San Mateo 16:16 - Kaqchikel Santo Domingo (Xenacoj)

¹⁶ Y ri Simón Pedro xubꞌij: Ja rat ri Rukꞌajol ri Kꞌaslik Dios, ri Jun taqon pe roma ri Dios chukolik ri rutinamit.

နောက်ထပ်ဗားရှင်းများ

Kaqchikel Santa Maria de Jesus

¹⁶ Y ri Simón Pedro ja xuꞌej cha ri Jesús: Atreꞌ ri Cristo, ri Rucꞌajuol ri cꞌaslic Dios, xchaꞌ cha.

Kaqchiquel Bible

¹⁶ Y ri Simón Pedro kan jari' k'a xubij chire ri Jesús: Ja rat ri Cristo, ri ruk'ajol ri k'aslik Dios, xcha' chire.

Kaqchikel Central Guatemala

¹⁶ Y ri Simón Pedro can jac'ari' xubij chire ri Jesús: Ja rat ri Cristo, ri Ruc'ajol ri c'aslic Dios, xcha' chire.

Re C'ac'a Testamento pa Kach'abal

¹⁶ Y re Simón Pedro can jare' xubij cha re Jesús: Ja rat re Cristo re Ruc'ajol re c'aslic Dios.

Kaqchikel Western Solola

¹⁶ Y ri Simón Pedro can yac'ari' tek xubij: Yit c'a riyit ri Cristo, ri Ruc'ajol ri c'aslic Dios, xcha' chare.

San Mateo 16:16 ပူးပေါင်းရင်းမြစ်များ

San Mateo 14:33

Y ri ekꞌo pa barco xkiyaꞌ ruqꞌij ri Jesús y xkibꞌij chare: ¡Kin qetzij wi chi ja rat ri Rukꞌajol ri Dios!

San Juan 11:27

Y ri Marta xubꞌij: Jaꞌn, Ajaw, riyin nitaqij chi ja rat ri Jun taqon pe roma ri Dios chukolik ri rutinamit, chi ja rat ri Rukꞌajol ri Dios, ri bꞌiꞌin kan chi nduqaqa.

1 Juan 4:15

Xa achike na jun ri ndutaqij chi ja ri Jesús ri Rukꞌajol ri Dios, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.

San Mateo 27:54

Ri ki-jefe 100 soldados y ri soldados ri ekꞌo apu chiriꞌ chin ndikichajij ri Jesús, atoq xkinaꞌ ri kobꞌraqen y xkitzꞌet nojel ri ndajin, santienta xkixibꞌij qa kiꞌ y ndikibꞌilaꞌ: ¡Kin qetzij chi re achi reꞌ Rukꞌajol ri Dios!

1 Timoteo 4:10

Romariꞌ ndiqatij qaqꞌij y ndiqakosisaj qiꞌ chin ndiqabꞌen rusamaj ri Dios. Porque qakuqubꞌan qakꞌuꞌx rikꞌin ri Kꞌaslik Dios chi nduyaꞌ chaqe ri qoyobꞌen. Xe wi rijaꞌ ri ndikolo kichin konojel wineq, y ja ri ngetaqin richin ri ngerukal.

Hechos 9:20

Ri Saulo kin ja paqiꞌ xutzꞌuk ndok pa teq sinagogas chin ndutzijoj chi ri Jesús kin Rukꞌajol wi ri Dios.

1 Tesalonicenses 1:9

Porque ri ngeyoꞌon utzulej itzijol rix ndikitzijoj chuqaꞌ chi atoq xojbꞌeqaqa pa itinamit, rix xikꞌen apu utz-utz qawech. Ndikitzijoj chuqaꞌ chi xeꞌiyaꞌ kan ri tiox y xitaqij ri qetzij y Kꞌaslik Dios chin ndiyaꞌ ruqꞌij y ndibꞌen ri rusamaj,

San Mateo 26:63

Pero ri Jesús nixta jun achike xubꞌij. Y ri más nimalej ruqꞌij sacerdote xubꞌij chare: Pa rubꞌiꞌ ri Kꞌaslik Dios nibꞌen mandar chawa chi tabꞌij chaqe si ja rat ri Rukꞌajol ri Dios, ri nditaq pe chukolik ri rutinamit, o naq.

1 Juan 5:5

Y ri ngetiker pa ruqꞌaꞌ ri itzel teq rayinik, ja ri ngetaqin chi ri Jesús kin Rukꞌajol wi ri Dios.

