Marcos 7:6 - Kaqchikel Santo Domingo (Xenacoj)

⁶ Ri Jesús xubꞌij chake: Kin qetzij ri ruqꞌalajrisan kan ri profeta Isaías pa iwiꞌ rix ri kaꞌiꞌ ipalej. Rijaꞌ kereꞌ rutzꞌibꞌan kan: Ri Dios ndubꞌij: Re tinamit reꞌ, xe rikꞌin kichiꞌ ndikiyaꞌ nuqꞌij, Pero ri kánima xa nej kꞌo chin ta qetzij ndikiyaꞌ nuqꞌij.

နောက်ထပ်ဗားရှင်းများ

Kaqchikel Santa Maria de Jesus

⁶ Pero ri Jesús xuꞌej chica ri achiꞌaꞌ reꞌ: Ixreꞌ xa caꞌyeꞌ ipalaj. Xa otz rubꞌixic ruꞌeꞌn can chivij ri profeta Isaías. Ri xutzꞌibꞌaj can, quireꞌ nuꞌej: Ri vinak reꞌ joꞌc riqꞌuin ri quichiꞌ niquiyaꞌ nukꞌij, pero ri cánima xa naj cꞌo-ve.

Kaqchiquel Bible

⁶ Jak'a ri Jesús xubij chike ri achi'a' ri': Rix xa ka'i' ipalej. Xa kan jebel k'a ri xuq'alajirisaj ri Isaías chiwij toq xubij:*f8* Re winaqi' re' xaxe k'a rik'in ri kich'abel nikiya' nuq'ij, jak'a ri kánima xa nej k'o chuwe yin.

Kaqchikel Central Guatemala

⁶ Pero ri Jesús xubij chique ri achi'a' ri': Rix xa ca'i' ipalej. Xa can jebel c'a rubixic rubanon can ri Isaías chivij. Ri xubij ri Dios chire chi tutz'ibaj can, nubij c'a: Re vinek re' xaxe c'a riq'uin ri quich'abel niquiya' nuk'ij, jac'a ri nrajo' ri cánima xa man ja ta ri'; xa nej c'a chire ri niquiya' ta nuk'ij.

Re C'ac'a Testamento pa Kach'abal

⁶ Pero re Jesús xubij chique re achi'a' re': Yex xa ca'e' ipalaj. Mare' can jabal rubixic rubanon can chivij re jun rusamajel re Dios re xbex profeta cha, re xc'ue' ajuer can re xubini'aj Isaías. Re xubij re Dios cha che tutz'ibaj can, y ja quire' nubij: Re vinak re' xaxe riq'uin re quichi' niquiya' nuk'ij, pero re cánma xa mana-ta re' re nrajo', xa c'ac'anaj c'o-va re cánma chin che niquiya-ta nuk'ij.

Kaqchikel Western Solola

⁶ Yac'a ri Jesús xubij chique ri achi'a' ri': Riyix xa ca'i' ipalej. Xa can jabel c'a rubixic rubanon ca ri Isaías chiwij. Ruma ri Isaías rutz'iban c'a ca ri xbix chare ruma ri Dios, y quec'are' ri nubij: Re winek re' xaxu (xaxe) wi c'a riq'ui ri quich'abel niquiya' nuk'ij, yac'a ri cánima xa nej c'o wi el chuwe riyin.

Marcos 7:6 ပူးပေါင်းရင်းမြစ်များ

Tito 1:16

Ndikibꞌij chi ketaman runoꞌoj ri Dios, pero roma ri itzel ndikibꞌanalaꞌ, kin ndiqꞌalajin chi xa maneq Dios pa kiwech. Xa ndimulu rukꞌuꞌx ri Dios rikꞌin ri itzel ngetajiyaj. Ma ngeniman ta y ma jun kikꞌaꞌtz chin ndikibꞌen ri utz.

2 Timoteo 3:5

Rejeꞌ xtikibꞌananej achel ndikibꞌen ta ri ndiqaꞌ chuwech ri Dios, pero ma xtikiyaꞌ ta qꞌij chare chin ndujel ri kikꞌaslen. Ma tatzeq awiꞌ kikꞌin wineq ri ngebꞌanun keriꞌ.

San Juan 5:42

Pero riyin wetaman achike rubꞌanun ri iwánima, chi ma ndiwojoꞌ ta ri Dios.

San Juan 15:24

Si riyin man ta xinbꞌen nimalej teq achike chikikajal ri nixta jun chik bꞌanayon, man ta kꞌo kimak keqalen. Pero wokami xkitzꞌet yan ri nimalej teq achike enubꞌanun, y maske kitzꞌeton, xa itzel nginikitzꞌet, y itzel chuqaꞌ ndikitzꞌet ri Nataꞌ Dios.

Hechos 28:25

Y roma ma junan ta kitzij xkibꞌen pa ruwiꞌ ri ndubꞌij ri Pablo, xa ja ngeꞌel e chin ngebꞌa, pero nabꞌey ri Pablo xubꞌij e chake: Kin qetzij ri tzij xuyaꞌ ri Espíritu Santo chare ri profeta Isaías, chin xubꞌij chake ri ojer teq iwatit-imamaꞌ. Rijaꞌ xubꞌij: