Marcos 14:61 - Kaqchikel Santo Domingo (Xenacoj)

⁶¹ Pero ri Jesús nixta jun achike xubꞌij chin ta xutzolij ruwech rutzij. Y ri más nimalej ruqꞌij sacerdote xukꞌutuj chik razón chare: ¿Ja rat ri Jun ri nditaq pe roma ri Dios chukolik ri rutinamit? ¿Ja rat ri Rukꞌajol ri nimalej ruqꞌij Dios?

နောက်ထပ်ဗားရှင်းများ

Kaqchikel Santa Maria de Jesus

⁶¹ Pero ri Jesús man jun tzij xuꞌej. Rumareꞌ xpa ri sacerdote ri más cꞌo rukꞌij, xucꞌutuj chic cha: ¿Atreꞌ ri Cristo, ri Rucꞌajuol ri Dios? xchaꞌ cha.

Kaqchiquel Bible

⁶¹ Jak'a ri Jesús xa man xch'on ta. Kan man jun k'a ch'abel ri xubij. Roma ri' ri nimalej sacerdote, xuk'utuj chik chire. ¿Ja rat ri' ri Cristo, ri ruk'ajol ri nimalej Dios ri niqaya' ruq'ij?, xcha' chire.

Kaqchikel Central Guatemala

⁶¹ Pero ri Jesús xa man xch'on ta c'a. Can man jun c'a ch'abel ri xubij. Romari' xpe ri nimalej sacerdote, c'o chic c'a ri xuc'utuj chire. Rija' xuc'utuj c'a chire: ¿Ja rat ri' ri Cristo ri Ruc'ajol ri Dios ri nikaya' ruk'ij? xcha' chire.

Re C'ac'a Testamento pa Kach'abal

⁶¹ Pero re Jesús man xch'o-ta, y man jun tzij xubij. Mare' xpa re namalaj sacerdote, xuban chic jun pregunta cha. Reja' xuc'utuj cha: ¿Ja rat re Cristo re Ruc'ajol re Dios re nakaya' ruk'ij? xcha' cha.

Kaqchikel Western Solola

⁶¹ Yac'a ri Jesús xa ma xch'o ta c'a. Can majun c'a ch'abel ri xubij. Rumari' xpe ri nimalaj sacerdote, xuc'utuj chic c'a chare: ¿La yit c'a riyit ri Cristo ri Ruc'ajol ri nimalaj Dios ri nikaya' ruk'ij? xcha' chare.

Marcos 14:61 ပူးပေါင်းရင်းမြစ်များ

Marcos 15:2

Ri Pilato kereꞌ xukꞌutuj razón chare: ¿Ja rat ri ki-Rey ri israelitas? Y ri Jesús xubꞌij: Ja rat ri ngabꞌiꞌin keriꞌ.

San Juan 19:7

Pero ri achiꞌaꞌ israelitas kꞌo uchuqꞌaꞌ pa kiqꞌaꞌ xkibꞌij chare ri Pilato: Roj kꞌo jun qa-ley, y ri ley riꞌ ndubꞌij chi tikamisex, porque rijaꞌ nduqꞌabꞌaj riꞌ chi Rukꞌajol ri Dios.

1 Pedro 2:23

Atoq xebꞌix mal teq tzij chare, ma xutzolij ta rukꞌexel, y atoq xyoꞌox pa kꞌayew, ma xubꞌij ta chi ndutzolij rukꞌexel. Rijaꞌ xa kin xujech riꞌ pa ruqꞌaꞌ ri Dios ri pa ruchojmil nduqꞌet tzij pa kiwiꞌ ri wineq.

San Juan 10:36

¿achike roma rix ndibꞌij chi niyaqꞌ rubꞌiꞌ ri Dios xe roma xinbꞌij chi yin Rukꞌajol, xu ja rijaꞌ yin chaꞌayon chin xiruteq pe chochꞌulew?

San Juan 1:34

Y yin xintzꞌet chi keriꞌ xbꞌanatej. Y romariꞌ niyaꞌ rutzijol chi ja rijaꞌ ri Rukꞌajol ri Dios, xchajeꞌ ri Juan.

