San Mateo 18:23 - Kaqchikel Santo Domingo (Xenacoj)

²³ Romariꞌ, ri ru-reino ri aj chikaj Dios pa kiwiꞌ ri wineq, ndiqajunumaj rikꞌin ri xubꞌen jun rey ri xrajoꞌ xutzꞌet jarupeꞌ méra kikꞌas ri rusamajelaꞌ chin ndikitaj chare.

နောက်ထပ်ဗားရှင်းများ

Kaqchikel Santa Maria de Jesus

²³ Ri reino ri cꞌo chicaj can junan riqꞌuin ri xuꞌon jun rey ri xrajoꞌ xunaꞌiej janeꞌ (jaroꞌ) quicꞌas chiquijunal ri rusamajiel.

Kaqchiquel Bible

²³ Roma ri' ri Jesús xubij chi ri aj-chikajil ajawaren kan achi'el k'a xuben jun rey ri xrajo' k'a nuchojmirisaj janipe' kik'as chikijujunal ri rusamajela'.

Kaqchikel Central Guatemala

²³ Roma chupan ri aj-chicajil k'atbel-tzij, can nibanatej c'a achi'el ri xbanatej roma jun rey. Re rey re' xrajo' c'a nuchojmirisaj janipe' quic'as chiquijujunal ri rusamajela'.

Re C'ac'a Testamento pa Kach'abal

²³ Roma chupan re ru-gobierno re Dios, can nibanataj ancha'l xbanataj riq'uin jun Rey. Re Rey re' nrajo' nutamaj jenipa' quic'as cada jun chique re ye'samaj riq'uin.

Kaqchikel Western Solola

²³ Ruma chupan ri rajawaren ri caj, can nibanatej c'a achi'el ri xuben jun rey, tek xrajo' c'a xuchojmirisaj janipe' quic'as chiquijujunal ri rumozos.

San Mateo 18:23 ပူးပေါင်းရင်းမြစ်များ

San Mateo 13:24

Ri Jesús xutzijoj chik jun parábola chake y xubꞌij: Ri ndibꞌanatej pa ru-reino ri aj chikaj Dios ndiqajunumaj rikꞌin ri xbꞌanatej pa rulew jun achi ri xutik utzulej semilla chupan.

Romanos 14:12

Romariꞌ, nderilaꞌ qꞌij atoq chiqajununal ndeqabꞌij chuwech ri Dios ri xqabꞌen pa qakꞌaslen.

San Mateo 13:47

Keriꞌ chuqaꞌ ri aj chikaj reino ndiqajunumaj rikꞌin jun mama yaꞌl ri ndiyoꞌox qa pa yaꞌ, y jalajaj kiwech ker ndikiyaꞌ kiꞌ chupan.

San Mateo 3:2

Y kereꞌ ndubꞌij chake ri wineq: ¡Tiyaꞌ kan ri mak, y titzolij pe iwánima rikꞌin ri Dios, porque naqaj chik kꞌo ri qꞌij atoq ri aj chikaj Dios ndutzꞌuk ndubꞌen reinar pa kikꞌaslen ri wineq!

1 Corintios 4:5

Romariꞌ, rix ma xetal tibꞌij chi jun rusamajel ri Cristo utz ndubꞌen chare ri samaj y jun chik ma utz ta. Atoq nduqaqa ri Ajaw, ja rijaꞌ ndiqꞌalajrisan nojel ri kꞌo pa qꞌequꞌ y nduruqꞌalajrisaj chuqaꞌ achike xnimo richin jun samajel chin xubꞌen ri samaj xjach pa ruqꞌaꞌ. Chupan ri qꞌij riꞌ, kꞌaja na ri Dios xtibꞌiꞌin chaqe chiqajununal achike ri utz xqabꞌen.

San Mateo 25:14

Porque chupan ri aj chikaj reino ndibꞌanatej achel xbꞌanatej rikꞌin ri xubꞌen jun achi ri ndutzꞌen bꞌey chin ndibꞌa pa jun chik rochꞌulew. Ri achi riꞌ xeroyoj ri loqꞌon teq rusamajelaꞌ y xujech kan méra pa kiqꞌaꞌ chin ndikisamajij.

San Mateo 13:52

Y ri Jesús xubꞌij chake: Roma rix ndibꞌij chi ndikꞌoxomaj, romariꞌ nibꞌij chiwa: Nojel tijonel chin ri ley ri xyoꞌox chare ri Moisés ri rutijon pe riꞌ chirij ri ru-reino ri aj chikaj Dios, ri tijonel riꞌ achel jun rajaw achoch ri kꞌo kꞌakꞌakꞌ y ojer teq bꞌeyomal ruyakon y atoq ndikꞌatzin, ngerelesaj pe chin ngerukusaj.

San Mateo 13:33

Ri Jesús xutzijoj jun chik parábola chake, y xubꞌij: Ri ndibꞌanatej rikꞌin ru-reino ri aj chikaj Dios ndiqajunumaj rikꞌin ri xbꞌanatej atoq jun ixaq xutzꞌen levadura y xuyaꞌ chukajal oxiꞌ medida harina chin xubꞌen keꞌen. Ri levadura xukiraj riꞌ chupan nojel ri keꞌen.

San Mateo 13:31

Ri Jesús xutzijoj chik jun parábola chake, y xubꞌij: Ri ndibꞌanatej rikꞌin ru-reino ri aj chikaj Dios ndiqajunumaj rikꞌin ri ndibꞌanatej rikꞌin jun semilla mostaza ri xutik jun achi pa ruqejoj.

San Mateo 25:1

Ri Jesús xubꞌij: Atoq riyin ngitzolij chi pe, ndibꞌanatej pa aj chikaj reino achel xbꞌanatej pa jun kꞌulubꞌik, atoq lajuj qꞌopojiꞌ xkitzꞌen ki-lámparas y xeꞌel e chukꞌulik ri kꞌajol ndikꞌuleꞌ.

San Mateo 7:24

Romariꞌ, ri ndirakꞌaxaj ri tzij ngitajin chubꞌixik y ndubꞌen pa rukꞌaslen, nijunumaj rikꞌin jun achi ri kin ndikaney runoꞌoj. Ri achi riꞌ nej xukꞌat qa ri ulew chin xubꞌen qa ruxeꞌ ri rachoch pa xeq ulew.

San Mateo 18:24

Atoq xutzꞌuk chin ndutzꞌet ri kikꞌas, xukꞌuꞌex apu chuwech rijaꞌ jun rusamajel ri santienta millón méra rukꞌas.