San Mateo 10:22 - Kaqchikel Santo Domingo (Xenacoj)

²² Y roma yin itaqin, kin itzel xkixtzꞌat koma konojel wineq, pero ri jumul ndukachꞌ ruwech hasta pa rukꞌisibꞌel, kin ndikolotej.

နောက်ထပ်ဗားရှင်းများ

Kaqchikel Santa Maria de Jesus

²² Can quinojiel vinak, itziel xquixquitzꞌat ruma iyoꞌn ivánima viqꞌuin. Pero ri man xtitzalaj ta chirij y xtucochꞌ nojiel reꞌ hasta el fin, can xticolotaj.

Kaqchiquel Bible

²² Jak'a rix kan konojel k'a xke'etzelan iwichin roma ikuquban ik'u'x wik'in. Jak'a ri kan xtutej ruq'ij chi nipa'e' kow y xtukoch' k'a pa ruk'isibel chire ronojel re', kan xtikolotej-wi.

Kaqchikel Central Guatemala

²² Can conojel vi c'a xque'etzelan ivichin roma icukuban ic'u'x viq'uin. Pero ri can man c'a xtutzolij ta ri' chirij y xtucoch' c'a ri pa ruq'uisibel chire ronojel, can xticolotej-vi c'a ri'.

Re C'ac'a Testamento pa Kach'abal

²² Can conojel-va xque'tzelan ivichin roma ibanon confiar-ivi' viq'uin. Pero re man xtutzolij-ta-ri' chij y xtucoch' xtuk'asaj ronojel re' c'a pa ruq'uisibal, can xticolotaj-va.

Kaqchikel Western Solola

²² Xa can xquixetzelex wi c'a cuma quinojel, ruma icukuban ic'u'x wuq'ui riyin. Yac'a ri ma xtutzolij ta ri' chrij y xtucoch' ronojel c'a pa ruq'uisbel, ya c'a ri' ri xticolotej.

San Mateo 10:22 ပူးပေါင်းရင်းမြစ်များ

San Mateo 24:13

Pero ri ma xtitzolij ta chirij y jumul xtukachꞌ ruwech hasta pa rukꞌisibꞌel, kin xtikolotej.

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

Apocalipsis 2:10

Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Marcos 13:13

Y roma yin itaqin, itzel ngixtzꞌat koma konojel wineq, pero ri ma xtitzolij ta chirij y jumul xtukachꞌ ruwech hasta pa rukꞌisibꞌel, kin xtikolotej.

San Mateo 10:39

Ri ja ri aj rochꞌulew rukꞌaslen ndupoqonaj, ma ndiril ta ri kꞌaslen ma ndikꞌis ta. Jakꞌa ri ma ndupoqonaj ta rukꞌaslen chin nduqꞌasaj kꞌayew roma ngiroqaj, kin ndiril ri kꞌaslen ma ndikꞌis ta.

1 Juan 3:13

Hermanos, ma tisach ikꞌuꞌx si itzel ngixtzꞌat koma ri wineq.

San Mateo 24:9

Chupan teq ri qꞌij riꞌ, ri wineq ngixkijech chin ndibꞌan itzel chiwa, ngixkikamisaj, y roma yin itaqin, itzel ngixtzꞌat koma konojel wineq.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

Hebreos 6:11

Pero ndiqarayij chi chiꞌijununal nditij iqꞌij chi ngixtoꞌon y keriꞌ ta kꞌa jumul ndibꞌen hasta pa rukꞌisibꞌel, chin keriꞌ rikꞌin kuqubꞌel kꞌuxlaj ndiwoyobꞌej apu ri qꞌij chin ndiwil ri favor rusujun kan.

San Juan 17:14

Riyin nutzijon pe ri atzij chake, pero ri wineq ri ma rat kitaqin ta itzel ngekitzꞌet, porque ri eꞌayoꞌon chuwa ma junan ta kinoꞌoj kikꞌin, achel riyin ma junan ta nunoꞌoj kikꞌin ri ma rat kitaqin ta.

Gálatas 6:9

Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

San Lucas 6:22

Kin jabꞌel roꞌiqꞌij rix, atoq ri wineq itzel ndikitzꞌet iwech, y ngixkoqotaj pe chikikajal, ngixkichapalaꞌ y ndikibꞌilaꞌ chi xa rix itzel teq wineq, roma rix oqey wichin riyin ri aj chikaj ri xinuꞌalex chiꞌikajal.

2 Corintios 4:11

Porque ri qakꞌaslen, qꞌij-qꞌij ndiyoꞌox pa ruqꞌaꞌ ri kamik roma qataqin ri Jesús, chin keriꞌ rukꞌaslen ri Jesús ndiqꞌalajin chuqaꞌ pa qa-cuerpo ri xa ndiken wi e.

San Mateo 5:11

Kin jabꞌel roꞌiqꞌij rix, atoq ri wineq ngixkichapalaꞌ, ngixkitzeqlebꞌej chin ndikibꞌen itzel chiwa, y ndikitzꞌukulaꞌ xa achike na chi aqꞌ chiwij roma rix oqey wichin.

Apocalipsis 2:17

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, niyaꞌ chare jubꞌaꞌ chin ri maná ewan kan chi ndukꞌux, y niyaꞌ chuqaꞌ chare jun chꞌuti seq abꞌej apeꞌ tzꞌibꞌan jun kꞌakꞌakꞌ bꞌiꞌaj. Xa kin xe ri achoq chare niyaꞌ ndiretamaj ri bꞌiꞌaj riꞌ, y ma jun chik.

San Juan 7:7

Rix maneq roma itzel ngixtzꞌat koma ri wineq. Pero riyin itzel ngitzꞌat koma rejeꞌ, porque kin nibꞌij chake chi ma utz ta ri itzel teq achike ri ngekibꞌanalaꞌ.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

Apocalipsis 2:7

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Chare ri xtitiker ndubꞌen ri nubꞌiꞌin kan, niyaꞌ qꞌij chi ndukꞌux ruwech ri cheꞌ ri nduyaꞌ ri kꞌaslen ma ndikꞌis ta, ri kꞌo pa qꞌusqꞌuj ru-paraíso ri Dios.

Hebreos 3:14

Porque kꞌo chuqaꞌ qaqꞌaꞌ chare ri yoꞌon chik chare ri Cristo, pero ndikꞌatzin chi jumul ndiqayaꞌ qánima rikꞌin hasta pa rukꞌisibꞌel, achel qabꞌanun pe xe jampeꞌ pa nabꞌey.

Apocalipsis 2:26

Chare ri xtitiker ndubꞌen ri nubꞌiꞌin kan, y ndubꞌen ri nusamaj qꞌij-qꞌij hasta pa rukꞌisibꞌel, niyaꞌ uchuqꞌaꞌ pa ruqꞌaꞌ pa kiwiꞌ ri jalajaj kiwech wineq ekꞌo chochꞌulew,

Hechos 9:16

Y riyin nikꞌut chuwech janipeꞌ kꞌayew nderuqꞌasaj roma nderuyaꞌ utzulej nutzijol, xchajeꞌ.

Apocalipsis 2:3

Ma amalin ta kan nuwech, kin akochꞌon ri bꞌanun pe chawa roma yin ataqin y ma poyineq ta akꞌuꞌx.

San Lucas 21:17

Y roma yin itaqin, itzel ngixtzꞌat koma konojel wineq.

San Lucas 21:19

Si ma xkixtzolij ta chiwij y jumul xtikachꞌ iwech hasta pa rukꞌisibꞌel, kin xtikolotej ri ikꞌaslen.