíra nuꞌon rogar cha. Ri samajiel nuꞌej cha ri rey: Tabꞌanaꞌ favor quinavoyoꞌiej chic bꞌaꞌ. Inreꞌ can xtintzoliej chava nojiel ri nucꞌas, xchaꞌ jajaꞌ.

Kaqchiquel Bible

²⁶ K'ari' ri samajel xuqasaj-ri' k'a pan ulew chuwech ri rey, y janila k'a nuk'utuj utzil chire y nubila' k'a: Wajaw, tabana' utzil kinawoyobej chik juba'. Yin kan xtintoj k'a ronojel ri nuk'as chawe, xcha'.

Kaqchikel Central Guatemala

²⁶ Can jac'ari' tok ri samajel xukasaj-ri' c'a pan ulef chuvech ri rey, y janíla c'a nuc'utuj utzil chire. Ri samajel nubila' c'a chire ri rey: Tabana' utzil quinavoyobej c'a juba' más. Yin can xtintoj c'a chave ronojel ri nuc'as, xcha' rija'.

Re C'ac'a Testamento pa Kach'abal

²⁶ Can jare' tak re samajel re' xuque' chach re Rey y re nic'aj-rach c'a pan ulef xka-va-ka, y camas nuc'utuj utzil cha. Y ja quire' nubila' re samajel cha re Rey: Tabana' utzil quinayabej chic ba'. Yen can xtintoj ronojel re nuc'as chava.

Kaqchikel Western Solola

²⁶ Can yac'ari' tek ri mozo xxuque' xmaje' ka chuwech ri rey riche (rixin) chi nuc'utuj jun utzil chare. Y xubij c'a chare ri rey: Tabana' jun utzil chi quinawoyobej na juba'. Riyin can xtintoj c'a chawe ronojel ri nuc'as, xcha'.

San Mateo 18:26 ပူးပေါင်းရင်းမြစ်များ

San Mateo 18:29

Ja atoq riꞌ ri rachibꞌil xxukeꞌ chuwech ri jun ri xkuy rukꞌas, y kereꞌ rukamelal xukꞌutuj chare: Takochꞌoꞌ chi na jubꞌaꞌ nuwech y nitaj nojel ri nukꞌas chawa.

San Lucas 7:43

Y ri Simón xubꞌij chare ri Jesús: Riyin nibꞌij chi ja ri xkuyutej rikꞌin más kꞌiy rukꞌas. Y ri Jesús xubꞌij chare: Ja keriꞌ, achel xabꞌij.

San Mateo 8:2

Kꞌateꞌ ruwech, xjel apu jun achi kꞌo lepra chirij, xxukeꞌ qa, xuqasaj rujolon pa ulew chuwech ri Jesús y kereꞌ xubꞌij chare: Ajaw, si rat ndawojoꞌ, kin ngatiker nganachꞌajchꞌojrisaj chuwech ri nuyabꞌil.

Romanos 10:3

Porque rejeꞌ ma kikꞌoxoman ta chi ja ri Dios ndibꞌanun chi nixta jun rumak ndireqalej jun wineq, y romariꞌ xa kiyon chikiwech kikanon qa jun chik rubꞌeyal chin ta ma jun kimak ndikeqalej, y kiyoꞌon kan rokacheq chuwech ri rubꞌeyal ri rukꞌutun kan ri Dios.

San Mateo 2:11

Y atoq xebꞌeqaqa apeꞌ kꞌo ri akꞌual, xeꞌok apu pa achoch, y xkitzꞌet ri chꞌuti akꞌual rikꞌin ri María ri ruteꞌ. Xexukeꞌ qa y xkiqasaj kijolon pa ulew chin xkiyaꞌ ruqꞌij ri akꞌual. Xekijeq ri yakbꞌel apeꞌ ekikꞌuan apu kibꞌeyomal, y xkisipaj kan qꞌanapueq, pon y mirra chare.