Marcos 9:42 - Kaqchikel Santo Domingo (Xenacoj)

⁴² Juyo ruwech ri ndibꞌanun chare jun chikiwech re chꞌuteq wíta reꞌ ri yin kitaqin, chi ndiril jun roma ngiruyaꞌ kan. Xa más ta utz chare chi nditzeqebꞌex chuqul jun nim abꞌej jokꞌbꞌel trigo y ndetorix pa mar.

နောက်ထပ်ဗားရှင်းများ

Kaqchikel Santa Maria de Jesus

⁴² Xa cꞌo ta jun ri in-runiman mesque manak-oc rukꞌij y nipa jun chic vinak y nuꞌon cha ri jun reꞌ chi nitzak, ri nibꞌano quireꞌ más otz nixim jun nem abꞌaj (caꞌ) chukul y nicꞌak chupan ri mar.

Kaqchiquel Bible

⁴² Ri Jesús xubij chik: Xabachike k'a wineq ri xtibanon chire ri más ruqasan-ri' chike ri yetzeqeliben wichin, chi nimakun; ri nibanon ri etzelal ri', más ta utz xa nixim-el chuqul jun nimalej abej richin ke'en y keri' nik'aq k'a chupan ri palou.

Kaqchikel Central Guatemala

⁴² Vi c'o ta jun co'ol ri yiniman y nipe ta jun vinek y nuben chire ri jun co'ol ri' chi nitzak pa mac; man utz ta ri nuben. Y romari' ri vinek ri nich'obon chi nuben ri etzelal ri', xa más ta utz chire rija' chi ximon ta jun nimalej abej richin que'en chukul y netorix can chupan jun nimalej ya'.

Re C'ac'a Testamento pa Kach'abal

⁴² Vo xa c'o jun vinak re c'a ba-oc quinrunimaj-va y nipa-ta chic jun vinak y nuban cha che nitzak pa mac, re vinak re' man otz-ta re nuban. Y mare' antes che nuban re etzelal re', más-ta otz cha reja' che nixim-ta jun moma' aboj chukul y ne'torex can pa mar.

Kaqchikel Western Solola

⁴² Wi c'o ta jun co'ol ri yirunimaj y nipe ta jun winek y nuben chare ri jun co'ol ri' chi nitzak pa mac, ri winek ri xbano ri pokon ri', nimalaj ruc'ayewal nipe pa ruwi'. Rumari' xa utz na juba' chi ximon ta el jun nimalaj ca' chukul y nbec'ak ca pa mar, que chuwech ri nuben chare jun co'ol chi nitzak pa mac.

Marcos 9:42 ပူးပေါင်းရင်းမြစ်များ

San Mateo 18:6

Pero juyo ruwech ri ndibꞌanun chare jun chikiwech re chꞌuteq wíta reꞌ ri yin kitaqin, chi ndiril jun roma ngiruyaꞌ kan. Xa más ta utz chare chi nditzeqebꞌex chuqul jun nim abꞌej jokꞌbꞌel trigo, y ndetorix pa mar chin ndibꞌa qa hasta chuxeꞌ yaꞌ.

San Mateo 18:10

Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

2 Corintios 6:3

Roj ndiqatij qaqꞌij chi ndiqabꞌen nojel pa ruchojmil, chin keriꞌ ma romak ta jun ma utz ta xtiqabꞌen, ekꞌo wineq xtikiyaꞌ kan ri Ajaw, y romariꞌ xtiyoqꞌotej ri samaj ndiqabꞌen pa rubꞌiꞌ.

Romanos 16:17

Nikꞌutuj kamelal chiwa hermanos chi tichajij iwiꞌ chikiwech ri ndikajoꞌ ndikijech iwech, y ndikiyaꞌ jun achike pa ibꞌey chi ndiwil jun roma ndiyaꞌ kan ri utzulej tijonik kꞌutun kan chiwech. Ma tiwachibꞌilaj iwiꞌ kikꞌin.

Romanos 14:13

Y romariꞌ, roj qonojel chiqajununal ma qojwalal chik chirij jun. Ri más utz chi ndiqabꞌen roj ri kꞌo ruchuqꞌaꞌ qánima rikꞌin ri Ajaw jareꞌ: Kin tiqayaꞌ pa qánima chi ma ndiqabꞌen jun achike ri ndubꞌen chare jun hermano chi ndiril jun roma xtuyaꞌ kan ri Dios o xtisach ri bꞌey chuwech.

2 Pedro 2:2

Y ekꞌiy ri xketzeqlebꞌen ri seqꞌ teq noꞌoj ndikibꞌanalaꞌ rejeꞌ, y romariꞌ kin xtibꞌix itzel teq tzij chirij ri qetzij bꞌey.

Hechos 9:4

Rijaꞌ xtzaq pa ulew, y xrakꞌaxaj jun chꞌabꞌel ri kereꞌ xubꞌij chare: ¡Saulo! ¿Achike roma yin atzeqlebꞌen chin ndabꞌen itzel chuwa?

1 Timoteo 5:14

Romariꞌ, ngenpixabꞌaj ri malkaꞌ ri kꞌa ma eꞌintéra ta ixoqiꞌ chi kekꞌuleꞌ chik jumbꞌey, kekikꞌiytisaj kal. Kin ta utz ndikibꞌen cuenta ri kachoch, chin keriꞌ ma ndikiyaꞌ jun roma chake ri itzel ngetzꞌeto kichin ri eralkꞌuaꞌl ri Dios, chi ngechꞌaꞌa itzel teq tzij chikij.

Filipenses 1:10

Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij,

Romanos 15:21

Xa kin nibꞌen achel ndubꞌij ri tzꞌibꞌan kan chupan ri rutzij ri Dios: Ri achoq chake ma jumbꞌey yoꞌon rutzijol, kin xtiketamaj achike Rijaꞌ, Y ri ma jumbꞌey kakꞌaxan rutzijol, kin xtikikꞌoxomaj chuqaꞌ ri rutijonik. Keriꞌ tzꞌibꞌan kan.

San Mateo 17:27

Pero chin ma itzel tikinaꞌ qoma roj, kabꞌiyin qa chuchiꞌ ri lago chutzꞌamik ker, y ri nabꞌey ker xtuyaꞌ riꞌ, tawelesaj pe pa yaꞌ y tajaqaꞌ pa ruchiꞌ. Chiriꞌ ndawil jun moneda, takꞌuaj y tajachaꞌ chake ri ngemolo ri méra ri ndikꞌatzin chin pa rachoch ri Dios, y keriꞌ ndataj kan ri ndikꞌatzin chi ndataj rat y ri wichin chuqaꞌ yin.