Marcos 12:1 - Kaqchikel Santo Domingo (Xenacoj)

¹ Ri Jesús xchꞌaꞌa chik rikꞌin parábolas y xubꞌij: Jun achi xbꞌerutikaꞌ uvas pa rulew, xubꞌen qejoj chirij ri ulew, xukꞌat jun jul chin ndipitzꞌ ruwech ri uva, y xutzukꞌubꞌaꞌ e chikaj jun chꞌuti achoch chin ndikꞌojeꞌ chajinel chupan. Ri achi riꞌ xuyaꞌ kan ri rulew pa qajik chake jujun samajiy ulew y xutzꞌen bꞌey, xbꞌa nej.

နောက်ထပ်ဗားရှင်းများ

Kaqchikel Santa Maria de Jesus

¹ Y ri Jesús xutzꞌom cꞌa riqꞌuin parábolas (cꞌambꞌal-tzij) xchꞌoꞌ chica ri vinak y xuꞌej chica: Cꞌo cꞌa jun ache ri xutic uva pa rulief, xucꞌajuoj rij, xuꞌon incheꞌl jun chꞌiti pila chupan ri ulief chi niyitzꞌ ri uva chupan, y xuꞌon jeꞌ jun torre. Cꞌajareꞌ xuyaꞌ can pa kajic chica nicꞌaj aj-samajiel, y jajaꞌ xꞌa naj.

Kaqchiquel Bible

¹ K'ari' ri Jesús, rik'in k'a k'ambel taq tzij xch'on-wi kik'in ri winaqi'. Kere' k'a ri xerubila' chike: Xk'oje' k'a jun achin ri xutik ruwech ri rulew rik'in uva. Xuk'ojoj rij ri rulew y xuben jun jul yitz'bel-uva chupan, y xuben chuqa' jun ti jay richin ri chajinel. K'ari' xuya' kan pa qajik chike ka'i-oxi' samajela', y rija' xbe nej.

Kaqchikel Central Guatemala

¹ Y ri Jesús, riq'uin c'a c'ambel tak tzij xch'on-vi quiq'uin. Rija' que c'a re' ri xubila' chique: Xc'oje' c'a jun achin ri xutic ruvech ri rulef riq'uin uva. Xuc'ojoj rij ri rulef y xuben chuka' achi'el jun ti pila ri pan ulef ri richin niyitz' ri uva. Xuben chuka' jun tz'ak ri nej jotol, y pa ruvi' ri' xc'oje-vi rachoch ri chajinel. C'ari' xuya' can pa kajic chique ca'i-oxi' samajela', y rija' xbe nej.

Re C'ac'a Testamento pa Kach'abal

¹ Y re Jesús, riq'uin ejemplo xch'o quiq'uin re achi'a' c'o quik'ij. Reja' quire' c'a xubij chique: Xc'ue' jun ache, xutic uva chach re rujuyu' y c'are' xuban co'c chij. Xuban chuka' ancha'l jun ch'et pila pan ulef anche' niyitz'-va re uva, y xuban chuka' jun torre y pa rue' re torre xc'ue-va rachoch re nichajin chin re juyu'. C'are' xuya' can pa kajic chique je ca'e-oxe' achi'a', y reja' c'ac'anaj xbo-va.

Kaqchikel Western Solola

¹ Y ri Jesús, riq'ui c'a c'ambel tak tzij xch'o wi quiq'ui. Riya' quec'are' xubila' chique: Xc'oje' c'a jun achi ri xutic ruwech ri rulef riq'ui uva. Xuben coral chrij ri ulef y xuben chuka' achi'el jun ti pila ri pan ulef riche (rixin) chi niyitz' ri uva chupan. Xuben chuka' jun setesic tz'ak ri nej xujotoba' chicaj, y pa ruwi' ri' xc'oje' wi rachoch ri chajinel. C'ac'ari' xuya' ca pa kajic chique ca'i' oxi' mozos, y riya' xbe nej.

Marcos 12:1 ပူးပေါင်းရင်းမြစ်များ

Marcos 13:34

Porque riyin nibꞌen achel jun rajaw jay ri xbꞌa nej, xujech ri rachoch pa kiqꞌaꞌ ri loqꞌon teq rusamajelaꞌ chin ndikibꞌen cuenta y chikijununal xuyaꞌ kan kisamaj, y xubꞌij kan chare ri ndichajin ri puerta, chi ma tiwer pa ruwiꞌ ri rusamaj.

Marcos 4:2

Y rikꞌin parábolas, kꞌiy tijonik xuyaꞌ chake ri wineq. Y atoq ngerutijoj, kereꞌ ri tijonik nduyaꞌ:

San Mateo 25:14

Porque chupan ri aj chikaj reino ndibꞌanatej achel xbꞌanatej rikꞌin ri xubꞌen jun achi ri ndutzꞌen bꞌey chin ndibꞌa pa jun chik rochꞌulew. Ri achi riꞌ xeroyoj ri loqꞌon teq rusamajelaꞌ y xujech kan méra pa kiqꞌaꞌ chin ndikisamajij.

Hechos 7:38

Y ja chuqaꞌ ri Moisés ri xkꞌojeꞌ rikꞌin ri rutinamit ri Dios atoq xekibꞌanalaꞌ kimolojriꞌil pa chaqiꞌj y tzꞌiran ulew, y ja rijaꞌ ri xqꞌasan rutzij ri ángel chake ri ojer teq qatit-qamamaꞌ, atoq ri ángel xchꞌaꞌa chare pariꞌ ri juyuꞌ Sinaí. Y chare ri Moisés xyoꞌox ri kꞌaslik teq tzij chin xuqꞌasaj chaqe roj israelitas.

San Lucas 19:12

Rijaꞌ xubꞌij chake: Jumbꞌey xkꞌojeꞌ jun achi ralaxibꞌen chi nim reqalen. Ri achi riꞌ xbꞌa nej pa jun chik rochꞌulew, chin ndiyoꞌox pe uchuqꞌaꞌ pa ruqꞌaꞌ chin ndok rey y kꞌateriꞌ nditzolij chi pe chin ndubꞌen reinar pa kiwiꞌ ri ruwinaqul.

San Lucas 15:13

Xqꞌax jubꞌaꞌ teq qꞌij, ri chaqꞌilaꞌtz ja xukꞌayilaꞌ nojel ri herencia, xumal e ruchiꞌ ri méra y xbꞌa pa jun rochꞌulew nej. Chiriꞌ xa apux rukꞌisik xubꞌanalaꞌ chare ri méra roma ri itzel kꞌaslen xukꞌuaj.

San Lucas 8:10

Y rijaꞌ xubꞌij: Chiwa rix yoꞌon qꞌij chi ndiwetamaj ri ewan pe rubꞌeyal xe ojer kan pa ruwiꞌ ru-reino ri Dios, pero chake ri wineq ri ma kiyoꞌon ta kánima wikꞌin, nikusaj parábolas chin ngichꞌaꞌa chake, chin keriꞌ maske ngetzuꞌun, ma ndikiyaꞌ ta cuenta chare ri ndibꞌanatej chikiwech, y maske ndikakꞌaxaj ri nibꞌij, ma ndikikꞌoxomaj ta.

San Mateo 21:28

Y ri Jesús xubꞌij chuqaꞌ: ¿Achike ndibꞌij rix pa ruwiꞌ re nibꞌij apu chiwa? Kꞌo jun achi ekaꞌiꞌ rukꞌajol. Ri achi riꞌ xjel apu rikꞌin ri nabꞌey rukꞌajol y kereꞌ xubꞌij chare: Nukꞌajol, kabꞌesamej re qꞌij reꞌ pa wulew apeꞌ etikon uvas.

San Lucas 22:9

Y rejeꞌ xkibꞌij chare ri Jesús: ¿Apeꞌ ndawojoꞌ ndiqabꞌen rukꞌojlen?

San Mateo 13:3

Ri Jesús kꞌiy achike xubꞌij chake rikꞌin parábolas. Rijaꞌ kereꞌ xubꞌij: Jun tikonel xbꞌetikon.

San Mateo 21:33

Ri Jesús xubꞌij: Tiwakꞌaxaj chik jun parábola: Kꞌo jun achi rajaw ulew xebꞌerutikaꞌ uvas pa rulew, xubꞌen qejoj chirij ri ulew, xukꞌat jun jul chin ndipitzꞌ ruwech ri uva, y xutzukꞌubꞌaꞌ e chikaj jun chꞌuti achoch chin ndikꞌojeꞌ chajinel chupan. Ri achi riꞌ xuyaꞌ kan ri rulew pa qajik chake jujun samajiy ulew y xutzꞌen bꞌey xbꞌa nej.

San Mateo 21:34

Atoq xril tiempo chin ndichꞌupeꞌ ruwech ri uva, xeruteq jujun rusamajelaꞌ apeꞌ ekꞌo ri eqajayon ri ulew chukꞌutuxik ri ruwech uva rajel ruqajik ri ulew.

Marcos 3:23

Ri Jesús xeroyoj ri tijonelaꞌ riꞌ chin kejel apu más chunaqaj, y rikꞌin parábolas kereꞌ xubꞌij chake: ¿Achike modo chi ri itzel ndiroqotaj e riꞌ ruyon chuwech?

Marcos 11:33

Y kereꞌ xkibꞌij chare ri Jesús: Ma qetaman ta, xechajeꞌ. Ri Jesús xubꞌij chake: Keriꞌ chuqaꞌ riyin ma nibꞌij ta chiwa achike yoyon uchuqꞌaꞌ pa nuqꞌaꞌ chin ngenbꞌen ri ngitajin rikꞌin.