Hebreos 10:31

Y ¡kin juyo ruwech ri ndiqaqa pa ruqꞌaꞌ ri Kꞌaslik Dios chin ndiyoꞌox castigo chare!

Romanos 1:4

Pero ma xe ta xuꞌok riy-rumam ri David, xa kin rikꞌin ruchuqꞌaꞌ ri Espíritu Santo xkꞌastajbꞌex pe chikikajal ri animaꞌiꞌ, y keriꞌ xqꞌalajin chi rijaꞌ Rukꞌajol ri Dios ri kꞌo uchuqꞌaꞌ pa ruqꞌaꞌ. Y riꞌ ja ri Jesucristo ri Qajaw.

Marcos 14:61

Pero ri Jesús nixta jun achike xubꞌij chin ta xutzolij ruwech rutzij. Y ri más nimalej ruqꞌij sacerdote xukꞌutuj chik razón chare: ¿Ja rat ri Jun ri nditaq pe roma ri Dios chukolik ri rutinamit? ¿Ja rat ri Rukꞌajol ri nimalej ruqꞌij Dios?

San Juan 20:31

Pero ri retal ruchuqꞌaꞌ ri Dios ri xetzꞌibꞌex kan chupan re wuj reꞌ, xetzꞌibꞌex chin nditaqij chi ja ri Jesús ri taqon pe roma ri Dios chukolik ri rutinamit y chi ja rijaꞌ ri Rukꞌajol ri Dios. Y xetzꞌibꞌex chuqaꞌ chin keriꞌ rix ri ngixtaqin, ndikꞌojeꞌ ikꞌaslen rikꞌin rijaꞌ.

San Juan 1:49

Ja atoq riꞌ ri Natanael xubꞌij chare ri Jesús: Tijonel, ja rat ri Rukꞌajol ri Dios y ja rat ri Rey pa qawiꞌ roj israelitas.

Hebreos 12:22

Pa rukꞌexel riꞌ, rix, rix jeleneq apu chunaqaj ri juyuꞌ rubꞌiniꞌan Sión, apeꞌ kꞌo rutinamit ri Kꞌaslik Dios, ri aj chikaj Jerusalén y rix jeleneq apu chikinaqaj millones chi ángeles ri junan ngekikot ndikiyaꞌ ruqꞌij ri Dios.

1 Timoteo 3:15

chin keriꞌ si ma xkibꞌeqaqa yan ta, awetaman ri achike chi kꞌaslen ndikꞌatzin ndakꞌuaj chikiwech ri eralkꞌuaꞌl ri Dios. Porque ja rejeꞌ ri rutinamit ri Kꞌaslik Dios, y ja rejeꞌ ri etemeyon richin ri qetzij, kin achel jun ruxeꞌ jay nditemen richin ri jay.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.

2 Corintios 6:16

Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan: Ri yin kitaqin, nibꞌen wachoch chare ri kánima y ngikꞌojeꞌ chikikajal, Riyin nginok ki-Dios, Y rejeꞌ ngeꞌok nutinamit.

2 Corintios 3:3

Kin ndiqꞌalajin chi rix, rix achel jun wuj taqon roma ri Cristo, y ja roj ri roj rukusan ri Dios chin keriꞌ ri wuj riꞌ nditzꞌetetej koma ri wineq. Y ma tzꞌibꞌan ta chuwech tzꞌalen teq abꞌej, nixta rikꞌin tzꞌibꞌabꞌel, xa kin rikꞌin ri Espíritu chin ri Kꞌaslik Dios tzꞌibꞌan pa kánima ri kitaqin rijaꞌ.

Hechos 14:15

Rix aj Listra, ma utz ta kelaꞌ ndibꞌen. Porque roj xa roj wineq achel rix, y ndiqatzijoj ri utzulej teq tzij chin kolotajik chiwa, chin ndiyaꞌ kan ri noꞌoj ri xa ma jun reqalen y ndiyaꞌ iwánima rikꞌin ri Kꞌaslik Dios ri bꞌanayon ri kaj y ri rochꞌulew y nojel ri ekꞌo chuwech, ri mar y nojel ri ekꞌo chupan.

San Mateo 4:3

Y ri itzel ri nditaqchiꞌin richin xbꞌeqaqa apeꞌ kꞌo ri Jesús y xubꞌij chare: Rat ri rat Rukꞌajol ri Dios, tabꞌij chi re abꞌej reꞌ keꞌok qa kaxlan wey.

