Marcos 15:40 - Kaqchikel Santo Domingo (Xenacoj)

⁴⁰ Chiriꞌ ekꞌo apu chuqaꞌ jujun ixoqiꞌ ngetzuꞌun apu chi nej. Chikikajal ri ixoqiꞌ riꞌ, kꞌo ri María Magdalena, ri María ruteꞌ ri José y ruteꞌ chuqaꞌ ri Santiago ri más kꞌa akꞌual na, y kꞌo chuqaꞌ ri Salomé.

နောက်ထပ်ဗားရှင်းများ

Kaqchikel Santa Maria de Jesus

⁴⁰ Y icꞌo jeꞌ nicꞌaj ixokiꞌ ri chi-naj ncaꞌtzuꞌn-apa. Chiquicajol ri ixokiꞌ reꞌ, cꞌo ri María Magdalena, ri María quitieꞌ ri Jacobo ri chꞌuteꞌn y ri José, y ri ixok Salomé.

Kaqchiquel Bible

⁴⁰ Ek'o chuqa' ixoqi' ri yetzu'un-apo, jak'a kan nej ek'o-wi. Chikikojol ri ixoqi' ri', k'o ri María aj-Magdala, k'o ri María ri kite' ri José y ri Jacobo ri k'a ak'ual na, y k'o chuqa' ri Salomé.

Kaqchikel Central Guatemala

⁴⁰ Y ec'o chuka' ixoki' ri yetzu'un-apo, pero can c'anej ec'o-vi-el. Chiquicojol c'a ri ixoki' ri', c'o c'a ri María Magdalena, c'o ri María ri quite' ri José y ri Jacobo ri c'a ac'ual na, y c'o chuka' ri jun ixok rubini'an Salomé.

Re C'ac'a Testamento pa Kach'abal

⁴⁰ Y jec'o chuka' ixoki' re ye'tzu'un-apo, pero c'ac'anaj jec'o-va-a. Chiquicojol re ixoki' re' c'o-va re María Magdalena, re María quite' re José y re Jacobo re más co'ol y c'o chuka' re jun ixok rubini'an Salomé.

Kaqchikel Western Solola

⁴⁰ Y yec'o chuka' ixoki' ri c'anej yetzu'un wi apo. Chiquicojol c'a ri ixoki' ri', c'o c'a ri María Magdalena, c'o ri María ri quite' ri José y ri Jacobo ri c'a c'ajol na, y c'o chuka' ri jun ixok Salomé rubi'.

Marcos 15:40 ပူးပေါင်းရင်းမြစ်များ

San Lucas 23:49

Pero konojel ri ketaman ruwech ri Jesús, y ri ixoqiꞌ koqan pe ri Jesús xe jampeꞌ eleneq pe pa rochꞌulew Galilea, chi nej ndikitzꞌet apu ri ndajin.

Marcos 16:9

Atoq ri Jesús kꞌastajneq chi pe chikikajal ri animaꞌiꞌ, kumaj saqer chin ri nabꞌey qꞌij chin ri semana, xuqꞌalajrisaj riꞌ nabꞌey chuwech ri María Magdalena, ri achoq pa rukꞌaslen jumbꞌey kan xerelesaj wuquꞌ itzel teq espíritu.

San Mateo 28:1

Atoq xqꞌax yan ri uxlanibꞌel qꞌij, kumaj saqer chin ri nabꞌey qꞌij chin ri semana, ri María Magdalena y ri jun chik María, xebꞌeqaqa chin ndikitzꞌet apeꞌ muqun kan ri Jesús.

San Mateo 27:61

Saqil pe apeꞌ xmuq ri Jesús, xetzꞌuyeꞌ kan ri María Magdalena y ri jun chik ixaq rubꞌiniꞌan María.

San Mateo 13:55

¿Ma ja ta kami reꞌ rukꞌajol ri carpintero? ¿Ma ja ta kami ri María ri ruteꞌ? ¿Ma ja ta kami ri Santiago, ri José, ri Simón y ri Judas ri eruchaqꞌ?

1 Corintios 9:5

Rukꞌulun chuqaꞌ chi ndiqabꞌen achel ndubꞌen ri Pedro, y ri eruchaqꞌ ri Ajaw, y ri chꞌaqa chik apóstoles. Rejeꞌ chikijununal ndikikꞌuaj kixjayil ri kitaqin chuqaꞌ ri Ajaw apejeꞌ ngebꞌa chin ndekibꞌanaꞌ rusamaj ri Ajaw.

Marcos 15:47

Ri María Magdalena y ri María ri ruteꞌ ri José, ndikitzutzaꞌ apeꞌ xmuq kan ri Jesús.

Santiago 1:1

Riyin Santiago, rusamajel ri Dios y rusamajel ri Ajaw Jesucristo, nitzꞌibꞌaj e re wuj reꞌ chiwa rix ri kiy-kimam kan ri kabꞌlajuj rukꞌajol ri Israel ri ikiran iwiꞌ chuwech ri rochꞌulew. Niteq e ruxunaqil iwech.

Gálatas 1:19

Chiriꞌ ma jun apóstol más xintzꞌet ruwech, xaxe ri Santiago ri ruchaqꞌ ri Ajaw Jesucristo.

San Mateo 10:3

Xeruchaꞌ chuqaꞌ ri Felipe y ri Bartolomé, ri Tomás y ri Mateo ri xok moloy méra pa rubꞌiꞌ ri rey jumbꞌey kan, ri Santiago rukꞌajol ri Alfeo, y ri Tadeo.

Marcos 16:1

Atoq xqꞌax yan ri uxlanibꞌel qꞌij, ri María Magdalena, ri María ruteꞌ ri Santiago, y chuqaꞌ ri Salomé, xbꞌekiloqꞌoꞌ jubꞌulej teq aqꞌon chin ndekiyaꞌ chirij ru-cuerpo ri Jesús.

San Lucas 19:3

Ri Zaqueo ndutij ruqꞌij chin ndutzꞌet ri Jesús, pero roma santienta wineq kimolon kiꞌ chiriꞌ, ma nditiker ta porque ri Zaqueo xa kaꞌal ok raqen.