San Mateo 18:10 - Kaqchikel Santo Domingo (Xenacoj)

¹⁰ Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

နောက်ထပ်ဗားရှင်းများ

Kaqchikel Santa Maria de Jesus

¹⁰ Man tiꞌan chica chi man jun quikalien ri man jun oc quikꞌij, ruma chivach ixreꞌ can i-coꞌl-oc. Inreꞌ niꞌej chiva chi ijejeꞌ icꞌo ángeles ri ncaꞌchajin quichin, y ri ángeles reꞌ can siempre icꞌo riqꞌuin ri Nataꞌ ri cꞌo chicaj.

Kaqchiquel Bible

¹⁰ Man k'a tiwetzelaj ri más ruqasan-ri' chike ri nutijoxela', roma rije' kan e chajin-pe koma ángel ri ek'o rik'in ri nata'.

Kaqchikel Central Guatemala

¹⁰ Man c'a que'ivetzelaj ri vinek ri can man jun oc quik'ij, roma rije' can e chajin coma ángeles. Y yin ninbij c'a chive chi ri chajinela' quichin rije' can jantape' c'a yetiquir ye'apon chila' chicaj riq'uin ri Nata'.

Re C'ac'a Testamento pa Kach'abal

¹⁰ Man c'a que'tzelaj re vinak re camanak quik'ij, roma reje' can je'chajin coma re ángeles. Y yen nimbij chiva che re ye'chajin quichin reje' can nojel tiempo ye'tiquir ye'bapon chila' chicaj riq'uin re Nata'.

Kaqchikel Western Solola

¹⁰ Man c'a tiwetzelaj ta jun chique re tak ac'ala' re', ruma riyin nbij c'a chiwe chi ri ángeles ri nichajin quiche (quixin) riye' can quitzuliben apo ri Nata' chila' chicaj.

San Mateo 18:10 ပူးပေါင်းရင်းမြစ်များ

Hebreos 1:14

Porque konojel ri ángeles xa erusamajelaꞌ ri Dios y e-espíritus ri ngeruteq chikitoꞌik ri wineq ri achoq chake nduyaꞌ ri kolotajik.

San Lucas 16:22

Kꞌo jun qꞌij xken ri Lázaro y xukꞌuꞌex koma ri ángeles apeꞌ kꞌo ri Abraham. Xken chuqaꞌ ri bꞌeyon y xbꞌemuq.

San Mateo 24:31

Rikꞌin nimalej ruxulik trompeta, ngenteq ri nu-ángeles chuwech nojel ri rochꞌulew, chin ngebꞌekimoloꞌ ri enuchaꞌon. Y ma jun apeꞌ chuxeꞌ ri kaj ri man ta xkeꞌeqꞌax wi.

San Lucas 1:19

Ri ángel xubꞌij chare: Ja riyin ri Gabriel ri yinkꞌo chuwech ri Dios chin ngiruteq apejeꞌ na, y wokami yin taqon pe chin nuyaꞌ qa re utzulej tzij reꞌ chawa chi ndikꞌojeꞌ jun awalkꞌuaꞌl.

San Mateo 18:14

Keriꞌ chuqaꞌ ri Itataꞌ Dios chikaj ma ndirajoꞌ ta chi ndisach jun chikikajal re chꞌuteq wíta reꞌ ri yin kitaqin.

San Mateo 18:6

Pero juyo ruwech ri ndibꞌanun chare jun chikiwech re chꞌuteq wíta reꞌ ri yin kitaqin, chi ndiril jun roma ngiruyaꞌ kan. Xa más ta utz chare chi nditzeqebꞌex chuqul jun nim abꞌej jokꞌbꞌel trigo, y ndetorix pa mar chin ndibꞌa qa hasta chuxeꞌ yaꞌ.

San Mateo 2:19

Atoq xken yan ri Herodes, jun ángel chin ri Ajaw xuqꞌalajrisaj riꞌ pa rachikꞌ ri José chiriꞌ pa rochꞌulew Egipto.

San Mateo 2:13

Atoq xebꞌa yan ri achiꞌaꞌ nimalej kinojibꞌal, jun ru-ángel ri Ajaw xuqꞌalajrisaj riꞌ pa rachikꞌ ri José, y kereꞌ xubꞌij chare: Kayakatej, takꞌuaj ri chꞌuti akꞌual y ri ruteꞌ y kixanimej. Kixbꞌiyin pa rochꞌulew Egipto, y kixkꞌojeꞌ chiriꞌ hasta kꞌa xtinbꞌij na chawa, porque ri rey Herodes yaméra nduteq rukanoxik ri akꞌual chin ndukamisaj.