Hechos 8:36

Atoq kitzꞌamon bꞌey ebꞌaneq, xebꞌeqaqa pa jun lugar apeꞌ kꞌo yaꞌ, y ri achi xubꞌij: ¡Tatzꞌetaꞌ! Kꞌo yaꞌ waweꞌ. ¿Kꞌo kami jun achike ndiqꞌato wichin chi ngibꞌan bautizar?

San Juan 6:69

Roj qetaman y qataqin chi ja rat ri Loqꞌolej Rukꞌajol ri Dios.

San Mateo 1:16

Ri Jacob xralkꞌualaj ri José ri xok rachijil ri María, ri achoq chuqꞌaꞌ xalex ri Jesús. Y ri Jesús jariꞌ ri Jun taqon pe roma ri Dios chukolik ri rutinamit.

San Mateo 16:15

Ri Jesús xubꞌij chake: Jakꞌa pa iwech rix, ¿achike riyin?

San Lucas 2:11

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

San Juan 6:57

Y achel yin rutaqon pe ri Kꞌaslik Tataꞌaj Dios, ri achoq roma jumul kꞌo nukꞌaslen, keriꞌ chuqaꞌ ri ndikꞌuxu ri nu-cuerpo, nibꞌen chare chi woma yin jumul ndikꞌojeꞌ rukꞌaslen.

San Juan 6:68

Ri Simón Pedro xubꞌij chare ri Jesús: Ajaw, ¿achike chik kꞌa jun utz chin ta xtiqoqaj? Porque awikꞌin rat pataneq ri tzij ri ndukꞌen pe kꞌaslen ma ndikꞌis ta.

2 Corintios 1:19

Porque ri Jesucristo, ri Rukꞌajol ri Dios, ma ndubꞌij ta jun achike ri ma ndubꞌen ta, rijaꞌ kin jumul wi ndubꞌen ri ndubꞌij, keriꞌ ri qatzijon kan riyin Pablo, ri Silvano y ri Timoteo chiwa, y rikꞌin ri Cristo nditzꞌetetej chi ri Dios kin jumul wi ndubꞌen ri ndubꞌij,

Hebreos 3:12

Rix hermanos, wokami ndikꞌatzin chi ndichajij ri ikꞌaslen, ma kꞌateꞌ kꞌo jun chiwech rix ri itzel xtubꞌen qa ránima y ma xtutaqij chi ta ri ndubꞌij ri Kꞌaslik Dios, y romariꞌ xtuyaꞌ kan.

Hebreos 9:14

Y si keriꞌ ngetiker ndikibꞌen ri kikikꞌel y ri kichajil ri chikap, ¡kin más wi nditiker ndubꞌen ri rukikꞌel ri Cristo! Porque ri rukikꞌel ri xbꞌiyin cho cruz, nduchꞌajchꞌojrisaj ri qánima chuwech ri itzel teq achike eqabꞌanaloꞌon ri xa pa kamik ngojrukꞌuaj. Keriꞌ xubꞌen ri Cristo chin ndiqayaꞌ ruqꞌij ri Kꞌaslik Dios. Ri Cristo rikꞌin ri ruchuqꞌaꞌ ri Espíritu ri jumul kꞌo rukꞌaslen, xusuj riꞌ chi chꞌajchꞌaj ofrenda chuwech ri Dios.

Apocalipsis 7:2

Xintzꞌet chuqaꞌ jun ángel eleneq e apeꞌ ndalex pe ri qꞌij y jatal e chikaj, rukꞌuan jun sello chin ri Kꞌaslik Dios, ri achoq chare nduyaꞌ ketal ri eralkꞌuaꞌl ri Dios. Ri ángel riꞌ kaw xsikꞌin chake ri kajiꞌ ángeles ri achoq chake yoꞌon uchuqꞌaꞌ chin ndikiyaꞌ kꞌayew pa ruwiꞌ ri rochꞌulew y ri mar.

Hechos 8:37

Y ri Felipe xubꞌij: Si rat rikꞌin nojel awánima ndataqij ri Jesucristo, kꞌo cheꞌel ndabꞌen bautizar awiꞌ. Y ri achi xubꞌij: Jaꞌn, nitaqij chi ja ri Jesucristo ri Rukꞌajol ri Dios, xchajeꞌ.