San Mateo 16:16

Y ri Simón Pedro xubꞌij: Ja rat ri Rukꞌajol ri Kꞌaslik Dios, ri Jun taqon pe roma ri Dios chukolik ri rutinamit.

San Mateo 8:29

Ja atoq riꞌ xesikꞌin chubꞌixik: Rat Rukꞌajol ri Dios, ¿achike ndawojoꞌ chaqe? ¿Xatuqaqa chireꞌ chin ngojabꞌen castigar, atoq kꞌajani tuqaqa ri qꞌij chin riꞌ?

San Mateo 3:17

Y xakꞌaxex jun chꞌabꞌel pataneq chikaj ri kereꞌ xubꞌij: Jareꞌ ri Nukꞌajol, y tzꞌan niwojoꞌ. Riyin santienta ngikikot roma rijaꞌ, xchajeꞌ.

1 Timoteo 6:15

Rijaꞌ nduqꞌalajrisaj riꞌ atoq nduqaqa ri qꞌij rubꞌanun ruwech ri Dios, ri Dios ri kin jabꞌel roruqꞌij y kin xe wi rijaꞌ kꞌo pa ruwiꞌ nojel. Ja rijaꞌ ri nimalej Rey pa kiwiꞌ konojel teq reyes. Y ja rijaꞌ ri nimalej Ajaw pa kiwiꞌ konojel teq ajaw.

1 Timoteo 1:11

utzulej teq tijonik ri rukꞌuan riꞌ rikꞌin ri utzulej teq tzij chin kolotajik ri pataneq rikꞌin ri Dios ri kin jabꞌel roruqꞌij. Y ja utzulej teq tzij riꞌ ri ruchilabꞌen ri Dios chuwa chi niyaꞌ rutzijol.

Hechos 8:32

Ri rutzij ri Dios ri ndubꞌen leer, jareꞌ: Achel jun karneꞌl ndukꞌuꞌex apeꞌ ndikamisex, keriꞌ xbꞌan chare. Y achel jun alaj karneꞌl ma ndiqꞌajan ta chikiwech ri ngeqꞌaton rusmal, Keriꞌ xubꞌen rijaꞌ, nixta jun tzij xubꞌij chin ta xutoꞌ riꞌ.

San Juan 19:9

Y xok chi apu pa palacio y kereꞌ xubꞌij chare ri Jesús: ¿Aj apeꞌ kꞌa rat? Pero ri Jesús ma jun achike xubꞌij chare.

San Juan 18:37

Romariꞌ ri Pilato kereꞌ xukꞌutuj razón chare: ¿Rat ndabꞌij chi rat rey? Y ri Jesús xubꞌij: Ja rat ri ngabꞌiꞌin chi yin rey. Riyin chin wi reꞌ xinuqaqa y xinuꞌalex chochꞌulew, chin nitzijoj ri qetzij chikiwech ri wineq. Konojel ri ndikajoꞌ ndikibꞌen ri qetzij, ndikibꞌen ri ndubꞌij ri nutzij.

San Juan 10:24

Ja atoq riꞌ ri achiꞌaꞌ israelitas kꞌo uchuqꞌaꞌ pa kiqꞌaꞌ xkimal apu kiꞌ chirij ri Jesús, y ndikibꞌilaꞌ chare: ¿Jampeꞌ kꞌa ndabꞌij chaqe achike rat? Taqꞌalajrisaj chiqawech si qetzij ja rat ri Jun taqon pe roma ri Dios chukolik ri rutinamit.

Marcos 14:60

Y xyakatej ri más nimalej ruqꞌij sacerdote, xbꞌepeꞌeꞌ pe pa kinikꞌajal ri ekꞌo chiriꞌ y kereꞌ xukꞌutuj razón chare ri Jesús: ¿Ma jun achike ndabꞌij chin ndatoꞌ awiꞌ chuwech ri ndikibꞌij re wineq reꞌ chawij?