San Mateo 1:20

Pero atoq kꞌaja ndunojilaꞌ nojel reꞌ, jun ángel chin ri Ajaw xuqꞌalajrisaj riꞌ chuwech pa rachikꞌ y xubꞌij chare: José, rukꞌajol ri David, ma taxibꞌij awiꞌ ndakꞌen ri María chin ndok awixjayil, porque ri akꞌual royobꞌen, riꞌ rusamaj ri Espíritu Santo.

1 Tesalonicenses 4:8

Romariꞌ, si kꞌo jun ri ma ndirajoꞌ ta ndunimaj re tijonik reꞌ, ma chikiwech ta wineq nduyaꞌ kan roracheq, xa kin chuwech ri Dios ri yoyon pe ri Espíritu Santo pa iwánima.

1 Corintios 11:22

¿Maneq kami iwachoch chin ngixwaꞌ y nditij iyaꞌ? Pero ri achel ngixtajin rikꞌin, xa ma jun keqalen ndibꞌen chake ri eralkꞌuaꞌl ri Dios ri ndikimal kiꞌ iwikꞌin, xa ngeꞌikꞌixbꞌisaj ri maneq ok kichajin chiꞌikajal. ¿Achike kami xtinbꞌij chiwa rikꞌin ri keriꞌ ndibꞌen? Riyin ma ngikikot ta roma ri ngixtajin rikꞌin.

1 Corintios 16:11

Romariꞌ, ma jun chiwech rix tubꞌen chare chi maneq reqalen. Tiyaꞌ pe ri ndikꞌatzin chare atoq ndutzꞌen chi pe bꞌey, y tibꞌanaꞌ chi ndikikot nditzolij pe chireꞌ apeꞌ yinkꞌo, porque riyin woyobꞌen junan kikꞌin ri chꞌaqa chik hermanos.

Romanos 14:10

Jakꞌa rat ri kꞌa maneq ok ruchuqꞌaꞌ awánima rikꞌin ri Ajaw, ¿achike roma ngawalal chirij ri a-hermano? Y keriꞌ chuqaꞌ rat ri kꞌo ruchuqꞌaꞌ awánima rikꞌin ri Ajaw, ¿achike roma itzel ndatzꞌet ruwech ri a-hermano? Porque nderilaꞌ qꞌij atoq roj qonojel ngojbꞌeqaqa chuwech ri Dios chin ndiqꞌat tzij pa qawiꞌ.

Hechos 27:23

Porque ixqꞌeq xukꞌut riꞌ jun ángel chinuwech taqon pe roma ri Wajaw Dios ri achoq samaj nibꞌen,

Hechos 12:23

Pa jumel ruwech jun ángel chin ri Ajaw xubꞌen chi xqaqa jun yabꞌil pa ruwiꞌ ri Herodes, y ri Herodes xkꞌux koma jut y jariꞌ xok chare chi xken. Jariꞌ ri castigo xyoꞌox chare, porque xrajoꞌ xujunumaj riꞌ rikꞌin ri Dios, roma utz xunaꞌ chi ri wineq xkibꞌij chi rijaꞌ jun dios.

Hechos 12:15

Pero ri kimolon kiꞌ pa jay xkibꞌij chare ri aj ikꞌ: ¡Rat xa rat chꞌuꞌj! Pero ri aj ikꞌ nduyal riꞌ chubꞌixik chi ja ri Pedro, y rejeꞌ ndikibꞌilaꞌ chare: Naq, riꞌ xa ja ri ángel ri ndichajin richin.

Hechos 10:3

Pa rox laꞌeq hora chin jun tiqaqꞌij, ri Cornelio xubꞌen jun achel achikꞌ, y jabꞌel qꞌalej xutzꞌet jun ángel chin ri Dios ri bꞌaneq apu apeꞌ kꞌo rijaꞌ y ri ángel kereꞌ xubꞌij chare: ¡Cornelio!

