San Mateo 12:20 - Kaqchikel Santo Domingo (Xenacoj)

²⁰ Rijaꞌ ma ndukꞌis ta kiqꞌij ri wineq ri achel aj eqꞌajneq rubꞌanun ri kikꞌaslen, Y maske ri rukꞌaslen jun wineq kin achel jun mecha ri xe chik sibꞌ ndirelesaj, rijaꞌ ma nduchup ta. Y kin jumul keriꞌ ri utzulej runoꞌoj chake ri wineq, hasta kꞌa tuqaqa na ri qꞌij atoq ndubꞌen chi pa ruchojmil ndibꞌan nojel.

နောက်ထပ်ဗားရှင်းများ

Kaqchikel Santa Maria de Jesus

²⁰ Y ri aj ri kꞌajnak chic jubꞌaꞌ, jajaꞌ man xtuꞌon ta cha chi nikꞌaj. Y xa ri rucꞌaslien jeꞌ jun vinak incheꞌl ta jun kꞌakꞌ ri joꞌc chic sebꞌ nuyaꞌ, jajaꞌ man xtuchup ta. Y quireꞌ xtuꞌon-apa, cꞌa antok xtalka ri kꞌij chi jajaꞌ xtuꞌon juzgar nojiel pa ruchojmil.

Kaqchiquel Bible

²⁰ Man xtuq'ej ta jumul ri aj ri kan q'ajineq kan juba'. Ni man xtuchup ta ri candil ri nibuqulin sib chire. Rija' jantape' xtuben pa ruchojmilal.

Kaqchikel Central Guatemala

²⁰ Y stape' ri ruc'aslen jun vinek achi'el ta chic jun aj ri paxnek, rija' man xtuben ta c'a chire chi nik'aj. Chuka' vi ri ruc'aslen jun vinek achi'el ta ruxak jun k'ak' ri nibukun roma nichup yan ka, rija' man xtuchup ta. Y jantape' queri' xtuben-apo, c'a tok xtapon ri k'ij chi rija' xtuben chi xtich'acon ri chojmilej k'atbel-tzij.

Re C'ac'a Testamento pa Kach'abal

²⁰ Y astapa' re ruc'aslen jun vinak ancha'l-ta jun aj cotoquic rij, reja' can man xtuk'aj-ta. Chuka' vo xa re ruc'aslen jun vinak ancha'l-ta jun rutza'n si' nibuku roma nichup-yan-ka, reja' can man xtuchup-ta. Y nojel tiempo quire' xtuban-apo, c'a jampa' xtapon re k'ij tak reja' xtuban che xtic'ue' re utzulaj ru-gobierno.

Kaqchikel Western Solola

²⁰ Y ri aj ri xa paxnek chic, Riya' ma xtuben ta c'a chare chi nik'aj. Chuka' jun k'ak' ri xa nibuku chic ruma xa nichuptej yan ka, Riya' xtuben chare chi ma xtichuptej ta ka. Y queri' xtuben apo, c'a ya tek xtapon ri k'ij chi Riya' xtuben chi xtich'acon ri utzilaj ruk'atbel tzij.

San Mateo 12:20 ပူးပေါင်းရင်းမြစ်များ

San Lucas 4:18

Ri Espíritu chin ri Ajaw kꞌo pa nuwiꞌ, Roma yin ruchaꞌon Chin niqꞌalajrisaj ri utzulej teq tzij chin kolotajik chake ri maneq ok kichajin, Yin rutaqon pe chuqaꞌ chin ngenwelesaj ri wineq pa ruqꞌaꞌ ri itzel, Yin taqon chuqaꞌ chin nibꞌen chake ri wineq esoqꞌ chi ngetzuꞌun Y yin taqon chin ngeꞌel libre ri etzꞌamon,

Apocalipsis 6:2

Y atoq xitzuꞌun apu, xintzꞌet jun kej seq rij, y kꞌo jun ri tzꞌuyul pe chirij, rukꞌuan jun chꞌabꞌ, y xyoꞌox jun corona chare. Y achel jun chꞌakoyineq chik xel e, y chin ndichꞌakon bꞌaneq wi.

2 Corintios 2:7

Xa kin tikuyuꞌ rumak y tibꞌochiꞌij ránima, ma kꞌateꞌ tikꞌis ruqꞌij chupan santienta bꞌis.

San Mateo 11:28

Kixámpe wikꞌin iwonojel ri rix kosneq y ya mani chik chuxeꞌ ri eqaꞌ chiwij, y riyin nibꞌen chiwa chi ngixuxlan.

2 Corintios 2:14

Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ.

San Mateo 11:7

Y atoq ri etaqon e roma ri Juan ri Bautista xkitzꞌen e bꞌey chin xebꞌa, ri Jesús xchꞌaꞌa pa ruwiꞌ ri Juan chake ri santienta wineq y xubꞌij: ¿Achike xbꞌeꞌitzꞌetaꞌ pa chaqiꞌj y tzꞌiran ulew? ¿Jun kami achi ri ma kaw ta peꞌel rikꞌin ri ngerubꞌij, ri xa achel jun aj nduxqꞌutilan pa ruqꞌaꞌ kaqiqꞌ?