Hechos 5:19

Pero chupan ri jun tokoqꞌaꞌ riꞌ, jun ángel chin ri Ajaw xujeq ruchiꞌ ri cheꞌ chikiwech ri apóstoles y xerelesaj e, y kereꞌ xubꞌij chake:

1 Timoteo 4:12

Man ta jun ri xtubꞌen chawa chi ma jun aweqalen roma kꞌa rat kꞌajol. Pero chin ma tibꞌanatej keriꞌ, katok ejemplo chikiwech ri hermanos rikꞌin ri tzij ngeꞌel pa achiꞌ, rikꞌin chuqaꞌ akꞌuan jun chojmilej kꞌaslen, rikꞌin ngatojowan, rikꞌin kuqul akꞌuꞌx rikꞌin ri Dios, y rikꞌin akꞌuan jun chꞌajchꞌaj kꞌaslen.

1 Corintios 9:22

Chikikajal ri kꞌajani ok ruchuqꞌaꞌ kánima rikꞌin ri Ajaw, ma nibꞌen ta ri pa kiwech rejeꞌ xa xajan, chin keriꞌ ma ndikil ta jun roma ndikiyaꞌ kan rijaꞌ. Y keriꞌ nubꞌanun pe chare ri nukꞌaslen chikikajal konojel, chin keriꞌ kolopeꞌ ekꞌo jujun chikikajal xtikitaqij ri Jesús.

Romanos 15:1

Romariꞌ, roj ri kꞌo ruchuqꞌaꞌ qánima rikꞌin ri Ajaw, keqakochꞌoꞌ ri hermanos kꞌa maneq ok ruchuqꞌaꞌ kánima, y ma tiqabꞌen xaxe ri ndiqaꞌ chiqawech roj.

Romanos 14:21

Romariꞌ nibꞌij chiwa: Más utz ma tiqakꞌux tiꞌij, nixta tiqatij vino, nixta tiqabꞌen jun achike ri ndubꞌen chare jun hermano chi nduyaꞌ kan ri Dios.

Apocalipsis 8:2

Y xentzꞌet ri wuquꞌ ángeles ri epeꞌel apu chuwech ri Dios, y xyoꞌox jujun trompeta pa kiqꞌaꞌ chikijununal.

Gálatas 6:1

Hermanos, si ndilitej jun ri ndajin rikꞌin mak, rix ri ukꞌuan ri ikꞌaslen roma ri Espíritu Santo, rikꞌin loqꞌ iwánima tibꞌochiꞌij ránima ri jun riꞌ chin nduyaꞌ kan ri mak y nditzolij ránima rikꞌin ri Ajaw. Pero tibꞌanaꞌ cuenta iwiꞌ, ma kꞌateꞌ kixtzaq chuqaꞌ rix pa mak.

2 Corintios 10:10

Keriꞌ nibꞌij chiwa, porque ekꞌo jujun chiꞌikajal ri ndikibꞌilaꞌ chi ri wuj ngenteq e chiwa, xe chꞌolinik y kaw teq tzij enutzꞌibꞌan e chupan, pero atoq yinkꞌo chiꞌikajal xa ma jun ok wuchuqꞌaꞌ y nixta jun ndiyoꞌon pa cuenta nutzij.

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

San Lucas 10:16

Y ri Jesús xubꞌij chuqaꞌ chake ri ngeruteq: Ri xtirajoꞌ xtirakꞌaxaj ri rutzij ri Dios ri ndeꞌitzijoj rix, ja riyin ri ngirakꞌaxaj. Pero ri ma xtirajoꞌ ta xtirakꞌaxaj ri tzij riꞌ, ja riyin ri ma ndirajoꞌ ta ngirakꞌaxaj, y ri ma xtirajoꞌ ta xkirakꞌaxaj, ma ndirajoꞌ ta ndirakꞌaxaj rutzij ri taqayon pe wichin.

San Mateo 12:20

Rijaꞌ ma ndukꞌis ta kiqꞌij ri wineq ri achel aj eqꞌajneq rubꞌanun ri kikꞌaslen, Y maske ri rukꞌaslen jun wineq kin achel jun mecha ri xe chik sibꞌ ndirelesaj, rijaꞌ ma nduchup ta. Y kin jumul keriꞌ ri utzulej runoꞌoj chake ri wineq, hasta kꞌa tuqaqa na ri qꞌij atoq ndubꞌen chi pa ruchojmil ndibꞌan nojel.

Hebreos 9:24

Keriꞌ nibꞌij chiwa porque ri Cristo, ma chupan ta ri aj rochꞌulew rachoch ri Dios, ri kin rachibꞌel wi ri qetzij rachoch ri Dios, xok chin xusuj ri rukikꞌel. Ri Cristo xbꞌa e chikaj, y xbꞌeqaqa chuwech ri Dios chin ndukꞌutuj favor pa qawiꞌ.